ڕۆژانە

16:00

بەهۆی بۆردوومانەکانی ئیسرائیل بۆ سەر ماڵە مەدەنییەکان و چادری ئاوارەکان و ئەوانەی چاوەڕێی یارمەتیە مرۆیەکان بوون لە چەند ناوچەیەکی کەرتی غەززە، ٣٣ فەڵەستینی کە ٨ کەسیان کارمەندی یارمەتیە مرۆیەکان بوون کوژران.

15:28

گوڵستان کلچ کۆچیگیت، سەرۆک فراکسیۆنی دەم پارتی ڕایگەیاند پێویستە کۆمیسیۆنەکەی پەرلەمان لەگەڵ ڕێبەر ئاپۆ دا دیالۆگ بکات و گوێ لە بۆچوونەکانی بگرێت.

14:40

نوخشە ناسیح، پارێزگارى هه‌ڵه‌بجه‌ ڕایگه‌یاند، به‌هۆى ئه‌و ئاگره‌ به‌هێزه‌ى له‌سنووره‌كه‌ كه‌وته‌وه‌، زیاتر له‌ پێنج هه‌زار دۆنم دارستانى سرووشتى و پووش و پاوانى ناو سووتاوه‌، لیژنه‌ى لێكۆڵینه‌وه‌ له ‌ڕووداوه‌كه‌ دروستدەکە‌‌ن.

14:13

نیبەل گەنچ کە دوای ٣١ ساڵ لە زیندانی ژنانی باکیرکۆی ئازاد کرا، بە دروشمی "ژن، ژیان، ئازادی" پێشوازی لێکرا.

14:00

کۆنگرەی ستار لە شاری کۆبانێ سزای لەسێدارەدانی دەسەڵاتدارانی ئێران لە دژی هاوڵاتیانی ئێران بەتایبەتی ژنان شەرمەزار کرد، جەختی لەوە کردەوە، کە ئامانجی ئەم کردارانە سڕینەوەی ناسنامەی ژنانە.

11:41

لەبەردەم بینای بەڕێوەبەرایەتی پەروەردەی ڕۆژئاوای سلێمانی بەشێك لە مامۆستایان و فەرمانبەران دژی پێنەدانی موچەكانیان و ڕاگرتنی پلە بەرزكردنەوە خۆپیشاندانیان دەستپێكرد.

11:24

لە شانۆنامەی "نهێنی تەنیای من تۆ بوویت"، ئازایەتی ژنان لە شکاندنی ئەو کۆت و بەندانەی کە یاسا پیاوسالاریەکان سەپێندراون، نیشان دەدرێت، چوار ژن لە چوار نەوە بە شکۆوە ژیان و مردن هەڵدەبژێرن، پەیامی ئازادی لە قوڵایی مێژووەوە تا قۆناغ بەرجەستە دەکەن.

08:58

ئەنجومەنی کۆمەڵگەی ئەرمەنستان و پێکهاتەکانی باکوور و ڕۆژهەڵاتی سووریا جەختیان لەسەر ئەوە کردووەتەوە کە هێزەکانی "قەسەدە و یەپەژە" ئازادی گەلان دەپارێزن، بەهێزن و قەسەدە هێزی پاراستنی هەموو سووریای هەیە.

08:22

ڕاپۆرتدەری تایبەتی نەتەوەی یەکگرتووەکان بۆ مافەکانی مرۆڤ لە ئێران، پەسەندکردنی سزای لەسێدارەدانی شەریفە محەمەدی شەرمەزارکرد و وتی: دەبێت سزای لەسێدارەدانی شەریفە محەمەدی هەڵبوەشێتەوە.

15:26

لە سنووری پارێزگای هەڵەبجە ماوەی سێ ڕۆژە ئاگر بەردەوامی هەیەو زەرەرو زیانێکی زۆری بە باخ و دەشت و پاوەنەکانی ناوچەی کۆکۆی کە چەندین گوند لەخۆ دەگرێت گەیاندووە.

