ڕۆژانە

13:16

ساریرا کەریمی خوێندکاری زانکۆی تاران لە لایەن هێزەکانی ئیتلاعاتەوە دەستبەسەر کراوە.

12:54

لە ٨ـی کانوونی یەکەمی ٢٠٢٤ـەوە لەگەڵ هاتنەسەر دەسەڵاتی هەتەشە لە سووریا، بە کۆی گشتی ٦٥٠ ژن کە ٢٩یان منداڵ بوون، بەهۆکاری بەرماوەی شەڕ، هێرشی چەکداری، هێرشی مەزهەبی و توندوتیژی خێزانی و کۆمەڵایەتی گیانیان لە دەستداوە.

12:18

ژنانی گەڕەکی ئەشرەفیە و شێخ مەقسودی شاری حەلەب و ژنانی دێرەزوور لە باکوور و ڕۆژهەڵاتی سووریا هیوای خۆیان دەربڕی کە ساڵی ٢٠٢٦ ئاسایش و ئارامی بهێنێتە ئاراوە.

12:04

فیدراسیۆنی نێودەوڵەتی ڕۆژنامەنووسان ئاشکرای کردووە، لە ساڵی ٢٠٢٥دا ژمارەیەکی بێ وێنەی ڕۆژنامەنووس لە جیهاندا کوژراون و گەیشتووەتە ١٢٨ ڕۆژنامەنووس کە زیاتر لە نیوەیان لە ڕۆژهەڵاتی ناوەڕاست بوون.

09:15

پێشێلکارییەکان لە دژی ژنان و منداڵان و کۆچبەران لە سووریا پەرەدەسەنن و ئاشکراکردنی ئەو پێشێلکارییانە و پشتیوانیکردنی زیانڵێکەوتووەکان بۆ بونیادنانی دەوڵەتێک لەسەر بنەمای دادپەروەری و شکۆمەندی پێویست دەکات.

08:18

ژنانی ئامەد ڕژانە سەر شەقامەکان بۆ ناڕەزایەتی دەربڕین بەرامبەر بە پاکێجی دادوەری یازدەهەم کە بە هەڕەشەیەکی ڕاستەوخۆ بۆ سەر مافی ژیانی ژنانی دەزانن، جەختیان لەوە کردەوە، کە ئەو یاسایانەی سزاکان کەم دەکەنەوە و هانی ئازادکردنی تاوانباران دەدەن.

13:36

ڕاپۆرتێکی هاوبەش کە ڕەنگدانەوەی ڕادەی پێشێلکارییەکانی ئیسرائیلە لە دژی زیندانیانی فەڵەستینی، دەریدەخات کە دەستگیرکردن و ئەشکەنجەدان و پشتگوێخستنی پزیشکی لە پەرەسەندندایە، ئەویش بەهۆی شەڕی بەردەوامی غەززە و زیانلێکەتووە مرۆییە وێرانکەرەکانی.

13:05

لە کرماشان، منداڵانی کچ لە ژێر پەردەی هاوسەرگیری یاسایی، لە نەبوونی یاسای پشتیوانی و پەناگەی پارێزراو، ناچار دەکرێن لەشفرۆشی بکەن، ئەم دیاردەیە مەترسی لەسەر داهاتووی تەواوی نەوەیەک دروست دەکات.

12:43

دادگای تێهەڵچوونەوەی تونس سزای دوو ساڵ زیندانیکردنی بۆ عەبیر موسا سەرۆکی پارتی دەستوری ئازادی ئۆپۆزسیۆن پشتڕاستکردەوە، کە دۆسیەکە لەلایەن کۆمیسیۆنی باڵای هەڵبژاردنەکانەوە ئاراستەی کرابوو.

11:31

ژنانی ئێزیدی کە لە مێژوودا چەندین جار کراونەتە ئامانج، لە ساڵی ٢٠٢٥ لە ڕێگەی دەیان چالاکی و خولی پەروەردەییەوە نیشانیاندا کە ئەمە ساڵێکی بووژانەوە بووە.

