ڕۆژانە

09:59

لە چوارەمین ساڵیادی شۆڕشی ”ژن، ژیان، ئازادی” دا، ئامارگی ئوموت جەختی لەوەکردەوە، کە سەرەڕای فشارەکانی ڕژێمی ئێران هێشتا ژنان سەری خۆیان دانانەوێنن و پێویستە پاراستنی و پەروەردە تێکۆشانی خۆیان بەهێزتر بکەن.

08:13

لەگەڵ بەردەوامیی باڵادەستیی ڕەگەزی و پەراوێزخرانی ژنانی وەرگێڕ و نووسەر لە هەرێمی کوردستان، ژنان لە ڕێگەی خۆپەروەردەکردن و هەوڵی تاکەکەسییەوە بەردەوامن لە جێگیرکردنی جێپەنجەی خۆیان لە کایەی ڕۆشنبیریدا.

21:34

شەشەمین ڤێستیڤاڵی فیلمی نێودەوڵەتی سلێمانی، بە دروشمی " شکۆی مرۆڤ" دەستیپێکردو ماوەی حەوت ڕۆژ بەردەوام دەبێت، لە ۲۲ وڵاتی جیاواز، ۱٠۸ فیلم بۆ پێشبڕکێی فێستیڤاڵەکە هەڵبژێردراون.

16:04

کاریگەریی پەرەسەندنی شەڕ و ململانێی سەربازی لە ڕۆژئاوای یەمەن تادێت تەشەنە دەکات و تەنیا لە ماوەی سێ ڕۆژدا نزیکەی ١٨ هەزار و ٥٠٠ کەس ئاوارەبوون. ڕێکخراوی نێودەوڵەتی کۆچ هۆشداری دەدات لە کەمیی پێداویستییە سەرەتاییەکان.

15:25

ژمارەی ئەو کەسانەی بەهۆی لافاوەوە لە نیپاڵ گیانیان لەدەستداوە گەیشتە هەزار و ٣٦٧ کەس. تا ئێستا پێنج هەزار و ١٣٢ کەس هیچ هەواڵێکیان نەبیستراوە.

15:03

جێسیکا پێگولای ئەمریکی لە پاڵەوانێتی تێنسی سەرزەوی ئەمریکای کراوە لە فلۆشینگ میدۆس بەردەوام بوو، بۆ سێیەم جار لەسەریەک جێگەی خۆی لە قۆناغی پێش کۆتایی مسۆگەر کرد دوای ئەوەی بە سێ کۆمەڵە لە ئیما ناڤارۆی هاونیشتیمانی خۆی بردەوە.

14:33

بەخشینی لیستە هەڵبژاردنەکانی جەزائیر لە مەرجی نوێنەرایەتیی ۳۳٪ی ژنان، جیاوازیی بۆچوونی دروستکردووە؛ بەشێک بە هەنگاوێکی واقیعیانەی دەبینن بۆ بارودۆخی ناوچەکان، و بەشێکی تر بە پاشەکشە لە بەشداری و دەستکەوتەکانی ژنانی دەزانن.

13:48

مریەم جاگلی، ئەندامی یەکێتیی ژنانی عەلەویی دیموکراتیک (DAKB)، دەڵێت: عەلەوییەکان لە دەرەوەی ڕێڕەوی ئاشتی نین، ئاماژەی بۆ ئەوە کرد کە ئازادیی باوەڕ، ناسنامە، دادپەروەری و یەکسانی ناخی داواکارییەکانیان پێكدەهێنن.

13:00

بەیانی ئەمڕۆ چوارشەممە، تەرمی ژنێک لە گەڕەکی شۆڕشی قەزای کەلار بە ناوی (ب. م. خ) کە لەدایکبووی ساڵی ١٩٧٠یە، گەیەنرایە نەخۆشخانەی شەهید هەژار دوای ئەوەی بەهۆی بەرکەوتنی فیشەکەوە گیانی لەدەستدابوو.

12:17

یەکەم چالاکی ڕێکخراوی پەریا بۆ پشتگیری منداڵانی تووشبووی شێرپەنجە، بە دابینکردنی پێداویستی قوتابخانە بۆ منداڵان، چالاکییەکی ئەنجامدا.

