ڕۆژانە

13:42

دیوانی ئەدەبی لە باکوور و ڕۆژهەڵاتی سووریا پلاتفۆرمێکی سەرەکی کولتوورییە کە ئەزمونە داهێنەرەکان لە باوەش دەگرێت و میراسی دەوڵەمەندی ناوچەکە بەڵگە دەکات، بە ئامانجی پاراستنی میراسی ئەدەبی و گۆڕینی بە ڕۆحێکی نوێ بۆ نەوەکانی داهاتوو.

12:57

شاندێکی ژنانی هەرێمی باکوور و ڕۆژهەڵاتی سووریا گەیشتنە ئەورووپا و لەگەڵ ڕێکخراوەکانی ژنان و گرووپەکانی مافی مرۆڤ و پەرلەمانتارانی ئەورووپا کۆدەبنەوە بۆ تاوتوێکردنی بارودۆخی سووریا و پرسەکانی ژنان و بەرژەوەندییە هاوبەشەکان.

12:45

بەگوێرەی ڕۆژنامەی "تێلەگراف"ی بەریتانی، لەدوای ئەو بوومەلەرزە بەهێزەی ڕۆژهەڵاتی ئەفغانستان، سەدان ژنی ئەفغانی گیانیان لەدەستدا، بەهۆی سنووردارکردنی توندی تاڵیبانەوە کە بووەتە هۆی ئاڵەنگاری بۆ هەوڵەکانی ڕزگارکردن و چارەسەرکردن لە کاتی خۆیدا.

11:46

لەگەڵ پشتڕاستکردنەوەی سزای لەسێدارەدان بەسەر زیندانییە سیاسییە ژنەکاندا، ژنان توڕەیی خۆیان دەربڕی و جەختیان لەوە کردەوە، کە درێژەدان بە خەبات تاکە ڕێگایە بۆ پاراستنی میراسی پەخشان عەزیزی، شەریفە محەمەدی، وریشە مورادی و ئەوانی دیکە.

11:28

فەرمانبەرێکی ژن لە بەشی یاسای بەڕێوبەرایەتی تەندروستی سلێمانی وەک فەرمانبەرێکی نموونەیی خەڵاتی پێبەخشرا.

10:46

بە بەشداریی هێزەکانی ئاسایشی ناوخۆ، قەسەدە، یەپەژە و هاوپەیمانی نێودەوڵەتی، ئۆپەراسیۆنی ئەمنیی دژی شانە نووستووەکانی چەتەکانی داعش لە دووەم ڕۆژدا لە کامپی هۆلی ڕۆژئاوای کوردستان بەردەوامە.

10:25

بەرگریی شارستانیی زاخۆ بڵاویکردەوە، بەیانی ئەمڕۆ ئاگر لە کامپی بێرسڤێ لە سنووری ئیدارەی سەربەخۆی زاخۆ و بەهۆیەوە سێ چادر سووتاون، ئاوارەکانی شنگال لە کامپەکەدا نیشتەجێن.

09:46

نوخشە ناسح، پارێزگاری هەڵەبجە، وەک یەکەمین ژنی پارێزگار لەسەر ئاستی عێراق و کوردستان، خەڵاتی ڕێزلێنانی پێبەخشرا.

09:34

ڕێکخراوەکانی مافی مرۆڤ و یاساییەکان لە ڕاپۆرتەکانیاندا کە دەربارەی مافی زیندانیان لە گرتووخانەکانی تورکیادا تۆماریان کردووە ئاماژەیان بەوەدا؛ زیندانەکانی تورکیا گۆڕاون بۆ جێگەی پێشلکردنی شکۆی مرۆڤایەتی.

08:56

بە بەشداری هەزاران کەس، جەژنی جمای شەرفەدین، کە یەکێکە لە جەژنە گرنگەکانی کۆمەڵگەی ئێزدی بەڕێوەچوو.

15:47

یونیسێف هۆشداریدا لەوەی منداڵانی غەززە لە کەرتی گەمارۆدراودا لە مەترسیدان و دەڵێت: "کارەساتێک چاوەڕێی نزیکەی ملیۆنێک کەس دەکات".

14:42

پرۆفیسۆری ئەمریکی هێلین لۆنگینۆ پشتیوانی لە هەوڵەکانی ئاشتی و دیموکراسی لە تورکیە کرد و ڕۆڵی بەڕێز عەبدوڵا ئۆجالانی لە ڕێبەرایەتیکردنی خەباتی کورد بەرەو چارەسەری ئاشتیانە بەرز نرخاند.

13:51

لە کاتێکدا ئەفغانستان هێشتا لە شۆکی بوومەلەرزەکەی چەند ڕۆژی ڕابردوودا دەلەرزێت، بوومەلەرزە تازەکان بەشی ڕۆژهەڵاتی وڵاتەکەی هەژاندووە. لە ئێوارەی ڕۆژی پێنجشەممە ٤ی ئەیلوولەوە تا بەرەبەیانی ڕۆژی هەینی پێنج بوومەلەرزەی دیکە لە پارێزگاکانی ڕۆژهەڵات ڕوویاندا.

12:10

هێزەکانی ئاسایشی ناوخۆ، هێزەکانی ئاسایشی ناوخۆی ژنانی باکوورو ڕۆژهەڵاتی سووریا و یەپەژە ئۆپەراسیۆنێکی مرۆیی و ئەمنییان لە کامپی هۆڵ دەستپێکردووە.

11:08

شەوی ڕابردوو لە شارۆچکەی دەربەندیخانی سەربە پارێزگای سلێمانی، پیاوێک دوای گەڕانەوەی بۆ ماڵەوە هێرشی کردووەتە سەر هاوژینەکەی و کوشتوویەتی.

10:28

بەهۆی ئەو بوومەلەرزە وێرانکەرەی ئەفغانستانی هەژاند، ژمارەی قووربانییەکان بەرزبووەوەو دوو هەزار و ٢٠٥ کەس گیانیان لەدەستداوە و سێ هەزار و ٦٠٠ کەسی دیکە بریندار بوون.

10:05

ژنانی کۆمینی گەڕەکی شەهید عەبدوڵا لە تل تەمر ڕایانگەیاند، کە هەتەشە ناتوانێت حوکمی سووریا بکات و هاوڵاتیان بپارێزێت و داوایان لە ژنان و گەلان کرد هێزی خۆپاراستن پێکبهێنن.

09:31

پێنج سەندیکای کرێکاری لە فەڕەنسا لە ڕاگەیەندراوێکی هاوبەشدا داوایان کرد کە سزای لەسێدارەدانی شەریفە محەمەدی، کە پارێزەری مافەکانی کرێکاران و مافەکانی مرۆڤە هەڵبوەشێندرێتەوە.

09:10

سەبارەت بە هێرش و فشارەکان لەسەر ژنان، مامۆستایانی ژن لە کامپی پەنابەرانی مەخموور قسەیان بۆ ئاژانسەکەمان کرد و ڕایانگەیاند کە ژنان پێویستە خۆیان لەسەر مانیفێستی "کۆمەڵگەی ئاشتی و دیموکراتیک" ڕێکبخەن و پێکەوە دەنگیان دژی هێرشەکان بەرز بکەنەوە.

08:50

بزووتنەوەی شەممەی مۆر ڕایگەیاند، لە ئەفغانستان بەهۆی نەبوونی پزیشکی ژنەوە چارەسەر بۆ ژنانی بریندار ناکرێت، پزیشکانی پیاویش بەهۆی بەربەستە کولتوورییەکانەوە ناتوانن ژنانی بریندار چارەسەر بکەن.