ڕۆژانە

10:58

ژیان کایا، پارێزەر هەڵسەنگاندنی بۆ هێرشەکانی سەر کورد کرد، دەڵێت: مامەڵەکردن لەگەڵ ڕووداوەکان وەک ”تاکەکەسی” کێشەی سیستەمی دەشارێتەوە و ئاشتیی کۆمەڵایەتی تەنها لەو کاتەدا دەکرێت بەدی بێت کە سەرجەم ناسنامەکان هەستی پەیوەندی و ئارامییان هەبێت.

08:15

کەلسوم کریم، داکۆکیکاری مافەکانی ژنان دەڵێت: ژنانی ڕۆژئاواو ژنانی باکوور شانازیان پیوە دەکەم بوونە سیمبولی ژنانی شۆڕش ژنانی هەرچوارپارچە بەردەوام ڕۆڵ و کاریگەری خۆیان هەبووە، لە مێژووی خەباتی گەلی کورددا بەشدارییان لە هەموو جۆرەکانی خەباتی نەتەوەیی هەبوو.

15:51

ڕێکخراوی تەندروستی جیهانی هۆشداری داوە لە پەرەسەندنی مەترسی بڵاوبوونەوەی ڤایرۆسی ئیفلیجی منداڵانی گۆڕاو لە یەمەن و قرنی ئەفریقا، ئەمەش لە کاتێکدایە کەلێنی کوتان و ئاستەنگە ئەمنییەکان بەربەستن بۆ دەستڕاگەیشتن بە ڤاکسین بۆ ملیۆنان منداڵ.

15:46

بەپێی ئامارەکانی وەزارەتی تەندروستی، ژمارەی کوژراوانی بۆردومانەکانی ئیسرائیل بۆ سەر غەززە لە چەند کاتژمێری ڕابردوودا بۆ حەوت کەس بەرزبووەتەوە و ١٠ برینداریشیان هەیە، کە هێشتا قوربانیان لەژێر داروپەردوودا ماون.

14:19

ئەنجومەنی ژنانی دەم پارتی لە بارەی گیانلەدەستدانی گوماناویی ڕۆژین کابایش ڕاگەیەندراوێکی بڵاو کردەوە، کە دامودەزگاکانی دەوڵەت لە هەوڵی پەردەپۆشکردنی کوشتنی ژناندان و داوا کراوە کە وەڵامی ئەو پرسیارانەی لە ڕاپۆرتی پەیمانگای پزیشکی دادوەریدا هەیە.

12:58

ڕوانگەی سووری بۆ مافەکانی مرۆڤ لە ماوەی هەشت مانگی سەرەتای ئەمساڵدا ٣٣٤ تاوان و کوشتنی بەڵگەی تۆمار کردووە، لە ئەنجامدا، ٣٦٢ کەس گیانیان لەدەستداوە، ئەمەش ڕەنگدانەوەی فراوانبوونی مەودای تاوان و زیادبوونی ئاستەنگە ئەمنییەکانە بە بەراورد بە ساڵی ڕابردوو.

10:11

دوای تەقینەوەی هەواگۆڕکێیەک ئاگر لە نەخۆشخانەیەکی شاری ئیسلام ئاباد کەوتەوە، بەهۆی ئاگرەکەوە لانیکەم ١٤ منداڵی ساوا لە بەشی چاودێری چڕ گیانیان لەدەستداوە.

09:43

08:19

نۆرا عومەر دەڵێت: دەزگای خزمەتگوزاریی کۆمەڵایەتی و گەشەپێدانی ژنان، خزمەتگوزاریی کۆمەڵایەتی، دەروونی و ڕاوێژی یاسایی بۆ ژنان پێشکەش دەکات و پشتگیرییان دەکات بۆ بەدەستهێنانی سەربەخۆیی ئابووری.

15:51

ململانێی ڕوو لە زیادی سودان قەیرانێکی مرۆیی قورسی دروست کردووە؛ بە ملیۆنان کەس ئاوارە بوون و هێرشی درۆنەکان بەردەوامە. نەتەوە یەکگرتووەکان ئاماژە بەوە دەکات کە دوو لەسەر سێی دانیشتووان پێویستیان بە یارمەتیی بەپەلەیە و هەوڵە نێودەوڵەتییەکانیش بەس نین.

