ڕۆژانە

10:51

پلاتفۆرمی یەکێتی نەتەوەیی ژنانی کورد، ئیدانەی هێرشەکانی ئێران و گرووپە چەکدارەکانی بۆ سەر هەرێمی کوردستان کرد و ڕایگەیاند، لە بەرامبەر ئەم هێرشانەدا یەکگرتوویی نەتەوەیی لە هەموو کاتێک گرنگترە، پێویستە حکومەتی عێراق ڕێوشوێنی پێویست بگرێتەبەر.

10:15

لە ململانێی بەردەوامی ئێراندا، گۆڕانکارییەکی قووڵ لە قاڵب دەدرێت، لە کاتێکدا بەشەکانی دەسەڵات و بڕیارەکانی دەوڵەت دەگۆڕدرێن بۆ دەستی ئامڕازی سەربازی و ئەمنی و ئازار لە ناو کۆمەڵگەدا چڕتر دەبنەوە،

09:13

وەزارەتی تەندروستی لوبنان ڕایگەیاند، بەهۆی هێرشە ئاسمانییەکانی ئیسرائیلەوە ٩کەس گیانیان لەدەستداوە و ٤٧ی دیکەش برینداربوون، هاوکات قەیرانی مرۆیی بە ئاوارەبوونی بەرفراوانی خەڵک خراپتر دەبێت.

08:51

١٩ ئەندامی پەرلەمانی ئەوروپا داوایان لە دامودەزگاکانی یەکێتی ئەوروپا کرد چارەنووسی ئیڤا ماریا میشێلمان، ڕۆژنامەنووسی ئەڵمانی و ئەحمەد پۆلات ڕۆژنامەنووسی کورد ئاشکرا بکەن کە لە ڕەققە بێسەروشوێن بوون.

15:32

کۆمەڵەی ژنانی "ميموزا"، لە ماوەی ١٠ڕۆژدا کوشتنی چوار ژنی لە مێرسین شرمەزارکرد دەڵێت: سیستەمێک کە مافی ژیانی ژنان نەپارێزێت و تاوانباران سزای کەمی بدات، ئەوا هانی توندوتیژی و بەردەوامبوونی ژنکوژی دەدات.

14:43

هەرچەندە بیرۆکەی تۆپی پێی ژنان لە سودان زیاتر لە بیست ساڵ لەمەوبەر دەستیپێکردووە، بەڵام کۆمەڵگەی سودان هێشتا بیرۆکەی بەشداریکردنی ژنان لە وەرزشدا ڕەتدەکاتەوە و بە دۆمەینی تایبەتی پیاوانی دەزانێت.

14:03

ئەو منداڵانەی بەشدارییان لە جەژنی نەورۆز کرد لە شاری حەسەکە بە جلوبەرگی نەتەوەییەوە دەڵێن: ئێمە کوردین، بۆ دۆزی خۆمان دەوەستینەوە.

13:21

هێزەکانی ڕژێمی ئێران دوای هەڵکوتانە سەر ماڵەکەی، سیما تشمبری، خوێندکاری قۆناغی یەکەمی کیمیا لە زانکۆی رشت و دانیشتووی شاری نیشابوریان دەستگیر کرد.

12:54

بەشداربووانی هەڵمەتی "سێشەممەکانی نا بۆ لەسێدارەدان" دەڵێن: ژیانی زیندانییەکان دوو هێندە مەترسی لەسەرە بەهۆی بۆردوومانە بەردەوامەکانەوە، چونکە بەشێکی زۆریان بەدەست کەمیی خۆراک و چاودێری پزیشکییەوە دەناڵێنن.

12:45

تەژەئا داوای بەشداری لە دانیشتنی دادگاییکردنی ئایشە دۆغان دەکات، کە بڕیارە لە ٢٦ی ئاداردا بەڕێوەبچێت و زیاتر لە پێنج ساڵە دەستبەسەرە.

