ڕۆژانە

14:28

کەمیی دارایی لە ئەفغانستان بووەتە هۆی پەکخستنی دەستڕاگەیشتن بە خزمەتگوزارییە تەندروستییە سەرەتاییەکان بۆ یەک ملیۆن و ٦٠٠ هەزار ژن، قەیرانێک کە بەهۆی داخستنی دامەزراوە پزیشکییەکان و دابەزینی یارمەتییە مرۆییەکانەوە زیاتر بووە.

14:09

ئەم ژنکوژیانە پرسی مامەڵەکردن لەگەڵ توندوتیژی دژی ژنان تەنها وەک "ناکۆکییەکی خێزانیی" یان "کوشتن بەبیانووی شەرەف" دەهێننەوە پێشەوە، ئەمانە ئەو نانەن کە ڕەگ و ڕیشەی توندوتیژی تەمومژاوی دەکەن و دەیخەنە چوارچێوەیەکی تایبەتەوە.

13:15

سەنتەری میترۆ بە هاوبەشی لەگەڵ ئاژانسی چوارچێوەی پڕۆژەی قەریب، بە بەشداری بەشێک لە ڕۆژنامەنووسان، کۆنگرەیەکی رۆژنامەوانی سەبارەت بە روماڵکردنی جەنگ، وتاری رقوکینە، دادگا و تاوان، مافی مرۆڤ، ئەنجامدرا.

12:59

مەترسییەکانی بەردەم منداڵان لە سووریا لەگەڵ بڵاوبوونەوەی چەک و تەقەمەنی لە ناوچەکانی نیشتەجێبوون زیاتر دەبێت، ڕوانگەی سووری بۆ مافەکانی مرۆڤ بەهۆی گوللـەی هەڕەمەکی و ڕووداوە بەڕێکەوتەکانەوە، ساڵانە دەیان زیانبەرکەوتوو تۆمار دەکات.

12:01

ڕێکخراوی هەرانا هۆشداریی لە مەترسییەکانی سەر تەندروستی دوو ژنی زیندانیی سیاسی لە ئێران داوە، یەکێکیان بەهۆی مانگرتن لە خواردن و ئەوی دیکەش بەهۆی نەخۆشی و بێبەشبوون لە خزمەتگوزاریی پزیشکیی.

10:40

ژنان لە وان لە باکووری کوردستان داوایان کرد خەباتی کۆمەڵایەتی دژی بڵاوبوونەوەی بەکارهێنانی ماددە هۆشبەرەکان، بەتایبەت لە نێو گەنجاندا، بەهێزتر بکرێت.

09:41

لە رۆژئاوای کوردستان خوێندنی ئەکادیمی لە بواری کۆمپیوتەردا زۆرتر لە ئاستی تیۆریدا بوو، بەڵام سۆزڤین ئیبراهیم کە تەمەنی ٣٢ ساڵە بە هەوڵدان و گەڕان لەسەر ئینتەرنێت ئەم بێدەرفەتییەی گۆڕی، ئەو ترسەی شكاند و بوو بە ژنێکی پێشەنگ لە بواری تەکنۆلۆژیادا.

08:56

ژنێکی گەنجی داهێنەر، کە خەڵکی شاری سەقزی ڕۆژهەڵاتی کوردستانە، مەدالیای زێڕینی شەشەمین پێشبڕکێی نێودەوڵەتیی داهێنان و نوێگەری "IFIA INV" لە وڵاتی سویسرا، لە درووستکردنی «دیوارێکی ژیر» بەدەستهێنا.

16:24

ژنانی ماتۆڕسوار لە ڕۆژهەڵاتی کوردستان و ئێران بەهۆی نەدانی مۆڵەتی شۆفێری و بیمە لەبەردەم مەترسیی یاسایی و داراییدان، هاوکات هەڕەشەی یاسایی لەو ژنانە دەکرێت کە پابەندی باڵاپۆشی زۆرەملێ نین.

15:06

تەژەئا بە ڕاگەیاندراوێک گەریلایانی شەهیدی هەپەگە/یەژا ستاری بەبیرهێنایەوە و ڕایگەیاند، ئەو ئیرادەیە زیندوو ڕادەگرین کە ئەوان لە ڕێی ئازادی، شکۆ و ڕاستیدا هێناویانەتە کایەوە و تێکۆشانەکەیان دەگەیەنینە داهاتوویەکی ئازاد.

