ناوەندی هەواڵ

 

گۆڕانی کەشوهەوا پرسێکە کە ئەمڕۆ ڕووبەڕووی جیهان دەبێتەوە، ئاوەکانی کەناراوەکانی نیوجرسی و بەدرێژایی تەواوی باکووری ڕۆژهەڵات بە شێوەیەکی بەرچاو وەک هەموو شوێنێکی دیکەی جیهان گەرم دەبن، کاریگەرییەکانی بە توندی هەستیان پێدەکرێت.

 

لە ویلایەتی نیوجرسی زۆرێک لە ژنان لەو پیشەسازیانەدا کاردەکەن کە بەرەوڕووی گۆڕانی کەشوهەوا دەبنەوە، وەک کشتوکاڵ و ماسیگرتن، خۆراک و کشتوکاڵ سێیەم پیشەسازی قازانجدارە لە ویلایەتی نیوجرسی، ساڵانە ملیارەها دۆلار داهاتیان هەیە.

 

ویلایەتی گاردن خاوەنداری زیاتر لە ٧٢٠ هەزار دۆنم زەویی کشتوکاڵی بژاردەیی دەکات، و ٩ هەزار کێڵگە کە ١٥هەزار و ٩٣٦ جووتیاری نیوجرسییان تێدایە، نزیکەی  ٪٢٢ یان ژنن.

 

ئەم پیشەسازیانە بە شێوازی جۆراوجۆر کاریگەری گۆڕانی کەشوهەوایان لەسەرە، لە شکستی بەرهەم و وشکەساڵییەوە تا دەگاتە لەدەستدانی جۆراوجۆری زیندەوەران بە گشتی.

 

ماسیگرتنی کیپ گەورەترین پیشەسازییە لە نیوجرسی کە یەکێکە لە گەورەترینەکانی کەناری ڕۆژهەڵات، پیشەسازی ماسیگرتنی بازرگانی زیاتر لە ١٣٣ ملیۆن دۆلار داهات بەرهەم دەهێنێت لە سەرووی بازاڕی کشتوکاڵی ویلایەتی نیوجرسی.

 

دوایین چالاکییەکانی کەشوهەوای حکومەت مێرفی چەندین ڕێوشوێنی لەخۆگرتووە بۆ بەدەستهێنانی وزەی پاک بە ڕێژەی ٪١٠٠ تا ساڵی ٢٠٣٥.

 

هەروەها یەکێک لە ئامانجەکانی حکومەت دانانی سیستەمی گەرمکردنەوە و ساردکەرەوەی کارەباییە لە ٤٠٠ هەزار ماڵ و ٢٠ هەزار موڵکی بازرگانی تا ساڵی ٢٠٣٠، بە شێوەیەکی کاریگەر ٪١٠ی هەموو ئەو موڵکانەی کە داهاتیان کەم تا مامناوەندە ئامادەیە بۆ کارەباکردن.

 

 دوابەدوای ئەمەش فەرمانی جێبەجێکاری دیکە دێت کە دەستەی خزمەتگوزارییە گشتیەکانی نیوجرسی ڕێنمایی دەکات بۆ پلاندانان بۆ داهاتووی کۆمپانیاکانی غاز لە ویلایەتەکەدا، جگە لەوەش لە ژێر ڕێنمایی مێرفی ٧٠ ملیۆن دۆلار بۆ دەستپێشخەرییەکی ناوچەیی گازی گەرمخانەیی تەرخان دەکرێت، داهاتی زیادکردنەکە دەچێتە سەر کەمکردنەوەی تێچووی پێشوەختە بۆ ئۆتۆمبێلە کارەباییەکان.

 

مەترسییەکانی گۆڕانی کەشوهەوا ژنانی هەژار دەخاتە دۆخێکی ترسناکترەوە، چونکە دەستڕاگەیشتنیان کەم بووەتەوە بە سەرچاوە یان ئامرازەکان کە ڕەنگە یارمەتیدەریان بن بۆ ئامادەکاری لە دژی کەشوهەوای توند یان لافاو، لەوانەش پێداویستی خۆراک، ئاوی پاک، یان گواستنەوە بەشێکن لە کەموکورتییەکانی ژنانی ویلایەتی نیوجرسی.