civak/jiyan

08:02

Li gorî raporan, belavkirina wêneyên jinan li Kirmanaşê û dadweriyên baviksalarî bûne sedem ku nêzîkî 20 jin hewl bidin xwe bikujin û yek ji wan can bide.

07:36

Çalakvana civakî ya Taîzê Semîra El-Xelîdî rewşa mirovî ya bajêr wek 'karesateke bi temamî' pênase kir û got: "Di encama zêdebûna şer a li bajêr de, jin herî zêde bi xetereyên bombebaran û sûîqestan re rûbirû dimînin.

07:51

Li Parwanê xizanî û tirs di nava xelkê de belav bûne. Çîrokên jinavbirinê yên li ser malên Nebîla û Anîsgulê, nîşan didin ku di bin gef û zextên mezin de dijîn û bê ewlehî her roj zêde dibe.

07:15

Jinên li peravên Sûriyeyê, ji ber revandina jin û zarokên keç û raporên destdirêjiyê di nav fikaran de ne. Tirsa veguherîna van bûyeran a ji bo amûrên tirsandin, belavkirina xofê û têkbirina têkiliyên civakî, bandoreke kûr li ser malbat û civakan çêdike.

09:05

Bijîşk Şebane Fetah li Perwanê ji ber xuyabûna porê xwe gelek caran rastî gefên Talîbanê hatiye û niha li mala xwe keçan perwerde dike.

08:34

Li gundê Xurs ê Qoserê, berhevkirina titûnê didome. Emîne Aydemîr a karê tutunê dike, bertek nîşan da û got: "Em ji meha Sibatê heta Mijdarê dixebitin lê xelata ku heq dikin nagirin. Keda jinan bi tevahî nayê dîtin."

08:00

Feyrûz Xan afrîner û lêkolînerek naverokê ya Kurd e bi Kurdî balê dikşîne ser belavkirina zanist, teknolojî, cihên balkêş di cîhanê de û çêkera "Mamoste Mîmî" ye jî.

08:18

Tohmetên Tom Barrack ên li ser kargehên Captagonê li Suweydayê ji aliyê rêveberî û şêniyên bajêr ve hatin şermezarkirin û wekî derewên bêbingeh hatin binavkirin.

09:19

Çalakvanên jinên Yemenî yên di bin dorpêça dijwar a li ser bajarê Taîzê de, banga alîkariyê li rêxistin û civaka navneteweyî kirin, bal kişandin ser rewşa mirovî ya trajîk a li bajêr û zehmetiyên ku niştecih rûbirû dijîn.

08:48

Li Şeqra, Rena El-Emîn û keça wê Rîm bi dirûtin û nîgarê berxwedana jinên başûrê Lubnanê nîşan didin. Ji bo wan hunerên destan ne tenê projeyên jîngehî û hunerî ne, her wiha amûrên berxwedan, jiyan û derbasbûna êşên êrîş û wêrankariyê ne jî.

09:50

Li Îranê nûçeyên derbarê leşkerîkirina dibistanan û pêşkêşkirina sembolên şer de, fikarên têkildarî ewlehiya xwendekaran û bikaranîna saziyên perwerdeyê ya ji bo armancên leşkerî û siyasî, zêde dike.

08:32

Mamosteya Filistînî Amanî Amar tevî êşa windahî û koçberiyê, li Dêr el-Belahê dibistana belaş a ‘El-Hîbe’ ava kir. Bi vê gavê Amanî, alîkariya sedan zarokan kir ku mafê xwendinê ji dest nedin.

08:20

Dayîka Mekbule Semo ya 62 salî ku li gundê Sakê ya Şaxa Wanê dijî, di demsala payîzê ku amadekariyên zivistanê tên kirin de, kêfxweşiya xwe ya ji ber jiyana gundan û zor û zehmetiyên kedê anî ziman.

08:00

Jinên Ermen, li hember hewldanên ji bo avakirina zimanê nefretê bertek nîşan dan û banga xurtkirina têkiliyên civakî yên ji bo parastina ewlehî û aramiya herêmê kirin.

09:03

Li Cezayîrê tacîza li dijî jinan di wesayîdên giştî de zêde dibe. Tevgerên femînîst ji ber vê rewşê xwestin kiryar werin cezakirin û prensîba "efûkirina jinan” ku dibe sedema bêcezahiştina kiryaran were rakirin.

08:50

Nûr Ebû Riyala ya ji Filistînê, çîrokeke jiyanê ya bi windayan dagirtî vedibêje. Di şer de hevjîn û pênc zarokên xwe winda kiriye. Nûr Riyala bi du zarokên xwe yên mayî re hem ji bo dermankirinê hem jî li hemberô barên giran ên jiyanê têdikoşe.

08:40

Çalakvana sivîl a li parêzgeha Parwanê Lelma Nûrşah tevî bêkar xwe maye jî berxwedana xwe li dijî polîtîkayên Talîbanê didomîne û hêvî dike ku rojek jin bigihîjin azadî û dadmendiyê. Lelma dibêje: "Dê rojekê jin bibin kabûsa Talîbanê."

09:08

Ji ber tunebûna parastina yasayî û kêmasiyên di warê lêpirsînan de, bûyerên kuştina jinan û "xwekuştina bi zorê" li Xezeyê zêde dibin. Ji ber nebûna mekanîzmayên yasayî bûyer tên paşguhkirin û sûcdar bê ceza dimînin.

08:41

Buhabûna zêde ya pedên hîjyenîk, bûye sedem ku li Îranê ev berhema pêwîst neghîje destê gelek jinan. Feqîriya reglê, bi taybetî li herêmên xizan tenduristiya wan dike xeterê.

08:20

Li Dêrikê bi hatina payîzê re berhevkirina zeytûnan dest pê kir. Hilberîner û welatî tevî hemû zehmetiyan kevneşopiya salan didomînin û zeytûnan ji bo zivistanê amade dikin.