ڕۆژانە

14:45

لەگەڵ زیادبوونی هێرشەکان بۆ سەر ڕۆژنامەنووسان و هاوڵاتیانی مەدەنی لە حەلەب، یەرەئە دەڵێت: هەڵمەتە میدیاییە چەواشەکارەکان کە هەوڵی شێواندنی ڕاستییەکان و پێچەوانەکردنەوەیانە، هەوڵێکە بۆ ئاڵۆزکردنی ڕاستییەکان و پاساوهێنانەوە بۆ پێشێلکارییەکان.

14:19

فەرمادداری بەرخۆدان لە گەڕەکی ئەشرەفیە و شێخ مەقسودی شاری حەلەبی سووریا ڕایگەیاند، کە داستانی بەرخۆدان یەکێکە لە شەڕە توندەکان و ئاماژەترینە بۆ ئیرادەی گەل، سەرەڕای کەمی سەرچاوەکانیان، پاشەکشەیان نەکرد، بەڵکو بە ئیرادەیەکی نەگۆڕ شەڕیان کرد.

13:08

لەناو هەشت یاریزاندا، لە پاڵەوانێتی کیشوەری ئاسیا لە ئیمارات ئاڤێستا دڵشاد، کە ژنێکی کوردی خاوەن پێداویستی تایبەتە توانی پلەی دووەم بە دەستبهێنێت.

12:32

ناوەندی پێنی کورد لەبارەی هێرشەکانی سەر حەلەب و ڕۆژئاوای کوردستان ڕایگەیاند، ئەگەر دوێنێ ڕژێمی بەعس بە ناوی “ناسیۆنالیزمی عەرەبی” کوردانی دەچەوساندەوە، ئەمڕۆ خۆیان بە “ئۆپۆزسیۆن” دەناسێنن، کارەساتێکی گەورەتر دەخوڵقێنن و “جیهاد” دژی کورد ڕادەگەیەنن.

11:30

نووسەر کنێر عەبدولا لەسەر هێرشی شێخ مەقسودو ئەشرەفیە ڕەخنە لە نەتەوەیەکگرتووەکان و ڕێکخراوەکانی مافی مرۆڤ دەگرێت و دەڵێت: ئەمڕۆ لەهەموو کات زیاتر  لەبەردەم بەرپرسیارێیتیەکی مێژوویدان بەرامبەر بە گەلی کورد و ژنانی کورد.

11:01

ئەنجومەنی عشتاری کامپی پەنابەرانی مەخموور ڕاگەیاندراوێکی دژ بە مەلا مەزهەر خۆراسانی بلاوکردەوە کە بێڕێزی بە شەڕڤانێکی ژن کرد کەلە هێرشی سەر شێخ مەقسودو ئەشرەفیە شەهید بوو دواتر جیهادییەکانی هەتەشە تەرمەکەیان لە باڵەخانەوە فڕێدایە خوارەوە.

09:57

لە ڕووداوێکی دیکەدا کە ڕەنگدانەوەی ڕادەی پێشێلکارییەکانی ناو زیندانەکانی حوسییەکانە، غەدیر بەرەکانی، لە زیندانی ناوەندی شاری سەنعا کۆتایی بە ژیانی خۆی هێنا، ئەم ڕووداوە زیاد بوو بۆ زنجیرە پێشێلکارییە بەردەوامەکانی دژی ژنان.

09:34

مامۆستا شیرین دڕەیی لە نامەیەکدا کە ئاڕاستەی دۆناڵد ترەمپی، سەرۆکی ئەمریکای کردووە دەڵێت: بە کشانەوەی پاراستن و ڕێگەدان بە دوژمنەکانمان بۆ هێرشکردنە سەرمان، تۆ تەنها سیاسەتێکت نەگۆڕی، بەڵکو بەڵێنێکت شکاند.

08:30

میدیا نێودەوڵەتی و فارسییەکان ئامارێکی سەرسوڕهێنەریان لەسەر کوژرانی خۆپیشاندەران لە ڕۆژهەڵاتی کوردستان و ئێران بڵاوکردەوە، ئەمەش لە کاتێکدایە کە پچڕانی ئینتەرنێت بەردەوامە.

08:26

نیکۆلا ئەشرەف شاڵی، چاودێری سیاسی دەڵێت: خۆبەڕێوبەرییەکەی رۆژئاوا مەترسیی لەسەر نییەو ئایندەش هەر بۆ ئەوانە، جارێکی تر جەخت دەکەمەوە، ئایندە بۆ ڕۆژئاوای کوردستانە.

