ڕۆژانە

15:26

داواڤ کرا کە سکرتێری گشتیی داهاتووی نەتەوەیەکگرتووەکان ژنێکی خەڵکی ئەمریکای لاتین بێت، ماوەی سکرتێری گشتیی ئێستا لە ٣١ـی کانوونی یەکەمی ٢٠٢٦ـدا کۆتایی پێ دێت.

14:41

دوای ئەوەی دادگای باڵا داوای دووبارە دادگاییکردنەوەی قبوڵ کرد سزای لەسێدارەدانی ئەرغەڤان فەلاحی هەڵوەشێنرایەوە و بڕیارەکە جێبەجێکردنی ڕاگرت و دۆسیەکەی ڕەوانەی دادگای پێداچوونەوە کرد بۆ ئەوەی بەسەر تانەکانی مافی مرۆڤدا بچنەوە.

14:02

نەتەوەیەکگرتووەکان بڵاویکردەوە، لە سەرەتای ئەمساڵەوە تا ئێستا لە ئێران ١٢ کۆڵبەری کورد و ١٣ کاسبکاری بەلووچ کوژراون، دەبێت ئێران قەرەبووکردنەوەی زیانەکان بۆ خانەوادەکانیان بڕەخسێنێت و لێکۆڵینەوەی سەربەخۆ لەسەر هەموو حاڵەتەکانی کوشتنی ئەم کەسانە بکرێت.

13:32

کۆمیسیۆنی تایبەتی ئەنجوومەنی نیشتمانی فەرەنسا ڕەشنووسی یاسای بەرەنگاربوونەوەی توندوتیژی سێکسی دژی ژنان و منداڵانی پەسەند کرد. ئەم ڕەشنووسە لە یەکی تشرینی یەکەمدا لەلایەن ئەنجومەنی گشتییەوە تاوتوێ دەکرێت.

13:15

دادگای ئینقلابی ئەهواز بە تۆمەتی "چالاکی ئەلیکترۆنی" سزای نۆ ژنی عەرەبی بە کۆی گشتی ٤٥ ساڵ زیندانی سەپاند، دادگا ڕایگەیاند کە ئەگەر بەشداری لە "خولی ڕاهێنانی ئایدیۆلۆژی ناچاری"دا بکەن، دەکرێت سزاکە بۆ ساڵێک کەم بکرێتەوە.

11:12

فەتانەی وەلیدی ژنێکی دەنگخۆش و هونەرمەندی باڵای سەردەمی خۆی و رێچکەشکێن بوو، بە دەنگە زوڵاڵ و نایابەکەی دڵی زۆر کەسی خۆش دەکرد، خاوەنی دەیان گۆرانی و شاکاری هونەرییە.

09:21

لە لایەن دەزگای بنەماڵەی شەهیدانی شنگالەوە مەراسیمێکی بیرهێنانەوە بۆ شەهید بێریتان چەلێ بەڕێوەچوو، کە لە ٢٩ی شوباتی ٢٠٢٤ لە شنگال شەهید بوو.

08:48

پۆلیسی هەولێر ئاشکرای کرد، ژنێک بە چەقۆ لە لایەن هاوژینەکەیەوە کوژراوە، تۆمەتبارەکە دەستگیر کراوە و پەڕاوی لێکۆڵینەوەی بۆ کراوەتەوە.

07:55

بۆتان عومەر، خاوەنی گۆبەرۆک دەڵێت: لە ڕێگەی گۆبەرۆکەوە ژنان و نەوەی داهاتوو ئاشنایی کولتوور و مۆرکی نەتەوەکەمانیان دەکەین، تا کولتووری کورد هەمیشە زیندووبێت.

15:44

کەمپەینی دادپەروەری ژنان لە سودان داوای بەشداریکردنی پرسەکانی تایبەت بە ژنانی خاوەن پێداویستی تایبەت لە سیاسەتی ژناندا و دڵنیابوون لە بەشداریکردنیان لە بڕیاردان دەکات.

14:44

لەگەڵ گەڕانەوەی هەزاران خوێندکار بۆ هۆڵەکانی خوێندن لە ئێران، دەستپێکردنی ساڵی نوێی خوێندن لە کاتێکدایە کە ترسی شەڕ و بەرزبوونەوەی تێچووی ژیان و سەختی دەستەبەرکردنی پێداویستییە پەروەردەییەکان هەن.

