ڕۆژانە

10:45

ژنانی باکوور و ڕۆژهەڵاتی سووریا ناڕەزایی خۆیان لە بێدەنگی نێودەوڵەتی بەرامبەر بە پێشێلکارییەکانی دژی گەلی کورد لە شێخ مەقسود و ئەشرەفییە دەربڕی و ڕایانگەیاند، بەرگی دەوڵەت کەوتووەتە کە بانگەشەی مافی مرۆڤی دەکرد.

10:02

شەپۆلی نوێی ناڕەزایەتییەکانی ڕۆژهەڵاتی کوردستان و ئێران لە ئەنجامی قەیرانی تێچووی ژیانەوە بە داخوازییە ئابوورییەکان دەستی پێکرد، بەڵام بە هۆی سەرکوت و توندوتیژیەوە بە خێرایی گۆڕا بۆ ڕاپەڕینێکی سیاسی دژ بە سیستەم.

09:21

عەدولێ قەرەدەنیز

08:41

ناڕەزایەتییەکان لە ڕۆژهەڵاتی کوردستان و ئێران پەیوەندییەکی نزیکیان بە دادپەروەری ڕەگەزییەوە هەیە، هەروەها قەیرانی ئابووری کاریگەری لەسەر ژنان هەیە، هەروەک چۆن پیاوانیش دەگرێتەوە، ئازادی ئابووریش مەرجێکی پێشوەختەیە بۆ ئازادی ژنان.

08:01

زینارین کۆبانێ، شەڕڤانی شێخ مەقسود ڕایگەیاند، کە تا کۆتایی بەرخۆدانیان لە دژی چەتەکانی حەلەب نیشاندا، دەڵێت: لە هەموو ساتێکی مێژوودا ڕۆحی شەهیدەکانمان و بەرخۆدانێکی شاراوە هەیە، تا کۆتایی درێژە بە خەباتەکەمان دەدەین.

07:30

عەمید ناهیدە ئەحمەد دەڵێت: ژنان لە پارچەکانی کوردستان بەرخۆدان دەکەن، بەڵام لە لایەن مەلایەکی ئاینی بە فکرێکی داعشی، بێڕێزی بەرامبەر ژن و نەتەوەیەک دەکرێت، ئیمەی ژنان ڕێکاری یاسایی بەرامبەر دەگرینەبەر. 

14:58

لە شاری سلێمانی، بۆ پیشاندانی وەفا بۆ خوێنی شەهیدانی گەرەگی شێخ مەقسودو ئەشرەفییە، نوێنەرایەتی ڕۆژئاوای کوردستان بە هاوبەشی لەگەڵ ڕێکخراوەکانی ژنان، گردبوونەوەو وتیان: دەوڵەتانی دراوسێ بە ئاشکرا کورد جینۆساید دەکەن.

14:30

دەزگای بنەماڵەی شەهیدانی شنگال ئاماژەی بەوەدا کە بەرخۆدانێکی بێوێنە لە شاری حەلەب بەڕێوەچووە دەڵیێت: ئەگەر ئێمە وەک پێکهاتەی ئێزدی بە کەرامەت و شانازیی خۆمان بەرخۆدان نەکەین، ئەوا دوژمن جارێکی دیکە دەمانخاتە ژێر جینۆسایدەوە.

13:56

شیرین عەبادی، خاوەن خەڵاتی نۆبڵی ئاشتی داوای کرد هەنگاوی ڕوون و دیاریکراو لە دژی عەلی خامنەیی سەرکردەی مەزنی ئێران و ڕێبەرانی سپای پاسدارانی ئینقلابی ئیسلامی بگیرێتەبەر.

13:19

کۆردیناسیۆنی ژنان لە جزیرەی باکوور و ڕۆژهەڵاتی سووریا، بەمەبەستی دەربڕینی ڕەتکردنەوەی هێرشەکانی دژی هاوڵاتیانی مەدەنی بەتایبەت ژنان و منداڵان لە شاری حەلەبی سووریا، کە پێشێلکردنی سەرەتاییترین مافەکانی مرۆڤ پێکدەهێنێت، ناڕەزایەتییان دەربڕی.