14:44

کۆمەڵێک لە خوێندکارانی زانکۆی تەکنەلۆجیای شەریف ڕەخنەیان لە ئەدای جێگری ڕاوێژکاری خوێندکاران و لیژنەی سەرەکی دیسپلینی زانکۆکە گرت و بڕیاری دەرکردن و ڕاگرتنی خوێندکاران بۆ ماوەی چوار ساڵ بە "بێ وێنە" ناوبرد.

14:19

لە شاری عامودا سەر بە قامیشلۆی ڕۆژئاوای کوردستان، بە ڕێوڕەسمێک گوڵستان تارا، هێرۆ بەهادین و نەجمەدین فەیسەل حەج سینان، لە گۆڕستانی شەهید ئیسماعیل یادکرانەوە.

13:01

لە دووەمین ساڵیادی شەهیدبوونی هەردوو ڕۆژنامەنوس گوڵستان تارا و هێرۆ بەهادین، بە ئامادەبوونی ژمارەیەک لە چالاکوانان، هاوڕێیان و هاوکارانیان، کۆنگرەیەکی ڕۆژنامەوانی بەڕێوەچوو دووپاتیان کردەوە کە کامێراکانان و شاشەکان ڕەش نابن و ڕێبواری ڕێگەی ڕاستی دەبن.

13:00

لە ڕۆژهەڵاتی کوردستان و ئێران، ژنانی چالاکوان و زیندانییانی سیاسی بەردەوام لە دەستبەسەری و زینداندا ڕووبەڕووی پێشێلکردنی مافە سەرەتاییەکانیان لە نادیاریی چارەنووسەوە تا ڕێگری لە کەفالەت و مۆڵەتی کاتی دەبنەوە.

12:19

لە نێوان چادر و خانووە وێرانەکان و قوتابخانەکاندا، ژنانی گەنجی فەڵەستینی خۆیان بە خوێندن و خەونەکانیانەوە چەسپاند، سەرکەوتنەکانیان زیاتر بوو لە تەنها باشی ئەکادیمی، بەڵگەی خۆڕاگری و ئیرادەیەک بۆ داڕشتنی داهاتوویەک لە دڵی شەڕەوە.

10:50

ژنانی پەرتوکخانەوانەی ئەمریکا لە ساڵانی ١٩٣٠دا کە لەگەڵ کاریگەرییەکانی قەیرانی گەورە دەجەنگان، بە سواری ئەسپەوە پەرتوک و گۆڤاریان بۆ گوندە شاخاوییە دوورەدەستەکانی کنتاکی دەبرد.

08:34

دوای ئەوەی دادگای بیلفێڵدی ئەڵمانیا بڕیاری دا لە ٢٦ـی ئاب چالاکوان، زەینەب ئاڵپ‌بۆغا لە ئەڵمانیاوە دیپۆرتی ئەستەنبول بکرێتەوە، بە بیانووی چالاکییە سیاسییەکانی، کەسوکاری ئەو چالاکوانە لە دادگا تانەیان لە بڕیارەکە دا.

08:19

هاژە تەها، خاوەن بڕوانامەى دکتۆرا لەدەروونزانى دەربارەی ڕەفتاری گەنجان دەڵێت: دەبێت دایک و باوک هەروەها مامۆستاکان ببنە هاوڕێی گەنجان و گفتوگۆیان لەگەڵ بکەن، تیگەیشتن لە سایکۆلۆژییەتی گەنج گرنگەو ئەوان بەدوای ناسنامەی خۆیان دەگەڕێن.

21:54

هاوڕێ و هاوکار و گروپێک لە ژنانی ڕاگەیاندنی ئازادو بنەماڵەی شەهید هێرۆ، بۆ بەبیرهێنانەوەی شەهید گوڵستان تارا و هێرۆ بەهادین، تاجە گوڵینەی وەفایان لەسەر مەزاری هێرۆ بەهادین دانا.

15:14

بە مەبەستی پشتیوانی، پەروەردەکردن و گەشەپێدانی هەر ژنێک کە دەیەوێت لە بواری جیاوازدا سەرکەوتوو و پێشەنگ بێت، لە شارۆچکەی حەسەکە دامەزراوەی خزمەتگوزارییە کۆمەڵایەتییەکان و گەشەپێدانی ژنان کرایەوە.