ڕۆژانە

14:02

دەفەگە لە بەرانبەر سزادانی شەش ساڵ و سێ مانگ زیندانیکردن بەسەر حەوت ڕۆژنامەنووسدا ناڕەزایەتی نیشان دا و وتی: سەرەڕای ئەو سزایانە، ڕۆژنامەنووسان ڕاستییەکان دەنووسن.

13:35

فەوزیە بەشارە، نووسەری کورد بۆ تیشک خستنە سەر ناسنامەی کورد، خەڵاتی باشترین بەرهەمی ئەدەبی بە زمانی دایک لە فێستیڤاڵی ئەدەبی ئێراندا بۆ کۆمەڵە چیرۆکی "فرمێسکی ژنێک" کە بە گێڕانەوەی جووڵاو و دەربڕینی قووڵی شوناسی کولتووری جیاکراوەتەوە بەدەستهێنا.

12:42

دادگای دادی ئەنقەرە لە دۆسیەی دادگایی کردنی ١١ ڕۆژنامەنووسدا، سزای شەش ساڵ و سێ مانگ زیندانی بۆ حەوت ڕۆژنامەنووس پەسەندکرد.

12:26

لە ١١یەمین ساڵڕۆژی دەستپێکردنی بەرخۆدان، ئەنجومەنی قامیشلۆ لە کانتۆنی جزیرەی باکوور و ڕۆژهەڵاتی سووریا بەرخۆدانی قارەمانانەی کۆبانێی بەبیرهێنایەوە، بەڵێنەکەی بۆ پاراستنی دەستکەوتەکانی شەهیدان و بونیادنانی سووریایەکی دیموکراتیک دووپاتکردەوە.

11:59

فەیحا عەبدولهادی، نووسەر و لێکۆڵەری فەڵەستینی لە چوارچێوەی بیست و هەشتەمین پێشانگای نێودەوڵەتی پەرتوکی جەزائیر لە سیمینارێکدا بەشداری کرد و جەختی لە گرنگی بەڵگەنامە و نووسین بۆ بەرەنگاربوونەوەی چەواشەکاری میدیا، بەتایبەتی سەبارەت بە دۆخی غەززە کردەوە.

11:34

وریشە مورادی، چالاکوانی مافی مرۆڤ لە ساڵڕۆژی داستانی کۆبانێ و ڕۆژی جیهانی هاوپشتی لە بەرخۆدانی کۆبانێ لە زیندانەوە پەیامێکی بڵاوکردەوە و تیایدا واتای بەرخۆدان لەم شارەدا لێکدەداتەوە و بە " گۆڕەپانێک بۆ گەیشتن بە ئازادی و ئیرادەی ژنان" پێناسەی کرد.

10:33

دیمەن ئەنوەر کە خاوەنکارەو کاری دەستی دەکات، بە تەختە دیزاینی ناوماڵ دەکات و کڕێارێکی باشی هەیە، بەشداری فێستیڤاڵی هەنارو پایزی هەڵەبجەی کردووەو دەڵێت: ڕەنگەکان بە ڕەنگی ژیانەوە ناسراون.

09:58

کۆمیتەی پاراستنی ڕۆژنامەنووسان "CPJ" لە ڕاپۆرتێکدا ئاشکرایکردووە، کە بەلانیکەم سێ ژنی ڕۆژنامەنووس لەلایەن چەکدارانی هێزەکانی پشتیوانی خێراوە دەستدرێژییان کراوەتە سەر، هەروەها ١٣ ڕۆژنامەنووس لە شاری فاشر لە باکووری دارفور بێسەروشوێنن.

09:18

ئاڤاشین مستۆ، هاوسەرۆکی دەستەی گەنجان و وەرزش، دووپاتیکردەوە، کە بانگەوازەکەی ڕێبەری گەلی کورد عەبدوڵا ئۆجالان بۆ پاراستنی کۆبانێ، وەرچەرخانێکی مێژووی لە ڕووبەڕووبوونەوە لەگەڵ داعش پێکهێنا.

08:43

ئاینور ئەپلی، زیندانی نەخۆش کە ماوەی ٣٠ ساڵە وێڕای نەخۆشی لە زینداندایە و چەند جارێک ڕێگری بۆ ئازادبوونی درووست دەکرا، شەوی رابردوو لە گرتووخانەی ژنانی شاکرانی ئیزمیر ئازاد کرا.

