ڕۆژانە

15:28

دوابەدوای ئەو ڕاگەیەندراوەی ئەنجومەنی گشتی گەڕەکی شێخ مەقسود و ئەشرەفیە لە شاری حەلەب بڵاویکردەوە، کە کۆکردنەوەی گشتی ڕاگەیاند، خەڵکی باکوور و ڕۆژهەڵاتی سووریا خۆیان ئامادە دەکەن بۆ ئەوەی بەرەو شارەکە بڕۆن، بۆ دەربڕینی هەڵوێست و پشتیوانی خۆیان بۆ خەڵک.

14:55

ڕێکخراوەکانی مافی مرۆڤ و ژنان لە سوەیدا، لەگەڵ لیژنەی باڵای یاسایی و ڕێکخراوی جیهانی دروز، هێرشەکانی سەر گەڕەکی شێخ مەقسود و ئەشرەفیەیان لە شاری حەلەب شەرمەزار کرد و بە پێشێلکردنی ئاشکرای یاسای مرۆیی نێودەوڵەتییان زانی،

14:06

لە چەند ڕۆژی ڕابردوودا دوو ژنی گەنج لە خوراسان لەلایەن هێزەکانی حکوومەتەوە دەستبەسەر کران و تا ئێستاش چارەنووسیان نادیارە.

13:37

ئەنجوومەنی گشتی گەڕەکی شێخ مەقسود و ئەشرەفیە ڕاگەیاندراوێکی بڵاوکردەوە و تیایدا هاتووە، گروپە جیهادییەکان دانیشتوانی گەڕەکەکان و هێزە ئەمنییەکان ناچار دەکەن خۆیان ڕادەست بکەن، وتیشی: "بڕیارمان داوە لە گەڕەکەکانمان بمێنینەوە و بەرگری لە گەڕەکەکانمان بکەین"

12:57

مانگی سووری کوردی لە ناوچەی باکوور و ڕۆژهەڵاتی سووریا، بانگەوازێکی مرۆیی بەپەلەی بڵاوکردەوە و داوای لە کۆمەڵگەی نێودەوڵەتی کرد دەستبەجێ دەستوەردان بکەن بۆ ڕاگرتنی هێرشە بەردەوامەکانی سەر گەڕەکەکانی شێخ مەقسود و ئەشرەفیە و بەنی زەید لە شاری حەلەب.

12:28

ژنانی باشووری کورستان دەڵێن: ژنان بێ دەنگ نابن هەتا دادپەروەری و یاسا جێبەجێ نەکرێت، با ئەو دەستانەی لەناو کۆمەڵکوژییەكانی ''پاریس''دان ئاشكرا بکرێ.

12:02

لە ڕۆژهەڵاتی کوردستان و ئێران، لەگەڵ پچڕانی ئینتەرنێت، هەواڵی کوژرانی خۆپیشاندەران لە شارەکانی کەرەج، کامیاران، کرماشان و شارەکانی دیکە هەیە، بەپێی زانیارییەکان تەنها لە کەرەج زیاتر لە ٥٠ کەس بە تەقەی هێزە ئەمنییەکان کوژراون.

11:07

گرووپە جیهادییەکانی هەتەشە لە گەڕەکی شێخ مەقسودی شاری حەلەب کۆمەڵکوژییەکیان ئەنجامدا، دوای ئەوەی ڕاستەوخۆ باڵەخانەیەکی نیشتەجێبوونیان کردە ئامانج، کە لە ئەنجامدا خێزانێکی شەش کەسی کوژران کە سێ منداڵیان هەبووە.

10:49

شاری فەردیسی ئێران شایەتحاڵی یەکێک لە خوێناویترین کۆمەڵکوژییەکانی دژ بە خۆپیشاندەران بوو، ڕاپۆرتە میدیاییەکان ئاماژە بەوە دەکەن کە زیاتر لە پەنجا کەس بە تەقەی هێزە ئەمنییەکان کوژراون.

09:18

لە بناری چیای قەندیل بە پێشەنگایەتی ژنان و بە ئامادەبوونی جەماوەرێکی بەرچاو، یادی ١٣ ساڵەی شەهیدکردنی ساکینە جانسز و هاوڕێکانی بەرز ڕاگیرا، کە تێیدا جەخت لەسەر بەردەوامی تێکۆشان لەسەر ڕێبازی "ژن، ژیان، ئازادی" کرایەوە.