08:03

ژنانی شاری کۆبانێ هەڵوێستی خۆیان سەبارەت بە هێرشەکانی سەر گەڕەکە کوردنشینەکانی حەلەب و بێڕێزی بەرامبەر بە تەرمی شەڕڤانانی ژن لە شێخ مەقسود و ئەشرەفییە دەربڕی، سوێندی تۆڵەسەندنەوەیان خوارد و وتیان: ناهێڵین کەس دەست لە بەهاکانمان بدات.

07:50

ئەو پێشێلکاریانەی کە لەلایەن جیهادیەکانی هەتەشە و چەتەکانی تورکیا لە کاتی هێرشی ئەم دواییەی بۆ سەر گەڕەکی شێخ مەقسود ئەنجامدرا، لە ئەنجامدا کۆرپەیەک گیانی لەدەستدا دوای ئەزموونکردنێکی کورت کە لە نەخۆشخانەیەکەوە دەستیپێکرد.

07:25

سەروین جەلال، بەڕێوەبەری ئەنجومەنی ژن لە قەندیل و لاڤان حەمەدەمین، هاوسەرۆکی شارەوانی بناری قەندیل دەڵێن: سەرەڕای ئەوەی ژنان و منداڵان و گەنجان دەکرێنە قوربانیی ئەم سیاسەتە قێزەونە، بەڵام ڕۆژئاوا ئیرادەی پۆڵایینی خۆی بەدەستەوە نادات.

14:59

٤٩ خێزانی خەڵکی گەڕەکی شێخ مەقسوود و ئەشرەفییە و ١١٥ بریندار، کە زۆربەیان هاووڵاتیی مەدەنین، گەیشتوونەتە کامپی تێکۆشین لە تەبقا.

14:42

دایکانی ئاشتی کە بۆ ناڕەزایەتی دەربڕین بەرامبەر هێرشەکانی سەر گەڕەکەکانی شێخ مەقسود و ئەشرەفیە چوونەتە ئەنقەرە، ڕایانگەیاند، کە چەتەکانی هەتەشە بەردەوامی چەتەکانی داعشن و ئەو چەتانە لە داهاتوودا دەبنە بەڵایەک بۆ تورکیا.

14:05

ئەنجومەنی ژنانی''پەیەدە'' کۆمەڵکوژییەکانی گەڕەکی شێخ مەقسود و ئەشرەفیەی شاری حەلەبی شەرمەزار کرد و هۆشداریی دا لە مەترسیی بێدەنگی نێودەوڵەتی و جەختی لەوە کردەوە، کە ئەوەی دەگوزەرێت تاوانی جەنگ و جینۆسایدی سیستماتیک پێکدەهێنێت.

13:29

مێژووی خەبات و خۆڕاگری گەلی ڕۆژهەڵاتی کوردستان و ئێران، بە درێژایی دەیان ساڵ چەندین جار دووبارە بووەتەوە، دوای تەڤگەری ''ژن، ژیان، ئازادی''، ئازارەکان گەیشتووەتە لوتکە، بەتایبەت بۆ ئەو ژنانەی کە خوێنیان لەسەر شەقامەکانی ڕۆژهەڵاتی کوردستان و ئێران ڕژاوە.

12:18

دژی بێڕێزیی بە ژنان و شەڕڤانان بەناوی دینەوە، پارێزەران و چالاکوانان و زۆرێک لە ژنانی پێشمەرگە، لەبەردەم دادگای سلێمانی کۆنگرەی ڕۆژنامەوانیان ئەنجامداو ئاماژەیان بەوەکرد سکاڵایان دژی مەلا مەزهەر خۆراسانی تۆمار کرد.

10:51

دایکانی ئاشتی کاردانەوەیان بەرامبەر هێرشەکانی سەر حەلەب دەربڕی و وتیان: کورد لە دژی دڕندەییەکانی داعش شەڕی کرد بەڵام جیهان بێدەنگە بەرامبەر ئەو دڕندەییانەی بەرامبەر بە کورد دەکرێت، داوا لە کۆمەڵگەی نێودەوڵەتی دەکەین لە بەرامبەر ئەم دڕندەییە بێدەنگ نەبن.

10:36

هێزەکانی ئاسایشی ناوخۆی ژنان لە باکوور و ڕۆژهەڵاتی سووریا، ئەو هێرشانەیان شەرمەزارکرد کە جیهادییەکانی هەتەشە بۆ سەر گەڕەکەکانی شاری حەلەب دەستیان پێکرد، ڕایاندگەیاند، فڕێدانی جەستەی شەڕڤانێکی ژن لە باڵەخانەیەکی بەرزەوە پێشێلکردنی ئاشکرای بەها مرۆییەکانە.