ڕۆژانە

09:24

وریشە مورادی، لە نامەیەکدا هاوخەمی خۆی بۆ ڕووداوی هاتوچۆکەی سنە ڕاگەیاند کە تێیدا هاتووە: دیوارەکانی زیندان مرۆڤ لە کۆمەڵگە جودا ناکەنەوە، ئەوەی دەبێتە هۆی پێکەوەبوونمان، ئازاری هاوبەش، چارەنووسی هاوبەش و بەرپرسیارێتیی هاوبەشە لەگەڵ یەکتردا.

08:55

کژار ڕایگەیاند، مەرگی نیلوفەر موجاور ڕووی ڕاستەقینەی توندوتیژیی سیستماتیک دژ بە ژنان و شکستی دامەزراوەکان لە پاراستنی ژیان و شکۆی ژنان ئاشکرا دەکات، بە توندی هەر توندوتیژییەک دژی ژنان شەرمەزار دەکەین.

08:25

ژنانی کورد هەمیشە خۆشی لە وەرزەکان وەردەگرن و لەئێستادا کە بەرەو وەرزی پایز دەچین، سوود لە بەرهەمی ئەو گیایانە وەردەگرن کە لە بەهاردا لە شاخ و دەشتەکان کۆیان کردوونەتەوە، پەری ئەمین لە سنەوە هاتووەتە باشووری کوردستان و باسی گیاکان بۆ پایزو زستان دەکات.

15:52

فەرماندەیی ناوەندی یەژاستار بە بۆنەی ساڵیادی سەرهەڵدانی "ژن، ژیان، ئازادی"ەوە ڕایگەیاند، وەک یەژا ستار بەبۆنەی ئەم ساڵیادەوە دەڵێین کە بۆ بەدیهێنانی فەلسەفەی “ژن، ژیان، ئازادی” ئێمە لە دەوری کۆمەڵگەی دیموکراتیک و خۆپاراستنی ژندا تێدەکۆشین.

15:10

لە ڕۆژهەڵاتی کوردستان، کارمەندانی تەندروستی لە ناڕەزایەتییەکانیان بەرامبەر تێکچوونی بارودۆخی ژیان و کارکردن بەردەوامن، داوای باشترکردنی بارودۆخی کارکردن و چارەسەرکردنی کەمی کارمەندی پزیشکی دەکەن.

13:32

کۆمەڵێک خوێندکار لە ڕۆژئاوای کوردستان و شاری قامیشلۆ داوای مافی خۆیان کردو ڕایانگەیاند، هەزاران کەس لە پێناو زمانی کوردیدا شەهید بوون، ئێمەش وەک خوێندکار شوێن پێی شەهیدان دەکەوین.

11:48

کۆڵبەر نیوز ڕایگەیاند، هێزەکانی ئێران لە مهاباد ژنێکیان بە ناوی ئیلهام عەلیزادە دەستگیرکردووە و دواتر گواستوویانەتەوە بۆ ورمێ، تائێستاش هۆکاری دەستگیرکردنەکەی نازانرێت و چارەنووسی نادیارە.

11:21

پایتەختی تونس خۆپیشاندانێکی بەخۆوە بینی کە لەلایەن هەڵمەتی دژ بە سەرکوت و تاوانبارکردنی کاری مەدەنییەوە بانگەوازی بۆ کرابوو، ئەمەش وەک پشتگیرییەک بۆ چالاکوانانی "فلۆتیلای چەسپاو و مافی فەڵەستینی"، تێیدا بەشداربووان دروشمیان بەرزکردەوە.

08:52

ئەنجامنامەی دیداری ڕاوێژکاریی تەڤگەری ئازادی ژنانی ئێزدی "تاژێ" بڵاوکرایەوە و ڕاگەیاندرا کە تا ڕزگارکردنی تەواوی ژنانی دیلکراوی کۆمەڵگەی ئێزدی و "بە جینۆساید ناساندنی فەرمانی ٧٤ـەمین لە لایەن عێراقەوە، تێکۆشانی تاژێ بەردەوام دەبێت.

08:14

ڕۆژنامەنووسێک دەڵێت: ڕێبەر ئاپۆ وەک دانوستانکاری سەرەکییەو ڕێبەرایەتیی پرۆسەی ئاشتی و کۆمەڵگەی دیموکراتیک دەکات، بە بێ ئازادیی جەستەیی ڕێبەرێتی و ئازادکردنی زیندانییان، پرۆسەی ئاشتی سەرکەوتنی هەمیشەیی بەدەست ناهێنێت.