08:45

ناوەندی شاخەوانی کۆیە بەهاوبەشی لەگەڵ ژنانی شاخەوانی ڕێکخراوی ئۆسکار، هەڵمەتێکی بەڕوو چاندنیان ڕاگەیاند، بە ئامانجی سەوزکردنی خاکی کوردستان.

19:25

١٣ ساڵ بەسەر کۆمەڵکوژیی پاریس تێدەپەڕێت کە تێیدا سێ پێشەنگی کورد تیرۆر کران، بە سیمینارێک لە کامپی پەنابەرانی مەخموور بە سەرۆکایەتی ئەنجومەنی عشتاریاد کرایەوە.

19:03

ڕێکخراوی ژنانی کورد لە ڕووسیا سەبارەت بە هێرشەکان بۆ سەر گەڕەکەکانی شێخ مەقسود و ئەشرەفیە و بەرخۆدان لە ڕۆژهەڵاتی کوردستان و ئێران ڕاگەیاەدراوێکی بڵاوکردەوەو تێیدا هاتووە: پشتیوانی لە گەلەکەمان دەکەین کە بە ئیرادەی خۆیان ژیانێکی ئازاد بنیات دەنێن.

18:17

لە شاری سلێمانی، بەرەی پشتیوانی ڕۆژئاوا بۆ شەرمەزارکردنی هێرشەکانی سەر گەڕەکە کوردییەکانی شێخ مەقسوود و ئەشرەفیە، کۆنگرەیەکی ڕۆژنامەوانییان سازکرد و داوای وەستاندنی دەستبەجێی هێرشەکانیان کرد.

18:02

لیژنەی دیپلۆماسی کۆنگرەی ستار لە باکوwر و ڕۆژهەڵاتی سوwریا چوار نامەی ئاراستەی کۆمیساریای باڵای مافی مرۆڤی نەتەوە یەکگرتووەکان و ئەنجومەنی ئاسایشی نەتەوە یەکگرتووەکان و نوسینگەی نێردەی تایبەتی سکرتێری گشتی نەتەوە یەکگرتووەکان لە سووریا و سی پی تی کرد.

14:31

تەڤگەری ژنانی ئازاد "تەژەئا" و ئەنجومەنی ژنانی دەم پارتی هێرشەکانی سەر گەڕەکە کوردنشینەکانی شاری حەلەبی سووریایان شەرمەزار کرد، داوایان لە هەموو گەلان و هێزە دیموکراتیەکان کرد کە شۆڕشی ژنان وەک نموونەیەکی ناوازەی ڕزگاری و بەرخۆدان بپارێزن.

13:17

دانیشتووانی شاری قامیشلۆ بۆ پشتیوانی لە گەلی شێخ مەقسوود و ئەشرەفییە وبەنی زەید ڕێپێوانێکیان ڕێکخست. ئەو دانیشتووانە دەڵێن: وەک چۆن لە کۆبانی شکستیان هێنا، لە شێخ مەقسوود و ئەشرەفییەش شکستیان پێدەهێنن.

13:03

ژنانی کۆچبەری عەفرین کە ئێستا لە قامیشلۆ لە باکوور و ڕۆژهەڵاتی سووریا نیشتەجێن، ئەو هێرشانەیان شەرمەزار کرد کە جیهادیەکانی هەتەشە بۆ سەر گەڕەکەکانی شێخ مەقسود و ئەشرەفیە و بەنی زەید لە شاری حەلەب دەستیان پێکرد، دەڵێن: ئیرادەی گەلەکەمان ناشکێت.

12:24

کەژەکە سەبارەت بە هێرشەکانی سەر گەڕەکی شێخ مەقسود و ئەشرەفیەی شاری حەلەب و بەرخۆدانی ڕۆژهەكڵاتی کوردستان و ئێران ڕاگەیەندراوێکی بڵاوکردەوە و داوای هاودەنگی لەگەڵ گەلی ڕۆژئاواو خەڵکی ئێران کرد.

11:25

ئەمڕۆ دوای زیاتر لە ١٠ ساڵ بەسەر تیرۆرکردنی ساکینە جانسز و فیدان دۆغان و لەیلا شایلمز ناسراو بە "ئەفسانەی قژسوورەکان" لە نێو ژنانی کورددا، کە دەچنە سەر شەقامەکان و داوای ڕاستی دەکەن، وێنەکانیان بەرز دەکەنەوە وەک ئەوەی هێشتا لە نێویاندا بڕۆن.