ڕۆژانە

10:48

وەک پشتیوانییەک بۆ خۆپیشاندەرانی ڕۆژهەكاتی کوردستان و ئێران وریشە مورادی و زەینەب جەلالیان و سێ زیندانیی سیاسیی دیکە دەستیان بە مانگرتن لە خواردن کرد.

10:18

ئەمڕۆ لە شارەکانی ڕۆژهەڵاتی کوردستان بۆ پشتیوانییکردنی خۆپیشاندەرانی گەلانی ئێران دەست بە مانگرتنی گشتی کرا و هەموو بازار و شوێنە گشتییەکان داخراون.

09:55

‎‎لە سێیەم ڕۆژدا هێرشی گرووپە چەتەکانی سەر بە حکومەتی کاتی سووریا بۆسەر گەڕەکەکانی شێخ مەقسود، ئەشەرەفیە بەردەوامە، بەهۆیەوە هەشت هاوڵاتیی شەهید و ٥٥ی دیکەش برینداربوون.

09:38

هاوکات لەگەڵ بەرزبوونەوەی ژمارەی کوژراوانی مەدەنی، ڕێکخراوی لێبوردنی نێودەوڵەتی داوای کردووە دەستبەجێ هێرشەکان لە حەلەب کۆتایی پێبهێندرێت و ڕێگە بدرێت هاوکارییە مرۆییەکان بەبێ دواکەوتن بگاتە دانیشتووانی زیانلێکەوتوو.

09:03

وریشە مورادی، زیندانیی سیاسیی کورد لە پەیامێکدا لە زیندانی ئێڤینەوە بەناونیشانی نە دیکتاتۆریەتی دینی، نە سەڵتەنەت، بەڵکوو ژن، ژیان، ئازادی، پشتیوانی خۆی بۆ سەرهەڵدانی گەلان ڕاگەیەند.

08:54

لە دهۆک منداڵێکی کچی ١٤ ساڵان، پاش مانەوەی بۆ ماوەی ١٠ ڕۆژ لە نەخۆشخانە، بە سووتان گیانی لەدەستدا، بەگوێرەی زانیارییەکان، بەهۆی هەڕەشەی بەڕێوەبەری خوێندنگەکەیەوە خۆی سووتاندووە.

07:55

پلاتفۆڕمی یەکێتی ژنی کورد سەبارەت بە خۆپیشاندانەکانی ڕۆژهەڵاتی کوردستان و هێرشەکانی هەتەشە لەسەر گەڕەکی شێخ مەقسودو ئەشرەفیە دەڵێت: خوشک و براکانمان لە ڕۆژهەڵات و ڕۆژئاوا لەژێر هەڕەشەی کوشتندان و ژنان ڕۆڵی سەرەکی لە خۆپیشاندانەکاندا دەگێڕن.

07:31

بەسمە محەمەد، بەڕێوبەری ئەکادیمیای ژنان بۆ سەرکردایەتی لە عێراق، دەڵێت: پێویستە ژن خۆی کار لەسەر خۆی بکات و ئاستی هۆشیاری خۆی بگەیەنێتە ئاستێک کە بزانێت مافەکانی چین، بە جۆرێک دانیشتووی هەر وڵاتێک بێت دەبێت خوێندنەوە بۆ یاساکان بکات.

15:23

دوابەدوای شەپۆلی نوێی ناڕەزایەتییەکان لە سەرانسەری ڕۆژهەڵاتی کوردستان و ئێران، سەرچاوە سەربەخۆکانی مافی مرۆڤ باس لەوە دەکەن کە دەیان ژن لەوان منداڵانی کچ دەستبەسەر کراون و تووشی مامەڵەی خراپ و لێدان و هەڕەشە بوونەتەوە.

15:19

لە ١٣ ساڵەی کۆمەڵکوژی پاریس، کۆنگرەی ستار سیمینارێکی بۆ ژنانی گوندی ئوم هەرمێلا لە شاری زرگان سازکرد.

15:08

کۆنگرەی ستار لە کانتۆنی فورات یادی ١٣ ساڵەی کۆمەڵکوژی پاریس سازکرد، جەختی لەوە کردەوە کە میراسی ساکینە جانسز، فیدان دۆغان و لەیلا شایلەمز بە زیندووی دەهێڵنەوە.