14:44

لە چوارەمین سالەی کۆنتڕۆڵکردنی ئەفغانستان لەلایەن تاڵیبانەوە، ڕەخنەی نێودەوڵەتی لە سیاسەتی سەرکوتگەرانەی تاڵیبان بەرامبەر بە ژنان پەرەی سەندوە، ئەوەش دوای دەرکردنی زیاتر لە ١٠٠ فەرمانی دژ بە ژنان و زەوتکردنی مافە سەرەتایەکانیان.

14:15

بەشداربووانی هەڵمەتی "سێشەممەکانی نا بۆ لەسێدارەدان" لە هەفتەی ٨٢دا بۆ شەرمەزارکردنی بەرزبوونەوەی ڕێژەی لەسێدارەکان لە ئێران درێژە بە ناڕەزایەتیەکانیان دەدەن و داوای بەکارهێنانی هەموو ئامرازێک بۆ دەربڕینی ناڕەزایەتی خۆیان بەرامبەر بەو سزایە دەکەن.

13:36

ڕاپۆرتێکی نەتەوە یەکگرتوەکان ئاشکرایکردوە، دەیان هەزار کەس کە زۆربەیان ئاوارەن، لە بەڕێوەبەرایەتی عەبس سەر بە شاری حەجە مەترسی برسێتیان لەسەرە، ئەمەش بەهۆی کەمبوونەوەی هاوکاریەکان بەهۆی کەمی بودجە و گۆڕانی کەشوهەوایە.

12:53

بە دەرکردنی فەتوای ڕوحوڵا خومەینی لە ١٩ی ئابی ١٩٧٩، ڕۆژهەڵاتی کوردستان چووە قۆناغێکی ئاڵۆز و چارەنوسسازەوە، ڕوداوێک کە بووە هۆی پەرەسەندنی سەرکوت و لە دایکبوونی بزووتنەوەیەکی بەرخۆدانی لە ناوچەکەدا.

10:38

ڕێکخراوی سەربەخۆی ژنان ڕایگەیاند، لە کۆمەڵگەی کوردستان هەموو جۆرەکانی هەڵاواردن و بێڕێزی کردن بە ژن لە ئاستی کۆمەڵگەدا بەڕێوەدەچێت، ساڵانە ٥٠ ژن لە باشووری کوردستان دەکوژرێن.

10:30

بۆ مسۆگەرکردنی مافەکانی گەلی کورد لە دەستووری نوێی سووریادا، زۆر گرنگە دان بە ناسنامە و زمانی دایک و هەروەها مافی هەموو پێکهاتەکان بنێن.

10:06

ناوەندی داری زانین بۆ گەشەپێدان و پەروەردەی منداڵ، کە لە شاری قامیشلۆ کرایەوە، منداڵان بە سێ زمان پەروەردە دەکات بە مەبەستی بەرەوپێشبردنی تواناکانی منداڵان لە ڕێگەی بەرنامەی داهێنەرانەی پەروەردەیی و کات بەسەربردن.

09:05

تەڤگەری ئازادی ژنانی ئێزدی دوای پشتڕاستکردنەوەی سزای لەسێدارەدانی شەریفە محەمەدی ڕاگەیەندراوێکی بڵاوکردەوە و داوای بەهێزکردنی خەبات و بەرخۆدان لەدژی سیاسەتەکانی سزای لەسێدارەدانی کرد.

08:36

ڕێکخراوی پەیوەندییەکانی ژنانی کورد "ڕێپاک" سزای لەسێدارەدانی شەریفە محەمەدی شەرمەزار کرد و بانگەوازی لە دەوڵەتی ئێران کرد، کۆتایی بە پێشێلکردنی مافەکانی مرۆڤ و هێرشەکانی سەر ژنان بهێنێت.

08:32

دوای نزیكه‌ی ١٠ ڕۆژ له‌ ونبوون و دیارنه‌مانی، ته‌رمی ژنێک لە ماڵێکدا لە گەڕەکی ڕزگاری سلێمانی دۆزرایه‌وه.