12:16

سەرۆکی فریاکەوتنی ئێران ئاشکرای دەکات لە سەرەتای جەنگەوە ٢٣٨ ژن کوژراون و زیاتر لە سێ هەزار و ٧٠٠ـی دیکەش بریندار بوون، هەروەها هەزارو ٥٦٣ بریندارو ٢٠٨ کوژراوی خوار تەمەن ١٨ ساڵیش هەن.

11:27

لە کاتێکدا شەڕی هاوبەشی ئەمریکاو ئیسرائیل لە دژی ئێران دەچێتە چوارەمین هەفتەیەوە، شاری مهاباد ڕووبەڕووی نائەمنیی بەربڵاو و کەمیی سەرچاوەی توند و پەککەوتنی بەرچاو لە ژیانی ڕۆژانەدایە.

09:21

بەشداربووانی جەژنی نەورۆز لە شاری وان لە باکووری کوردستان دەڵێن: بیری ڕێبەری گەلی کورد عەبدوڵا ئۆجالان گونجاوترین ڕێگایە بۆ گەیشتن بە چارەسەرێکی هەمەلایەنە کە کۆتایی بە ململانێکانی بەردەوامی ناوچەکە دەهێنێت.

08:57

بەڕێوەبەرایەتیی پۆلیسی هەولێر، لەڕێگەی پۆلیسی کۆمەڵگەییەوە، نامیلکەیەکی هۆشیاریی ئەمنی بۆ بەرەنگاربونەوەی تاوانە ئەلیکترۆنییەکان بڵاوکردەوە، کە جەخت لە پاراستنی ژنان دەکاتەوە.

07:25

لە جیهانێکدا کە تەکنەلۆژیا خەریکە نەخشەی کارو ژیان دەگۆڕن، ژنان چیتر تەنها بەکارهێنەر نین، بەڵکو دەتوانن ببنە بزوێنەری سەرەکی ئەم گۆڕانکارییانە، نەهلە محەمەد، مامۆستای زانکۆ دەڵێت: ئەگەر زیرەکی دەستکرد بە هۆکاری خراپ بەکاربهێنن دەبێتە سەرچاوەی کێشە.

15:55

دوابەدوای ئەو ڕووداوانەی ئەم دواییە لە کاتی ئاهەنگەکانی جەژنی نەورۆزدا ڕوویان دا، ژنانی شاری حەسەکە پێیان وایە ئەم ڕووداوانە ئامانجیان هاندانی ناتەباییە لەناو پێکهاتەکان و ڕێگریکردنە لە پێشکەوتن بەرەو گەیشتن بە ڕێککەوتن.

14:26

زەهرا حاجی، بەرپرسی ناوەندی چاکسازیی ”حەمدەم” بۆ منداڵانی کچانی خاوەن پێداویستی تایبەت، بە تۆمەتی دژایەتیکردنی جێگیرکردنی هێزەکانی سپای پاسداران دەستبەسەر کرا.

12:26

بەگوێرەی ڕاپۆرتەکانی مافی مرۆڤ، دەیان زیندانی بەلووچ کە ناڕەزایەتیان دەربڕی بە کەمکردنەوەی بەشەخۆراک، دوای ئەوەی لە زیندانی تشابهار لەلایەن هێزە سەربازی و ئەمنییەکانەوە تەقەیان لێکرا، کوژران و بریندار بوون.

10:32

جێبەجێکردنی بەڵێنەکانی ئێستا لە تورکیا گرنگترە لە دەرکردنی یاسای نوێ، بەتایبەتی سەبارەت بە پرسەکانی وەک زیندانییە نەخۆشەکان، یەکسانی لەبەردەم یاسا و مافی هیوا.

09:40

شەڕی نێوان ئێران و ئیسرائیل و ئەمەریکا نەک هەر زیانی بە ژیان و ژێرخانی خەڵکی مەدەنی گەیاندووە، بەڵکو میراسی کولتووری و شوێنەوارە مێژووییەکانی زۆرێک لە وڵاتانی خستووەتە بەر مەترسیی گەورەی لەناوچوون و هەڕەشەی داڕمانی یادەوەری مێژوویی ئێرانی کردووە.