ڕۆژانە

11:56

پارێزەرانی باری نائاسایی : لە هێرشێکی فڕۆکەی بێفڕۆکەواندا بۆ سەر ناوچەی ئوم شەڕو لە باکووری کۆردۆفان، هەشت هاووڵاتیی مەدەنی کوژراون و دەیان کەسی دیکەش بریندار بوون. هەروەها ئۆتۆمبێلی مەدەنییەکان تێکشکێنراون و هەوڵی ڕزگارکردنی بریندارەکان درا.

11:37

لە سوودان، ناوچەکانی جەنگ شایەتی زیادبوونی بەرچاوی پێشێلکارییەکانن بەرامبەر ژنان. گرووپی "ژنان بۆ ئاشتی و ئاسایش" زیاتر لە ٢٢٥ حاڵەتی توندوتیژیی سێکسییان لە کامپێکی هەرێمی دارفور بەبەڵگە کردووە.

11:22

ئاکین گۆرلەک، وەزیری داد، ڕایگەیاند، کە لە چوارچێوەی لێکۆڵینەوەی ونبوونی گوڵستان دۆکودا ١٠ گومانلێکراو دەستگیرکراون و ئەنجامی نوێی گرنگ وەکو تۆمارە نوێیەکان، ڤیدیۆی کامێراکان و گومانی "دروستکردنی بەڵگە" گەیشتوونەتە دەست دەسەڵاتداران.

10:50

بەگوێرەی بەڵگەنامەکانی چاودێری مافەکانی مرۆڤی کەناڵی جزیرە، ژنێکی گەنجی تەمەن ١٨ ساڵ لە خەرتوم، لە کاتی گەڕانەوەی لە شوێنی کارەکەی لەگەڵ دایکیدا، بە دەمانچە دەستدرێژی سێکسی کراوەتە سەر.

08:40

پلاتفۆرمی یەکێتیی نەتەوەیی ژنانی کورد لە ئەوروپا پەیامی سەرەخۆشی بۆ شەهیدانی ئازادیی کوردستان بڵاوکردەوە.

15:43

ئایشەگوڵ دۆغان، وتەبێژی دەم پارتی ڕایگەیاند کە تورکیا و کوردستان لە دەروازەی پەڕینەوەیە لە شەڕەوە بەرەو قۆناغی سەقامگیری و ئاشتی کۆمەڵایەتیی و جەختی لە ڕۆڵگێڕی ڕێبەری گەلی کورد عەبدوڵا ئۆجالان بۆ پرۆسەکە کردەوە.

13:56

کوشتنێک کە لە قاهیرەی پایتەختی میسر ڕوویدا نیگەرانییەکی زۆری لێکەوتەوە، ژنێکی یەمەنی و کچەکەی کە بۆ چارەسەری پزیشکی چووبوونە میسر و ماوەیەکی زۆر بوو هیچ هەواڵێکیان نەبوو، بە مردوویی دۆزرانەوە.

11:47

دەزگای دادوەریی ڕژێمی ئێران سزای قورسی وەک لەسێدارەدان و زیندانی کردنی درێژخایەنی بەسەر ژنان، پێکهاتە ئایینییەکان و دەستبەسەرکراوانی خۆپێشاندانەکاندا سەپاندووە و ئەوەش نیگەرانی نێودەوڵەتی لێکەوتووەتەوە.

09:02

ئێشکگری لە کامپی پەنابەرانی مەخموورکە بۆ ئازادی جەستەیی ڕێبەری گەلی کورد عەبدوڵا ئۆجالان دەستیپێکردبوو، لە هەزارو ١٣٥ هەمین ڕۆژیدا بە دەستپێکردنی گروپی ٢١٨٨ بە ئیرادەیەکی بەهێزەوە بەردەوامە.

08:28

لەناو بازاڕو کۆڵانە کۆنەکانی سلێمانی، ژنێکی گەنج بە کامێراکەی دەگەڕێت؛ وێنەی منداڵان، بەتەمەنەکان، شوێنە کۆنەکانی شار دەگرێت و هەوڵ دەدات بەشێک لە یادەوەرییەکانی شار بۆ نەوەی داهاتوو بپارێزێت.