10:00

ژنانی غەززە دوای دوو ساڵ لە بۆردومان و کۆمەڵکوژی و ئاوارەبوون و لەناوبردنی پێداویستییە سەرەتاییەکانی ژیان، بە هیوایەکی زۆرەوە چاویان لە ساڵی ٢٠٢٦یە، بۆ گەڕاندنەوەی ئاسایش و کەرامەت و سەرەتاییترین مافەکانی مرۆڤ.

09:02

ڕێکخراوی سندووقی نەتەوە یەکگرتووەکان بۆ منداڵان ''یونسێف''، ڕاپۆرتێکی سەبارەت بە بارودۆخی منداڵان، لە ساڵی ٢٠٢٥دا بڵاوکردەوە و ڕایگەیاند، منداڵانی ناوچەكانی شه‌ڕ وەک، ئۆکرانیا و سوودان ڕۆژانە ڕووبەڕووی مەترسی مردن دەبنەوە.

07:46

لە گەڕەکی قەسابخانەی شاری کەرکووک، ژنێک بە شێوەیەکی تەمومژاوی لە ناو ماڵەکەی خۆیدا کوژرا، هێزە ئەمنییەکانیش دەستیان بە لێکۆڵینەوە کردووە بۆ دۆزینەوەی بکوژەکە.

15:16

بەشداربووانی هەڵمەتی "سێشەممە نا بۆ لەسێدارەدان" کە ئێستا لە هەفتەی ١٠١دایە، پشتڕاستیان کردەوە کە ناڕەزایەتییەکانیان لە ٥٥ زینداندا بەردەوامە و لەگەڵ مانگرتن و ناڕەزایەتی لە بازاڕی تاران، ئەمەش ڕەنگدانەوەی پەرەسەندنی دژایەتیی سیاسەتە سەرکوتگەرەکانە.

14:01

لە دۆسیەی ئایشە گۆکان، وتەبێژی پێشووی تەژەئا داواکاری گشتی و پارێزەران داوای ئازادکردنییان کرد، بەڵام دادگا ئەم داوایەی ڕەتکردەوە و دانیشتنەکەی بۆ مانگی ئاداری ٢٠٢٦ دواخست.

13:34

شەوی ڕابردوو لە شاری هەولێر دوو هاوژین کوژران و بەپێی زانیارییەکان ژنەکە دووگیان بووە.

12:53

کۆمەڵەی ژنانی زەنوبیا سەرکوتی خۆپیشاندانە ئاشتیخوازانەکانی کەناراوەکانی سووریا و ژمارەیەک شاریان شەرمەزار کرد، ئەم کارانەیان بە پێشێلکردنی ئاشکرای مافەکانی ژن و پیاوی سووریا بۆ دەربڕینی ئازادانەی بۆچوونەکانیان و داواکارییە ڕەواکانیان زانی.

12:09

خالیدە زیا، سەرۆک وەزیرانی پێشووی بەنگلادیش لە تەمەنی ٨٠ ساڵیدا کۆچی دوایی کرد، کە بڕیاربوو لە هەڵبژاردنی مانگی شوباتی ٢٠٢٦ بەشداری بکات، کە چاوەڕوان دەکرا جارێکی تر ببێتەوە سەرۆک وەزیران.

11:34

١٤ ساڵ بەسەر کۆمەڵکوژیی گوندی ڕۆبۆسکی سەر بە ناوچەی قلەبانی شرناخدا تێدەپەڕێت، تا ئێستاش بکەران و تاوانبارانی پشت کۆمەڵکوژییەکە دادگایی نەکراون، هاوکات بنەماڵەکانیان لەسەر گۆڕی کەسوکارەکانیان داوای دادپەروەریی دەکەن.

10:24

ڕێبەری گەلی کورد عەبدوڵا ئۆجالان لە پەیامی سەری ساڵدا ڕایگەیاند، ئەم ساتە بە ئازادی ژنان بەهێزتر دەبێت، لە ئاشتیدا گەل بە دیموکراتیک یەکدەگرێت.