ڕۆژانە

07:56

لەچوارچێوەی ئاگربەستی بەشەکی لە گەڕەکی شێخ مەقسود و ئەشرەفیەی شاری حەلەب، ئەو کاروانەی شەهید و برینداری هەڵگرتبوو، گەیشتە ناوچەکانی خۆبەڕێوەبەری و بۆ نەخۆشخانەکان گواسترانەوە.

15:24

لە شاری سلێمانی، سەرجەم توێژەکان بۆ پشتیوانی کوردانی ڕۆژئاوای کوردستان، بە دروشمەکانی"سووریایەکی ئارام و سەقامگیر بێ سەلماندنی مافەکانی کورد بونی نابێت، بژی بەرخۆدانی ئەشرەفیە، کورد سەردەکەوێت" بەشداری ڕێپێوانی جەماوەری بوون.

14:45

خۆپیشاندانەکانی گەلانی ئێران ١٤ ڕۆژی تێپەراند و هیشتا بەرخۆدان دژی ڕژێمی ئیران بەردەوامە و لەو چوارچێوەیەشدا، ئەکرەم پیركزی لە پارێزگای خۆراسان بە تەقەی هێزە ئەمنییەکانی سەر بە ڕژێم کوژرا.

14:38

سەرەڕای سنووردارکردنەکان، گەل لە چەند شارێک لەوانە تاران، مەشهەد، تەبرێز و قوم ڕژانە سەر شەقامەکان و دروشمی دژە ڕژێمیان وتەوە، ڕێکخراوەکانی مافی مرۆڤ بە بەڵگەی دەیان کوژراو و بریندار بوون، هۆشدارییان دا لە سیاسەتێکی سیستماتیکی بە ئامانجی ترساندن.

14:00

لە کەرکوک و دهۆک هێرشی چەتەکانی سەر بە حکومەتی کاتی سووریا بۆسەر شێخ مەقسودو ئەشرەفییە شەرمەزار کراو داوای ڕاگرتنی شەڕ کرا.

13:54

یەکینەکانی پاراستنی ژنان "یەپەژە" دووپاتیکردەوە، کە ئەو چالاکییە گیانفیداییە و ئۆپەراسیۆنە خۆبەختکەرانەی لە چوارچێوەی ئەو بەرخۆدانەدا لە شێخ مەقسود ئەنجام دەدرێن، خەریکە داستانی نوێ دەنووسن، پرسەکه یەکێکە لە سەرکەوتنی مرۆڤایەتی.

13:30

سیستەمی تەندروستی لە باکوور و ڕۆژهەڵاتی سووریا، سەندیکای پارێزەران و ئەنجومەنی دادپەروەری کۆمەڵایەتی لە جزیرە، بەردەوامی هەڵکشانی سەربازی و بەئامانجکردنی گەڕەکەکانی نیشتەجێبوون و دامەزراوە پزیشکییەکان لە شێخ مەقسود و ئەشرەفیەیان شەرمەزار کرد.

12:19

بۆردوومانکردن ماڵێکی لە دێر حافری ڕۆژهەڵاتی حەلەب کردە ئامانج، منداڵێکی کچی تەمەن ١٠ ساڵ کوژرا و منداڵێکی کچی دیکەش بە سەختی بریندار بوو.

11:19

خۆبەڕێوەبەری ڕایگەیاند، بەردەوامی هێرشەکان بۆ سەر نەخۆشخانەی شەهید خالید فەجر مەترسی ڕاستەوخۆ بۆ سەر گیانی نەخۆشەکان و بریندارەکان و کارمەندانی چاودێری تەندروستی دروست دەکات و داوای کرد دەستبەجێ کۆتایی بە هێرشەکان بهێنرێت.

11:00

مۆزەخانەی نیشتمانی ئەفغانستان بە یەکێک لە ئامڕازە گرنگەکانی ناسنامەی کولتووری ئەو وڵاتە دادەنرێت، بەڵام لە سەردەمی شەڕە ناوخۆییەکان و ڕژێمی تاڵیباندا تووشی تاڵان و وێرانکارییەکی بەرفراوان بووە، هەروەها ژنانی ئەفغانستان ڕێگەیان پێنادرێت بچنە ژوورەوە.