15:38

کۆمیتەی ئازادی زیندانییانی سیاسیی بڵاوی کردەوە، ژنێک کە بەشداریی لە خۆپیشاندانەکانی ئەم دواییەی گەلانی ئێرانی کردووە، لەلایەن ڕژێمی ئێرانەوە سزای لەسێدارەدانی بەسەردا سەپێندرا.

15:26

لە کاتێکدا حکومەتی ئێران بڵاوکردنەوەی ئاماری هەژاری لەژێر 'قەدەغەکردنی ئەمنیەتی'دا دەشارێتەوە، داتا فەرمییەکان دەریدەخەن کە سەدان هەزار منداڵ ڕووبەڕووی بەدخۆراکی بوونەتەوە و توانای کڕینی خێزانەکان زۆر دابەزیوە.

15:01

کۆنگرەی ستار یادی گەریلا شەهیدبووەکانی هەپەگەو یەژا ستاری کردەوەو ڕاگەیاند، لەسەر بەردەوامیدان بە ڕێبازی شەهیدان و بەهێزکردنی هاوکاریی نێوان پارچەکانی کوردستان بەردەوام دەبن بە ئاڕاستەی بنیادنانی کۆمەڵگەیەکی دیموکراتیک بە پێشەنگایەتی ژنان.

14:29

ڕاپۆرتێکی ڕێکخراوی نەتەوەکان ئاشکرای کرد، کە هێرشەکانی حوسی بۆ سەر ناوچە دانیشتووانەکانی شاری مەریب، تەعز و مخا، بەهۆی گیان لەدەستدانی زیاتر لە ٦٠ هاوڵاتی مەدەنی و ئاوارەبوون و زیانی بەربڵاوی لێکەوتەوە.

13:57

فەرماندەیی گشتیی یەپەژە پەیوەست بە کۆبوونەوەکانی لە دیمەشق ڕایگەیاند، جەخت کرایەوە کە یەپەژە وەک هێزێکی تایبەت و ڕێکخراو دەکرێت لە چوارچێوەی وەزارەتی ناوخۆدا ئەنتێگرە بکرێت و کۆبوونەوەکە بە شێوەیەکی ئەرێنی و بونیادنەرانە بەڕێوەچوو.

13:36

دوێنی کۆبوونەوەی نێوان فەرماندەیی یەپەژەو وەزیری ناوخۆی حکومەتی کاتی سووریا بەڕێوەچوو، بەپێی سەرچاوە تایبەتەکان، یەپەژە وەک یەکەیەکی تایبەت لەناو وەزارەتەکەدا جێگیر دەکرێت و خۆبەڕیوەبەرییەکەی دەپارێزرێت.

13:06

ڕۆژنامەنووسانی یەمەن هۆشداری دەدەن لە پەرەسەندنی پێشێلکارییەکان، دوورکەوتنەوە، بەدواداچوونی ئەمنی و سەرهەڵدانی توندوتیژیی دیجیتاڵی دژی کارمەندانی ڕاگەیاندن، بەهۆی نەبوونی پارێزگاریی پێویست.

12:15

فەرماندەیی گشتی یەپەژە پشتڕاستی کردەوە، کە کۆبوونەوەیەکیان لەگەڵ شاندێکی وەزارەتی ناوخۆی سووریا ئەنجامداوە بۆ گفتوگۆکردنی ئاسایشی وڵات و ئەنتیگراسیۆنی یەکەکان بە هەیکەلی وەزارەت و درێژەدان بە گفتوگۆکانی داهاتوو.

12:11

کۆردیناسیۆنی پاژک و کەژەکە پەیامێکی سەرەخۆشیان ئاراستەی خانەوادەی شەهیدانی ئازادیی کوردستان کرد و ڕایانگەیاند، لە سایەی میراتی شەهیدانمانەوە گەیشتووین بەم ڕۆژانە، ئایندەی خۆشمان لەسەر میراتی ئەوان بنیات دەنێین.

11:22

بەهۆی بەرزبوونەوەی پلەکانی گەرما و بای بەهێز ئاگر لە دارستانەکانی ڕۆژهەڵاتی جەزائیر کەوتەوە و تەشەنەی کرد. لانیکەم ١٢ کەس گیانیان لەدەستداوە و ٥٤ کەسیش برینداربوون و هەزاران هێکتار زەوی کشتوکاڵیش زیانیان بەرکەوتووە.