ڕۆژانە

13:08

مەراڵ دانش بەشتاش، پەرلەمانتاری دەم پارتی، جەخت لەوە دەکاتەوە، کە بەبێ هەمووارکردنەوەی هەلومەرجی کارکردن و پەیوەندییەکانی ڕێبەر عەبدوڵا ئۆجالان، هیچ هەنگاوێکی کردەیی لە پرۆسەی چارەسەریی پرسی کورددا نانرێت.

12:20

ڕاپۆرتێکی نوێی نێودەوڵەتی، یەمەن بە دووەم مەترسیدارترین وڵاتی جیهان بۆ ژنان و دواتر ئەفغانستانی دیاری کردووە، ئەمەش نیشاندەرێکە کە گوزارشت لە ڕادەی ئەو تێکچوونە مرۆیی و کۆمەڵایەتییە دەکات کە ئەو دوو وڵاتە لە ساڵانی بەردەوامی ململانێکانەوە تووشی بووە.

11:28

مامۆستایان و دەرچوانی کۆلێژی مامۆستایانی حەسەکە داوای خستنەڕووی زمانی کوردییان کرد لە دەستووری سووریا، دەڵێن: بوونی چەند زمانێک لە هەر وڵاتێکدا کێشە نییە، بەڵکو ڕەنگدانەوەی سروشتییە بۆ هەمەجۆریی کۆمەڵایەتییەکەی.

10:18

نێرگس محەمەدی، چالاکوانی مافەکانی مرۆڤ و هەڵگری خەڵاتی نۆبڵی ئاشتی، دوای بڕیاری ڕاگرتنی سزاکەی و بەهۆی خراپیی باری تەندروستییەوە، لە نەخۆشخانەی زەنجانەوە بۆ نەخۆشخانەیەکی تاران گواسترایەوە.

09:26

 ئیلهام ئەحمەد لە پەیامێکیدا ڕایگەیاند، خوێندن بە زمانی کوردی مافێکی بنەرەتییە لە ناو هەر سیستەمێکی دیموکراسی و فرەیی لە سووریادا، هەر ڕێککەوتنێک لە داهاتوودا بکرێت، دەبێت ئازادیی هەڵبژاردنی زمانی خوێندن مسۆگەر بکات.

08:23

نەجمە عەلوش، نوێنەری کۆنگرە ستار دەڵێت: پێشێلکردنی خاڵەکانی ڕێککەوتن لە لایەن حکومەتی کاتی سووریا، ناڕەزایی لێکەوتەوە، هێزی ژنان یەپەژە بەرگری دەکەن، بەردەوام وەک هێزێکی سەربازی ژنان دەمێنێتەوە.

15:42

زانراوە کە پزیشکی پسپۆڕی تەندروستی منداڵان د. موحەبەت غەفووری، کە پێشتر لە چوارچێوەی خۆپیشاندانەکانی مانگی کانوونی دووەمدا لە شاری لاری ئێران دەستگیرکرابوو و دواتر ئازاد کرابوو، دووبارە دەستگیرکراوەتەوە.

14:55

بەڕێوەبەرایەتیی پەروەردەی مەخموور، بەیاننامەیەکی دژی کرداری حکومەتی کاتی سوریا بەرامبەر بە زمانی کوردی بڵاوکردەوە و ڕایگەیاند: زمانی هەموو گەلێک ناسنامە و یادەوەری مێژوویی خۆیەتی.

14:11

فشارە ئەمنییەکان لە دوای شەڕی ئەم دواییەی دژی زیندانیانی سیاسی لە ئێران و خێزانەکانیان پەرەی سەندووە و ئاسایشی نەتەوەیی بووەتە بیانوو بۆ داگیرکردنی مافەکانی هاوڵاتیان.

13:43

حەنیفە گولەچ ناسراوە بە 'ئانێ خاتوون'، گەواهیدەری کۆمەڵکوژیی سەر عەلەوییەکانی دێرسم، لە تەمەنی ٩٨ ساڵیدا کۆچی دوایی کرد.

13:07

فێستیڤاڵی گیابەهاری و خواردنە کوردەوارییەکانی بناری قەندیل لە سێیەم ڕۆژیدا، سیمیناری ژنۆلۆژی و زانستی ژنی پێشکەش کرد.

12:53

ڕێکخراوی مافی مرۆڤی هەرانا ڕایگەیاند، هەڵمەتی دەستبەسەرکردن و سەپاندنی سزای قورس لەلایەن دەوڵەتی ئێرانەوە بەرەو زیادبوون دەچێت و حکومەت لەم ڕێیەوە هەوڵی ترساندن و بێدەنگ کردنی چالاکوانانی ژن دەدات.

11:58

ڕۆژنامەی گاردیانی بەریتانی دەربارەی بە کاڵاکردنی ژنان لە فێستیڤاڵی ڤینیسیا ڕاپۆرتێکی بڵاوکردەوەو تێیدا هاتووە، تەوەری ژن لە نمایشەکانی ئەمساڵدا ڕووبەڕووی ڕەخنەی توندی چالاکوانانی ژنان بووەتەوە.

11:32

هەڵمەتی پشتیوانی لە یەپەژە بەرفراوانتر دەبێت، دامەزراوە و ڕێکخراوەکانی ژنان باس لەوە دەکەن کە یەپەژە ناسنامە و دەسەڵاتی پاراستنی ژنانە، ڕیهام حجۆ، وتەبێژی تاژێ دەڵێت: یەپەژە لە ڕۆژهەڵاتی ناوەڕاست دەنگی دروستکردووە و پێویستە دانیان پێدا بنرێت.

10:29

تل وەرد یەکێکە لە گوندەکانی شاری زرگان، ئەم گوندە بە چاوی خۆی شاهیدی دڕندەیی داگیرکاری دەوڵەتی تورک بووە، ئەم گوندە چیرۆکی خۆی و خەڵکی گوندەکە دەگێڕێتەوە.

08:53

یەکێتیی ژنانی عەلەوی دیموکراتیک "یژاد" بە بۆنەی ڕۆژی دایکانەوە ڕاگەیاند، دایکان لە بەرانبەر شەڕ و ستەم بەرگری لە ژیان دەکەن و پەیامی 'دایکان ئاشتییەکی شکۆداریان دەوێت'ـیان دا.

16:12

تولای حاتەم ئۆغولاری،هاوسەرۆکی گشتیی دەم پارتی لە کۆبوونەوەی ژناندا لە قەرس قسەی کرد و وتیی: ئەگەر لە تورکیا ئاشتی بونیاد بنێین، تورکیا دیموکراتیک دەبێت.

15:34

ئەنجومەنی دایکانی ئاشتی لە ٣٣ شار بۆ ئەوەی دەوڵەت هەنگاوی کۆنکرێتی بنێت، ڕاگەیاندراو دەدەن.

14:54

لە نێوان پەرەسەندنی گرژییە سیاسییەکان لە ئێران و ڕۆژهەڵاتی کوردستاندا، خەباتێکی شاراوە ئاشکرا دەکرێت کە پێکهاتە تاکڕەوە کۆنەکان بە ناوی نوێدا بەرهەم دەهێنێتەوە.

13:58

فەڕەنسا و ئیسپانیا و کەنەدا وێڕای دەربڕینی نیگەرانی وڵاتەکەیان لەسەر دۆخی نێرگس محەمەدی، داوای چارەسەری پزیشکی بەپەلە و ئازادکردنی بێ مەرجی دەکەن.