14:46

بەرزبوونەوەی بەرچاوی نرخی خۆراک لە ڕۆژهەڵاتی کوردستان و ئێران، بژێوی ژیانی ملیۆنان خێزانی تێکداوە و هەژاریی خۆراکی کردۆتە ڕاستییەکی ڕۆژانە، بۆیە ئەوەی کە ڕوودەدات قەیرانێکی تێپەڕ نییە، بەڵکو دەرئەنجامی سیاسەتێکی ناجێگیرە.

14:05

سەدان کەس لە دانیشتووانی شاری کۆبانێ وەک هاوسۆزی لەگەڵ بەرخۆدانی خەڵکی شێخ مەقسود و ئەشرەفیە ڕژانە سەر شەقامەکان.

13:35

لە دوێنێ شەوەوە، هێرشی چڕی چەتەکانی سەر بە حکومەتی کاتی سووریا بۆ سەر گەڕەکە کوردنشینەکانی حەلەب بەردەوامە، سووپای سووریاش هەڕەشەی توندکردنەوەی هێرشەکان دەکات و ئیلهام ئەحمەدیش هۆشداریی دەدات لە ئەگەری ئەنجامدانی جینۆساید.

13:09

هەدیە تارانی، ئەکتەری ئێران، پشتیوانی خۆی بۆ ناڕەزایەتییە بەردەوامەکانی چەند شارێکی ڕۆژهەڵاتی کوردستان و ئێران دەربڕی و داوای لە دەسەڵاتداران کرد توندوتیژی دژی خۆپیشاندەران ڕابگرن.

12:36

لە کاتێکدا هێرشەکانی جیهادییەکانی هەتەشە بۆ سەر گەڕەکی شێخ مەقسود و ئەشرەفییە بەردەوامن، ژمارەی بریندارانی مەدەنی بۆ ٤٠ کەس بەرزبووەتەوە کە ژن و منداڵیشی تێدایە، جگە لەوەش شەش هاوڵاتی مەدەنی کوژراون کە دوو ژن و دوو منداڵن.

12:14

لە نێو ئەو شەپۆلە ناڕەزایەتییانەی کە ۱۱ ڕۆژە ڕۆژهەڵاتی کوردستان و ئێرانی گرتۆتەوە، لەگەڵ سەرکوت و گرژیی سیاسی و کۆمەڵایەتی، فەلسەفەی "ژن، ژیان، ئازادی" وەک یەکێک لە چوارچێوە فیکرییە گرنگەکان سەریهەڵدایەوە و بووەتە بنەمای یەکگرتوویی گەل.

10:44

تەژەئا داوا لە کۆمەڵگەی نێودەوڵەتی دەکات لە بەرامبەر ئەو توندوتیژیانەی کە هێزەکانی ڕژێم لە ڕۆژهەڵاتی کوردستان و ئێران ئەنجامی دەدەن، بێدەنگ نەبن، داوا لە ژنان و ڕای گشتی و ئەکتەرە نێودەوڵەتییەکان دەکات کە هەڵوێستیان هەبێت.

10:29

ناڕەزایەتییە سەرتاسەرییەکان لە کرماشان و ئابدانان لە ڕۆژهەڵاتی کوردستان پێیان نایە هەفتەی دووەمی خۆی و خۆپیشاندەران سەرەڕای سەرکوتی توند و ئامادەبوونی قورسی هێزە ئەمنییەکانی ئێران، بەردەوامن لە کۆنتڕۆڵکردنی بەشێک لە شەقامەکان و بەڕێوەبردنی شارەکە.

09:24

لە ماوەی زیاتر لە سەد ڕۆژ لە بەرخۆدان و قوربانیدان، لە پاراستنی بەنداوی تشرین لە هێرشەکانی داگیرکەری تورکیا و چەتەکانی، بەرخۆدانی گەل لە باکوور و ڕۆژهەڵاتی سووریا سەرکەوت، ژنان پێشەنگایەتی بەرخۆدانیان کرد.