Navenda Nûçeyan - Navenda Çavdêriya Mafên Mirovan a Sûriyeyê (SOHR) ku navenda wê li Londraye da zanîn ku di topbarana çeteyên ′Fetih El Mubîn′ a li ser bajarokê Urm El Kubra yê li herêmên hikumeta Şamê yên li rojavayê Helebê de moşekek li malekê ket, di encamê de malbatek ji 4 ferdan pêk tê; bav, dayik û 2 zarok hatin qetilkirin.

Di daxuyaniyê de hate destnîan kirin ku hêzên hikûmeta Şamê û çeteyên dewleta Tirk a dagirker li derdora Sehil El Xab a rojavayê Hemayê û Kebanê yê çiyayê El Ekrad ê bakurê Laziqiyê bi hev ketin û ev zanyarî hate parvekirin: “Hêzên hikumeta Şamê de bi çekên giran gundên Fitêra, Filêfil, Sifohin ên li çiyayê Zawiyê yên başûrê Idlibê, gundê Enkawî yê Sehil El Xab ê rojavayê Hemayê topbaran kirin. Li beramber wê jî çeteyên ′Fetih El Mubîn′ nuqteyên girêdayî hêzên hikumeta Şamê yên li Dara El Kebîr û Melace yên li başûrê Idlibê topbaran kirin.