12:52

لە شاری فرانکفۆرتی ئەڵمانیا گروپی “ژن، ژیان، ئازادی” کە تایبەتە بە قوربانییانی شۆڕشی “ژن ژیان ئازادی” گردبوونەوەیەکیان ئەنجامدا بە مەبەستی ڕێزلێنان لە قوربانییانی ئەو کۆمەڵکوژییە بەربڵاوەی لەلایەن ڕژێمی ئێرانەوە دژی خۆپیشاندانی گەلان ئەنجامدراوە.

12:45

یەکێتی ژنانی پەرلەمانتارانی کورد داوای لە یەکێتی ئەوروپا و نەتەوە یەکگرتووەکان کرد هەڵوێستی بەرپرسیارانەیان هەبێت بۆ ڕێگریکردن لە دووبارە توندوتیژی دڕندانە دژی ژنان و تاوانەکانی جەنگ.

11:39

کۆنگرەی ستار بە بۆنەی ٢١ ساڵەی دامەزراندنیەوە ڕاگەیاندراوێکی بڵاوکردەوە و پابەندبوونی خۆی بە درێژەدان بە خەبات و چڕکردنەوەی هەوڵەکان بۆ بونیادنانی سووریایەکی دیموکراتیک و ناناوەندی و بەهێزکردنی ئازادی ژنان و گەلان دووپاتکردەوە.

10:15

زیندانیی نەخۆش بەسرا ئەرۆڵ کە بۆ دووەم جار ئازادکردنی دواخرا، بە بیانووی سزای دیسپلینی نەیانخستە بەردەم دەستەی چاودێری.

09:17

ڕاپۆرتی ساڵی ٢٠٢٥ی کۆمەڵەی ژنانی ڕۆژنامەنووسی میزۆپۆتامیا، پەرەسەندنێکی بێ وێنەی پێشێلکارییەکانی دژ بە ژنانی ڕۆژنامەنووس ئاشکرا کرد، لە چوارچێوەی شەڕ و سەرکوتی سیستماتیکیدا کە ڕۆژنامەگەری گۆڕی بۆ ئامانجێکی ڕاستەوخۆ، هەوڵی بێدەنگکردنی ڕاستییەکان دەدات.

08:49

ئەڤین جومعە، بەڕێوەبەری ڕێکخراوی مافی مرۆڤی سووریا ڕایگەیاند کە ژمارەی ئەو هاووڵاتییە مەدەنیانەی لە هێرشەکانی سەر شێخ مەقسود و ئەشرەفیە کوژراون زۆرە و هیچ ژمارەیەکی وردی ئەو کەسانە نییە کە ڕفێنراون یان بێسەروشوێن کراون.

08:25

لە دژی ئەو شەپۆلە لێدوان و وتارە توندڕەوانەی کە لەلایەن بەشێک لە مەلایانی ئایینییەوە دژی پێگەی ژن و تەڤگەری ئازادیی گەلی کورد دەدرێن، ژنان و چالاکوانانی دەڤەری ڕاپەڕین گردبوونەوەیەکی ناڕەزایەتییان ئەنجامدا.

07:50

ئێزدییەکان لە حەلەب ڕووبەڕووی هەڕەشەی جینۆساید دەبنەوە، ئەمەش لە کاتێکدایە کە بە زۆر کۆچکردن و ڕفاندن و چارەنووسی نادیاری خێزانەکانە دوای هێرشی جیهادیەکانی هەتەشە.

07:44

پێشهاتەکانی ئەم دواییە لە گەڕەکەکانی حەلەبی سووریا، نیگەرانی مافی مرۆڤی زیاد کردووە، سەبارەت بە پێشێلکارییە سەختەکان کە لەوانەیە بگاتە تاوانی جەنگ، هەوڵی سیستماتیکی بۆ خۆدزینەوە لە سزا و بە سیاسیکردنی دادپەروەری وروژاندووە.

07:20

بێریڤان شاهۆ، ڕۆژنامەنووس دەڵیت: ڕژێمی ئێران لەگەڵ دەستبەکاربوونی لە ڕێگەی حوکمی زۆرەملێ، زیندانیکردن، لەسێدارەدان و بڵاوکردنەوەی ماددە هۆشبەرەوە، ژنانی سەرکوتکردووە، بەڵام لە دوای شۆڕشی " ژن، ژیان، ئازادی"، لەدەنگ و ڕەنگی ژن دەترسێت.