14:24

هاوڵاتییانی مەغریب بەمەبەستی هەڵبژاردنی حکومەتی نوێ بەرەو سندوقەکانی دەنگدان دەڕۆن. هەڵبژاردنەکان لە کاتێکدایە کە قەیرانی کۆچ و نائارامی گەنجان هاتۆتە ئاراوە و هەروەها چاودێری دەکرێت کە تەنها ١٥.٨ ملیۆن کەس ناویان تۆمار کراوە بۆ دەنگدان.

14:19

نووسەری کورد سوزان سامانجی کە ماوەی ١٨ ساڵە لە سویسرا دەژی، لە گەڕانەوەیدا بۆ تورکیا لە فڕۆکەخانەی ئyستەنبوڵ بە پاساوی "پروپاگەندە بۆ ڕێکخسن" دەستبەسەر کرا و بە مەرجی خستنەژێر چاودێری ئازاد کرا.

11:53

باکووری کۆردۆفان شایەتی زیادبوونی گرژییە ئەمنییەکانە. دۆخێک کە بووەتە هۆی کۆچی بەکۆمەڵ لە شارۆچکەی ئوم بەدرەوە. لە ماوەی سێ ڕۆژدا سێ هەزار و ٦٥٠ کەس بە ڕێگای کۆچکردن بەڕێکەوتوون.

11:34

بەغدای پایتەختی عێراق شایەتحاڵی کۆتایی هاتنی دەستپێشخەریی "لە بیرۆکەوە بۆ پڕۆژە" بوو، کە ئامانجی پاڵپشتیکردنی ژنانی خاوەنکار و گۆڕینی بیرۆکەکانیان بۆ پڕۆژەی بەردەوام و بەرزکردنەوەی بەشداری ئابوورییان و ڕەخساندنی هەلی کار بوو.

08:23

لە شاری سلێمانی بە بۆنەی ٢٣ یەمین ساڵیادی دامەزراندنی پارتی یەکێتی دیموکراتیک "پەیەدە" بەدرشمی"بەرەو مسۆگەرکردنی مافە کوردییەکان لە دەستووردا، و بونیادنانی سووریایەکی دیموکراتیک و فرەلایەن" دیدارێک بەڕێوە چوو.

15:55

وەرزشوانانی ژنانی ئێران لە سێهەمین ڕۆژی یارییەکانی ئاسیای ٢٠٢٦ لە شاری ئیچی- ناگۆیای ژاپۆن دوو مەدالیای زیویان بەدەستهێنا، دوای ئاستێکی نایابیان لە کاراتێ لە پێشبڕکێکانی کاتای گروپی و کومیتە تاکەکەسییەکان.

15:25

لە شاری قامیشلۆ، گەلی ڕۆژئاوای کوردستان دژی بڕیاری حکومەتی کاتی بۆ سنووردارکردنی زمانی کوردی گردبوونەوەیەکیان ئەنجامدا : ئەمە بڕیارێکی دەسەڵاتە و دەیانەوێت بە یەک ڕەنگ و یەک زمان حوکمی ئەم گەلە بکەن. بەڵام ئێمە ڕێگە بەم کارە نادەین.

14:56

٣٠ ڕێکخراوی مافی مرۆڤ لە ٦٣هەمین دانیشتنی ئەنجوومەنی مافی مرۆڤی ڕێکخراوی نەتەوەکان خوازیاری هەنگاوی بەپەلە بوون و ڕایانگەیاند کە ئێران لەسێدارەدان وەک ئامرازێکی تیرۆر لەدژی ناڕازییان و خۆپیشاندەران کەڵک وەردەگرێت.

14:29

ئەنجوومەنی تەندروستی و سەلامەتی پیشەیی کرێکارانی تورکیا ئیشیگ ڕایگەیاند، لە نێوان مانگی ئەیلولی ٢٠٢٥ تا ئابی ٢٠٢٦ ٩٥ منداڵ لە کاتی کارکردندا گیانیان لەدەستداوە.