15:26

لە ڕووداوێکی دڵتەزێندا دانیشتوانی شاری جەزیرە تەرمی منداڵێکی کچی کوژراویان لە ناوچەیەکی بیابان دۆزیەوە، لە لێکۆڵینەوەکاندا دەرکەوتووە کە ئامۆزاکەی دەستی هەبووە لە کوشتنەکەیدا، چونکە ڕەتیکردووەتەوە هاوسەرگیری لەگەڵ بکات.

14:54

لە نێو ئەو ڕووداوانەی ئەم دواییانە لە ئێران ڕاگەیەندراون؛ سزای شلاق لێدانی دوو ژنی کورد، دەستبەسەرکردنی دەیان هاووڵاتی و نادیاریی ڕەوشیان، بێبەشکردن لە خزمەتگوزارییە تەندروستییەکان و سزای لەسێدارەدان بەدی دەکرێن.

14:05

کەمپینی "سێشەممانی نا بۆ لەسێدارەدان" لە ناو زیندانەکانی ئێراندا چالاکیی هەفتانەی خۆی دژی سزای لەسێدارەدان بەردەوام دەکات، ئەمەش هاوکاتە لەگەڵ زیادبوونی جێبەجێکردنی ئەم سزایە بەسەر زیندانیانی سیاسی و دەستبەسەرکراوانی خۆپیشاندانەکاندا.

13:15

کەمکردنەوەی سنووری مارەیی لە ئێران کە بە زیندانیکردنەوە بەستراوەتەوە، نیگەرانییەکانی سەبارەت بە ئابووری و یاساییی ژنان هێناوەتە ئاراوە، شارەزایان هۆشداری دەدەن کە ئەم گۆڕانکارییە، بێ دروستکردنی ڕێوشوێنی جێگرەوە بۆ پاراستنی ژنان ئەنجامدراوە.

11:31

نەتەوە یەکگرتووەکان هۆشدارییەکانی سەبارەت بە بەردەوامبوونی زیانبەرکەوتووانی مەدەنی لە غەززە و کەناری ڕۆژئاوا لە فەڵەستین نوێکردەوە، هەروەها توێژینەوەیەکی یونیسێف ئاشکرای دەکات کە بەدخۆراکی درێژخایەن لە نێوان منداڵانی فەڵەستیدا لە قووڵبوونەوەدایە.

10:51

کۆمەڵگەی بەهایی ئێران ڕووبەڕووی شەپۆلێکی نوێی سزای توند دەبێتەوە، دوای ئەوەی دادگای شۆڕش لە شاری ساری سزای زیندانیکردنی بۆ ١٢ کەس بە کۆی گشتی ٢٦ ساڵ و ١٦٥ ڕۆژ سەپاند.

08:35

تۆڕی مافەکانی مرۆڤی کوردستان ڕایگەیاند، هێزە ئەمنییەکانی ئێران خێزانێکی کورد کە پێکهاتوون لە دایک و باوکێک و منداڵە ١٦ ساڵانەکەیان دەستگیر کردووە، دوای چوار ڕۆژ منداڵەکەیان ئازاد کردووە، بەڵام تائێستا دایکی باوکی لە زیندانن و هیچ زانیارییەکیش نییە.

08:06

فێستیڤاڵە کولتووری و هونەرییەکان تەنها بۆ خۆشحاڵی و کات بەسەربردن نین، بەڵکوو بوارێکن بۆ ناساندنی کولتوور، هونەر و تواناکانی کۆمەڵگە، لەم بوارەدا، بەشداریی ژنان ڕۆڵێکی گرنگی لە زیندووکردنەوە و گەشەپێدانی فێستیڤاڵەکاندا هەیە.

15:46

سەرەڕای تێپەڕبوونی حەوت مانگ بەسەر دەستبەسەرکردنی سارا ڕەشیدی کەچلانلۆ لە خۆپێشاندانە سەرتاسەرییەکانی مانگی کانوونی دووەمی ئێران لە کرماشان، تا ئێستا خێزانەکەی هیچ زانیارییەکیان سەبارەت بە شوێن و چارەنووسی دەستنەکەوتووە.

15:18

گروپی شانۆی هەوار بە مۆنۆدرامای سەلمە، بڕوانامەی خەڵاتی دبلۆمی فیستیڤاڵی ئۆسترۆڤسکی لە روسیا وەرگرت.