10:49

لە نێوان پەرەسەندنی سەربازی و پێشێلکارییە بەردەوامەکان لە گەڕەکەکانی شێخ مەقسودو ئەشرەفیە لە شاری حەلەب، کاروانێک لە باکوور و ڕۆژهەڵاتی سووریاوە بەرەو دێرحافر بەڕێکەوت، کە هەڵوێستێکی مرۆیی و گەل بەرجەستە دەکات.

10:19

گەلی قامیشلۆ بەشداریان لە سەفەربەری بۆ بەرخۆدانی شێخ مەقسود و ئەشرەفیە کرد و کاتژمێر ٥ی بەیانی بە کاروانێک بەرەو حەلەب بەڕێکەوتن.

09:16

کەمێک پێش ئێستا، گرووپە چەتەکانی سەربە حکومەتی کاتی سووریا کە لە لایەن دەوڵەتی تورکەوە پشتیوانی دەکڕێن، بۆردوومانی نەخۆشخانەی شەهید خالید فەجریان لە گەڕەکی شێخ مەقسود کرد.

09:11

کۆمەڵکوژیی پاریسی ساڵی ٢٠١٣، بەشێک بوو لە سیاسەتێکی سیستماتیکی بۆ بێدەنگکردنی ژنانی کورد و هەڵوەشاندنەوەی تۆڕەکانی بەرخۆدان، سەرەڕای تاوانە بەردەوامەکان، قوربانیدانی ساکینە جانسز و هاوەڵەکانی ئیرادەی ژنانی بەهێزتر کردووە.

08:34

ئیلهام ئەحمەد، هاوسەرۆکی بەشی پەیوەندییەکانی دەرەوەی خۆبەڕێوەبەری باکوور و ڕۆژهەڵاتی سووریا، سەرنجی بۆ ڕۆڵی نێوەندگیری ئەمریکا ڕاکێشاو وتی: ئێمە پابەندین بەو ڕێککەوتنانە و هەوڵدەدەین جێبەجێیان بکەین.

08:11

ڕوناهی حوسێن، چالاکوانی سیاسی وێڕای دەربڕینی پێزانین و سەردانەواندن بۆ گیانی پاکی شەهید ساکینە جانسزو هەڤاڵانی ئاماژەی بەوەدا کە ڕێبازی ئەوان نوێنەرایەتی حەقیقەتێکی بێ کۆتایی دەکات.

07:34

ڕێکخراوەکانی ڕۆژهەڵاتی کوردستان بە پەیامێک سوپاس و پێزانینی خۆیان بۆ مانگرتنی گشتیی ڕۆژهەڵاتی کوردستان دەربڕی و ڕایانگەیاند، ئەم هاودڵی کۆمەڵایەتیی و بوێرییە مەدەنییە، تەنها سیمایەک لە بەرگریی ڕێکخراوەیی خەڵک نەبوو، بەڵکو نیشاندەری لێهاتوویی کۆمەڵگە بوون.

07:19

ساکینە جانسزو هەریەک لەهەڤاڵانی هاوخەباتی بەناوی فیدان دۆغان ولەیلاشایلەمەزلەکۆمەڵکوژیەکەی پاریسدا بوونە قەڵای بەرخۆدان وڕێگای کراوەی شۆڕشی ژن لەڕۆژهەڵاتی ناوەڕاست وتەواوی جیهان.

16:58

هاوڵاتییانی هەولێر دژی هێرشی گرووپە چەتەکانی سەربە حکومەتی سووریا گردبوونەوە و پشتیوانی خۆیان بۆ بەرخۆدانی ئاسایشی ناوخۆ لە حەلەب و گەلی گەڕەکەکانی شێخ مەقسود و ئەشرەفیە دەربڕی.

15:41

پلاتفۆرمی کوشتنی ژنان ڕادەگرین ڕاپۆرتی ساڵی ٢٠٢٥ی خۆی بڵاوکردەوە، کە بەپێی ڕاپۆرتەکە لە ساڵی ٢٠٢٥ لانی کەم ٢٩٤ ژن کوژراون و ٢٩٧ ژنیش بە شێوەیەکی گوماناوی گیانیان لەدەستداوە.