15:44

ناهید نەفیسی سەرۆکی کۆمەڵەی نیشتمانی نەشتەرگەری مەمک لە ئێران، سەرنجی بۆ زیادبوونی نەخۆشی شێرپەنجە ڕاکێشا و ڕایگەیاند کە لە زیادبووندایە. نافیسی ڕایگەیاندووە کە پاراستنی کێش و زوو دەستنیشانکردنی لە چارەسەرکردندا زۆر گرنگە.

15:27

خوێندکارانی خوێندنگەکانی شاری قامیشۆ و حەسەکە دژی بڕیاری حکومەتی کاتی کە زمانی کوردی بە سێ وانە سنووردار دەکات، چالاکییەکیان ئەنجام دا و دەڵێن: تا زمانی کوردی نەبێتە زمانی فەرمی دووەم ناچینە قوتابخانە.

15:09

ڕێکخراوی مافی مرۆڤی ئێران ڕایگەیاند کە لە ماوەی مانگی ئابدا ٨٢ حاڵەتی لەسێدارەدان لە رۆژهەڵاتی کوردستان و ئێران ڕوویداوە و تەنها ١٠ لەسێدارەدانیان بە فەرمی ڕاگەیاندراوە، بەمەش کۆی ژمارەی لەسێدارەدانەکان لە سەرەتای ئەمساڵەوە دەگاتە ٥٣٢ کەس.

14:38

تولای حاتەم ئۆغوللاری، هاوسەرۆکی گشتیی دەم پارتی جەختی لەوە کردەوە، پێنجەمین کۆنگرەی ئاسایی دەم پارتی قۆناغێکی گرنگە بۆ گۆڕانکاری و وتی: لەم قۆناغەدا کە پرسی کورد چووەتە قۆناغێکی نوێوە، سیاسەت بە میکانیزمەکانی پێشوو بەڕێوە ناچێت.

14:13

ڕوانگەی سوری بۆ مافەکانی مرۆڤ ئاشکرای کرد، لە سەرەتای مانگی ئەیلوولەوە تا ئێستا نزیکەی ٣٠ کەس لە ڕووداوە جیاجیاکانی ناوچە جیاجیاکانی سوریا گیانیان لەدەستداوە، لەوانە پێکدادانی هۆزەکان، کوشتن، بۆردومان و گولەی بێسەرپەرشت.

13:14

ئاژانسی ژن نیوز بڵاویکردەوە، لە ماوەی تەنها یەک مانگدا، ٢٢ ژن و سێ منداڵ لە باکووری کوردستان و تورکیا کوژراون، هەروەها ١٩ ژن و ٧ منداڵیش بە شێوەیەکی گوماناوی گیانیان لەدەستداوە.

12:54

خۆپیشاندەران لە ڕێگەی کۆبوونەوەیەک کە لەلایەن بزووتنەوەی "نفس"ەوە ڕێکخرابوو، ئیدانەی تێکچوونی بارودۆخی ژیان و پەرەسەندنی سەرکوتکارییان کرد، و داوایان کرد مافی ئاو و کارەبا مسۆگەر بکرێت و ڕاستی گیانلەدەستدانی زیندانیان ئاشکرا بکرێت.

11:41

هەزاران خوێندکاری شاری کۆبانێ لە ناڕەزایەتییەک بەرامبەر بە بڕیارەکانی حکومەت سەبارەت بە زمانی کوردی بایکۆتی ساڵی خوێندنی ٢٠٢٦-٢٠٢٧یان کرد.

11:24

ماوەی سێ رۆژ یەکەمین فێستیڤالی حەسار لە سەیدسادق بۆ بەرووبومی جوتیاران و خۆماڵی وخواردنی کوردەواری بەڕێوەچوو.

09:10

زیلان ئاڤاشین، شەڕڤانی یەپەژە سەبارەت بە پرۆسەی نوێی ئەنتیگراسیۆن رایگەیاند کە مافی ژنان بێ بوونی یەپەژە مسۆگەر نابێت و دەڵیت: یەپەژە هێزێکی بنەڕەتین، پاراستنی مافی ژن دەکات.