08:16

شادی سەمەد، مامۆستا و چالاکوانی سیاسی، دەڵێت: پاش هەنگاوی دووەمی گەریلایانی ئازادی و کشانەوەیان لە سنوورەکانی تورکیا، گەلی کورد چاوەڕێی هەڵوێستی گرنگی دەوڵەتی تورکیایە بۆ ئاشتی و کۆمەڵگەی دیموکراتیک.

14:47

سەبارەت بە هەڵبژاردنی پەرلەمانی عێراق، سیهام شنگالی جەختی لەوە کردەوە، کە کۆمەڵگە دەیەوێت نوێنەری ڕاستەقینەی لە سیاسەتی عێراقدا هەبێت و چارەنووسی خۆی دیاری بکات.

13:45

یارییەکانی لاوانی ئاسیای ٢٠٢٥ لە بەحرەین لە کەشێکی بەهێزی کێبڕکێدا کۆتایی هات، کە تیایدا ئاستێکی بەرچاو لە لایەن گرووپی ژنانی ئێرانەوە پێشکەش کرا، هەروەها وەرزشوانانی ژنانی ئێران ئامادەییەکی بەرچاویان لە پێشبڕکێ جۆراوجۆرەکاندا تۆمار کرد.

12:56

هێڤی سلێمان، ئەندامی دەستەی کۆردیناسیۆنی کۆنگرە ستار لە قامیشلۆ، تەنانەت لە کاتی ئازاریشدا پرسی ژنانی هەڵگرتبوو و دوای خەباتێکی درێژخایەن کۆچی دوایی کرد.

11:49

بەڕێوەبەرایەتی بەرەنگاربوونەوەی توندوتیژی دژى ژنان و خێزان-سلێمانى بڵاوی كردەوە، بڕیاری ١٣٢٥ لەلایەن ئەنجوومەنی ئاسایشی نەتەوە یەكگرتووەكان لە ٣١ تشرینی یەکەمی٢٠٠٠ پەسەند كراوە، تێیدا جەخت لە هەوڵدان بۆ زیادكردنی ڕێژەی ژنان لە ناوەندەكانی بڕیاردان دەکات.

10:27

بەپێی ئەو سنووردارکردنانەی کە لە ئەفغانستان بەسەر ژناندا سەپێنراوە، شۆستەکان بووەتە بەدیلێک بۆ یانە وەرزشییە داخراوەکان، بۆیە ژنان بەیانیان بە پێ دەڕۆن بۆ پاراستنی تەندروستی جەستەیی و دەروونی خۆیان، بە بەرخۆدانی ڕۆژانەیان سەرپێچی لە ستەم دەکەن.

09:28

دوێنێ لە پارێزگای هەڵەبجە یانزەهەمین ڤیستیڤاڵی هەنار و پایزی هەڵەبجە بەڕووی گەشتیاراندا کرایەوە و ژنان بە شدارییەکی بەرچاویان لە ڤیستیڤاڵەکەدا هەبوو.

16:12

هەڵبژاردەی نیشتیمانی ژنانی ئێران پاڵەوانێتی ساڵی ٢٠٢٥ی ئاسیایان بردەوە، دوای سەرکەوتنیان بەسەر هەڵبژاردەی چین بە لێدانی سزا.

15:25

ئاروا شەمیری، چالاکوانی ڕاگەیاندن، لەسەر بڵاوکردنەوەی دۆسیەیەک کە سەرنجی زۆری لە شاری تەعز ڕاکێشاوە، لەلایەن بەرپرسێکەوە سکاڵای ڕەسمی لە دژی تۆمارکراوە.

14:36

لەیلا گوڤەن، سیاسەتمەداری کورد کە لە سنجان زیندانی کراوە، لە وتارێکیدا سەبارەت بە پرۆسەی ئاشتی ڕەخنەی لە زمانی میدیاکان گرت و جەختی لەوە کردەوە، کە ئەو هەواڵانەی بڵاوی دەکەنەوە، لەگەڵ ئەو زمان و وێنەیەی کە بەکاری دەهێنن، ڕۆژانە توڕەی ملیۆنان کوردە.