11:01

ئامارەکانی خوێندەواری لە جەزائیر ئامادەبوونی بەرچاوی ژنان نیشان دەدەن، کە ژنان لەسەدا ٩١ی سەرجەم خوێندکارانی ناونوسراو پێکدەهێنن، ئەمەش نیشاندەرێکە کە تیشک دەخاتە سەر بۆشایی خوێندن و پێویستی بەردەوامی ژنانی بەتەمەن بۆ پڕکردنەوەی دەرفەتەکانی خوێندن.

08:12

هەموو ساڵێک ٩ی ئەیلوول باس لە پاراستنی پەروەردە لە هێرشەکان دەکرێت، بەڵام گەلی کورد دوای ساڵانیک لە جەنگ و ڕووبەڕووی هێرشەکانی سەری، دووبارە رووبەڕووی نەپاراستن دەبێتەوەو وانە کوردییەکان لە هەندێک ناوچە سنووردار دەکرێن.

16:10

لەگەڵ نزیکبوونەوەی چوارەمین ساڵڕۆژی تیرۆرکردنی ژینا ئەمینی و ڕاپەڕینی "ژن ژیان ئازادی"، ڕاگەیەندرا کە ڕێنمایی نوێ سەبارەت بە باڵاپۆشی بەم زووانە لە زانکۆکانی ئێران دەچێتە بواری جێبەجێکردنەوە.

15:54

سێمین کازمی زانای کۆمەڵناسی ڕایگەیاند، سنووردارکردنی سیستمی مارەیی ژنان بە بێ مسۆگەرکردنی یەکسانی یاسایی و سەربەخۆیی ئابووری، دەتوانێت نائەمنیی ئابوورییان لە دوای جیابوونەوە زیاد بکات.

15:27

بەهۆی نەبوونی پارە و شەڕی ناوخۆ لە سودان، کەرتی تەندروستی چووەتە قۆناغێکی مەترسیدارەوە. ڕێکخراوی تەندروستی جیهانی هۆشداری دەدات کە زۆرێک لە کلینیکەکان دادەخرێن و ملیۆنان کەس ڕووبەڕووی قەیرانێکی گەورە بوونەتەوە.

15:00

١٠ ڕێکخراوی مەدەنی و کرێکاری لە ئاستەنگی ساڵیادی شۆڕشی "ژن، ژیان، ئازادی" ڕایانگەیاند کە کوشتنی ژینا ئەمینی ناڕەزایەتییەکی بەربڵاوی دروستکرد، و بەردەوامی سەرکوتکاری و هەژاری هێشتا مەترسی هەڵگیرسانی شەپۆلی نوێی توڕەیی دروست دەکەن.

14:19

کۆچبەرانی سەرێکانی کە دوای هێرشەکانی ساڵی ٢٠١٩ ناچاربوون ماڵ و زەوی و زارەکانیان بەجێبهێڵن، ئەمڕۆ لە کاروانی دووەمدا بەرەو ٥٥ گوند و ناوچە گوندنشینەکانی سەرێکانییە و زیرگان و تیل تەمیر دوای حەوت ساڵ بەڕێکەوتن.

13:33

کۆنگرەی ستار بە ڕاگەیاندراوێک ناڕەزایەتی بەرامبەر بە بڕیارەکانی پەیوەست بە خوێندن بە زمانی کوردی دەربڕی و ئەوەی خستە ڕوو: پەروەردەکردن بە زمانی دایک مافێکی ڕەوا و سەرەتاییە.

12:26

زیندانیانی بەشدار لە کەمپینی "سێشەممانی نا بۆ لەسێدارەدان"، وەک ناڕەزایەتییەک بەرامبەر بە بەردەوامیی دەرکردن و جێبەجێکردنی سزاکانی لەسێدارەدان لە ئێران، مانگرتنی خۆیان لە خواردن نوێ کردەوە.

11:41

ژنانی ئێزدی بڕیارەکەی بەغدا بۆ چەکداماڵینی یەبەشە و یەژەشە ڕەتکردەوە و جەختیان لەوە کردەوە، کە جگە لە منداڵەکانیان کەس نایانپارێزێت و ڕایانگەیاند دەستبەرداری چەکەکانیان نابن.