ڕۆژانە

08:30

شەن سدیق - میدیاکار

07:47

بێریڤان عومەر، هاوسەرۆکی شارەوانیی قامیشلۆ داوای بەردەوامی چالاکییەکان دەکات، ئاماژە بەوە دەکات کە مەترسییە گەورەکان هێشتا ماون، پێویستە گەل لە گۆڕەپانەکاندا بن و متمانە بە ئاگربەست نەکەن.

07:25

دژی بڕینی کەزی شەڕڤانێکی ژن لەلایەن چەتەکانی هەتەشەوە،ژنانی كۆیە هەڵوێستیان هەیە ودەلێن: گەر كەزیەك ببڕن ئێمە هەزارن كەزی كە دەهۆنینەوە.

18:52

ڕێکخراوی سی پی تی ئەمریکی چیرۆکی ڕەنگین محەمەد خەڵکی حەلەب دەگێڕێتەوە کە لەکاتی چڕبوونەوەی هێرشی چەتەکانی هەتەشە بۆ سەر گەڕەکە کوردییەکانی شێخ مەقسودو ئەشرەفیە لە حەلەب لەکاتی هەوڵدان بۆ دەرچوون لە شارەکە سەرەڕای دووگیانبوونی بریندار دەبێت.

17:10

بەئامادەبوونی ژمارەیەک بەرچاو لە هونەرمەندان و چین و توێژە جیاوازەکانی کۆمەڵگە، لە بەردەم باخی گشتی شاری سلێمانی، خۆپیشاندان و کۆنسێرتێکی هونەری بۆ پاڵپشتی ڕۆژئاوا ئەنجامدرا.

14:57

مانگی سووری کورد لە رۆژئاوای کوردستان رایگەیاند، بەهۆی گەمارۆدان و سەرماوە، منداڵێکی دیکەی دانیشتووی کۆبانێ گیانی لەدەستداو بەمەش تا ئێستا پێنج منداڵ گیانیان لەدەستداوە.

14:41

ژنانی مەکسیک و شیلی کە بەرگری لە بەرخۆدانی ڕۆژئاوا دەکەن، داوای پاراستنی شۆڕشی ژنانی ڕۆژئاوا دەکەن و ڕایانگەیاند، پێویستە بۆ ڕۆژئاوا بچینە سەر شەقامەکان.

14:27

ژنانی شەڕڤانی ئەرمەنی دەڵێن: هەمان ئەو عەقڵیەتەی کە جینۆسایدی ئەرمەنی ئەنجامدا ئەمڕۆ لە پشتی بەئامانجکردنی گەلی کوردە، جەختیان لەسەر پابەندبوونیان بە بەرگری هاوبەش بە یەکڕیزییەکی بەهێز و ئیرادەیەکی بێوچان لە بەرامبەر ئەو هێرشانەدا کردەوە.

13:26

نەتەوە یەکگرتووەکان لە ڕاگەیاندراوێكدا دەڵێت: هۆشداریی لەبارەی دۆخی خراپی کۆبانێ دەدەین، چونكە ئەو شارە لە جیهان دابڕاوەو نزیکە کارەسات تێیدا ڕووبدات.

13:20

لەناو هەلومەرجی هەستیاری سیاسی و ئەمنی ڕۆژئاوای کوردستاندا، گەلی قامیشلۆ دووپاتیان کردەوە، کە بەئامانجگرتنی هێزەکانی هەسەدە هێرشێکی ڕاستەوخۆیە بۆ سەر ئیرادەی گەل و پرۆژەی خۆبەڕێوەبردن، کە وەک پارێزبەندییەک لە بەرامبەر ئاژاوەگێڕی و تیرۆردا کاری کردووە.

13:08

کۆنگرەی ستار لە دربەسی ئەو تاوانە شەرمەزار کرد کە چەتەیەکی هەتەشە لە شاری ڕەققە بەرامبەر شەڕڤانێکی ژن ئەنجامیداو کەزییەکەی بڕی، جەختیشی لەوە کردەوە کە بڕینی یەک کزی نابێتە هۆی لاوازبوونی بەرخۆدان، بەڵکو دەبێتە سەرکەوتن.

12:35

ڕێکخراوی لێبوردنی نێودەوڵەتی ڕایگەیاندووە کە نابێت ئەو تاوانانەی داعش ئەنجامی داوە بێ سزا بمێننەوە و بانگەوازێکی بەپەلەی کرد.

12:25

لەو ٣٧ کەسەی کە دوای خۆپیشاندانەکان دژ بە هێرشەکانی سەر ڕۆژئاوا لە ئامەد، ئێلح و دێرسیم دەستبەسەرکران، ١٠ کەسیان دەستگیرکران.

12:23

پزیشکانی خۆبەخش، بۆ چارەسەرکردنی برینداران و هاووڵاتیانی کورد لە ڕۆژئاوای کوردستان، داوا لە حکومەتی هەرێم و لایەنە پەیوەندیدارەکان دەکەن، کە بنکەیەکی تەندروستی لە سەر سنووری سێمێلکا بکەنەوە.

12:08

فیلیز بوداک، هاوسەرۆکی ئەنجومەنی گەل لە مەخموور دەڵێتڥ: ئامانجی هێرشەکانی سەر ڕۆژئاوای کوردستان چاندنی ناتەبایی ڕەگەزییە لەناو گەلاندا، جەختی لەسەر پێویستی دەرکردنی بانگەوازێک بۆ یەکڕیزی نێوان گەل لە بەرامبەر ئەو پیلانانەدا دووپاتکردەوە.

11:22

ئیلهام ئەحمەد ڕایگەیاند، ئاگربەست بەردی بناغەی جێبەجێکردنی ڕێکککەوتنی ١٨ـی کانوونی دووەمە و دەشڵێت: بۆ کۆتایی هێنان بە شەڕ هەوڵدانمان هەیە.

10:54

لە شاری ڕانیە بە دەستپێشخەری کۆمەڵێک لە کەسایەتی و چالاکوانانی نیشتمانی، کەمپینێکی فراوانی هاوپشتی بۆ ڕۆژئاوای کوردستان ڕاگەیەندرا.

10:28

مانگی سووری کوردستان ڕایگەیاند، بە هۆی سەرماوە چوار منداڵ لە کۆبانێ گیانیان لەدەستداوە، ئەمەش دوای گەمارۆکانی دەوڵەتی تورک و چەتەکانی جۆلانی دێت.

09:19

نوف عاسی، چالاکوانی عێراقی، کە لەناو ململانێی بەردەوامدا بۆ دارفور ڕاسپێردرابوو، دەڵێت: کاری مرۆیی لە ناوچە جێناکۆکەکان هەم جوانە و هەم قورسە، هەروەها پێویستی بە نەرمی و بوێری و کرانەوە هەیە.

07:49

لە گەڕەکی شۆڕیجەی شاری کەرکوک ژنێک بەدەستی هاوژینەکەی تێزابی پێدا کراو سووتا.