ڕۆژانە

11:21

پایتەختی تونس خۆپیشاندانێکی بەخۆوە بینی کە لەلایەن هەڵمەتی دژ بە سەرکوت و تاوانبارکردنی کاری مەدەنییەوە بانگەوازی بۆ کرابوو، ئەمەش وەک پشتگیرییەک بۆ چالاکوانانی "فلۆتیلای چەسپاو و مافی فەڵەستینی"، تێیدا بەشداربووان دروشمیان بەرزکردەوە.

08:52

ئەنجامنامەی دیداری ڕاوێژکاریی تەڤگەری ئازادی ژنانی ئێزدی "تاژێ" بڵاوکرایەوە و ڕاگەیاندرا کە تا ڕزگارکردنی تەواوی ژنانی دیلکراوی کۆمەڵگەی ئێزدی و "بە جینۆساید ناساندنی فەرمانی ٧٤ـەمین لە لایەن عێراقەوە، تێکۆشانی تاژێ بەردەوام دەبێت.

08:14

ڕۆژنامەنووسێک دەڵێت: ڕێبەر ئاپۆ وەک دانوستانکاری سەرەکییەو ڕێبەرایەتیی پرۆسەی ئاشتی و کۆمەڵگەی دیموکراتیک دەکات، بە بێ ئازادیی جەستەیی ڕێبەرێتی و ئازادکردنی زیندانییان، پرۆسەی ئاشتی سەرکەوتنی هەمیشەیی بەدەست ناهێنێت.

15:44

ناهید نەفیسی سەرۆکی کۆمەڵەی نیشتمانی نەشتەرگەری مەمک لە ئێران، سەرنجی بۆ زیادبوونی نەخۆشی شێرپەنجە ڕاکێشا و ڕایگەیاند کە لە زیادبووندایە. نافیسی ڕایگەیاندووە کە پاراستنی کێش و زوو دەستنیشانکردنی لە چارەسەرکردندا زۆر گرنگە.

15:27

خوێندکارانی خوێندنگەکانی شاری قامیشۆ و حەسەکە دژی بڕیاری حکومەتی کاتی کە زمانی کوردی بە سێ وانە سنووردار دەکات، چالاکییەکیان ئەنجام دا و دەڵێن: تا زمانی کوردی نەبێتە زمانی فەرمی دووەم ناچینە قوتابخانە.

15:09

ڕێکخراوی مافی مرۆڤی ئێران ڕایگەیاند کە لە ماوەی مانگی ئابدا ٨٢ حاڵەتی لەسێدارەدان لە رۆژهەڵاتی کوردستان و ئێران ڕوویداوە و تەنها ١٠ لەسێدارەدانیان بە فەرمی ڕاگەیاندراوە، بەمەش کۆی ژمارەی لەسێدارەدانەکان لە سەرەتای ئەمساڵەوە دەگاتە ٥٣٢ کەس.

14:38

تولای حاتەم ئۆغوللاری، هاوسەرۆکی گشتیی دەم پارتی جەختی لەوە کردەوە، پێنجەمین کۆنگرەی ئاسایی دەم پارتی قۆناغێکی گرنگە بۆ گۆڕانکاری و وتی: لەم قۆناغەدا کە پرسی کورد چووەتە قۆناغێکی نوێوە، سیاسەت بە میکانیزمەکانی پێشوو بەڕێوە ناچێت.

14:13

ڕوانگەی سوری بۆ مافەکانی مرۆڤ ئاشکرای کرد، لە سەرەتای مانگی ئەیلوولەوە تا ئێستا نزیکەی ٣٠ کەس لە ڕووداوە جیاجیاکانی ناوچە جیاجیاکانی سوریا گیانیان لەدەستداوە، لەوانە پێکدادانی هۆزەکان، کوشتن، بۆردومان و گولەی بێسەرپەرشت.

13:14

ئاژانسی ژن نیوز بڵاویکردەوە، لە ماوەی تەنها یەک مانگدا، ٢٢ ژن و سێ منداڵ لە باکووری کوردستان و تورکیا کوژراون، هەروەها ١٩ ژن و ٧ منداڵیش بە شێوەیەکی گوماناوی گیانیان لەدەستداوە.

12:54

خۆپیشاندەران لە ڕێگەی کۆبوونەوەیەک کە لەلایەن بزووتنەوەی "نفس"ەوە ڕێکخرابوو، ئیدانەی تێکچوونی بارودۆخی ژیان و پەرەسەندنی سەرکوتکارییان کرد، و داوایان کرد مافی ئاو و کارەبا مسۆگەر بکرێت و ڕاستی گیانلەدەستدانی زیندانیان ئاشکرا بکرێت.

11:41

هەزاران خوێندکاری شاری کۆبانێ لە ناڕەزایەتییەک بەرامبەر بە بڕیارەکانی حکومەت سەبارەت بە زمانی کوردی بایکۆتی ساڵی خوێندنی ٢٠٢٦-٢٠٢٧یان کرد.

11:24

ماوەی سێ رۆژ یەکەمین فێستیڤالی حەسار لە سەیدسادق بۆ بەرووبومی جوتیاران و خۆماڵی وخواردنی کوردەواری بەڕێوەچوو.

09:10

زیلان ئاڤاشین، شەڕڤانی یەپەژە سەبارەت بە پرۆسەی نوێی ئەنتیگراسیۆن رایگەیاند کە مافی ژنان بێ بوونی یەپەژە مسۆگەر نابێت و دەڵیت: یەپەژە هێزێکی بنەڕەتین، پاراستنی مافی ژن دەکات.

17:24

بە بەشداربوونی چالاکوانان و ڕۆژنامەنووسان، کۆمیتەی ئازادی ئۆجالان، بە مەبەستی جێبەجێکردنی مافی هیوا بۆ ڕێبەری گەلی کورد عەبدوڵا ئۆجالان، یاداشتێک بۆ ڕای گشتی و دادگای مافی مرۆڤی ئەورووپا، لە کۆنگرەیەکی ڕۆژنامەوانیدا خرایەڕوو.

16:36

گوڵستان تاهیر، هونەرمەند و ئەکتەری شانۆی کورد کە لە ڕووی هونەرییەوە بە گوڵستان سوباری ناسراوە، دوای پیشەیەکی دیار کە لە بواری گۆرانی و شانۆ و نواندندا کاری دەکرد، و لەو ماوەیەدا مەیدانی هونەری و ڕۆشنبیری کوردی دەوڵەمەند کرد، کۆچی دوایی کرد.

16:30

لە ١٦ـەمین ساڵیادی دامەزراندنی ڕێپاک لە باشووری کوردستاندا ئاماژە بەوەکرا، ئامانج ئەوەیە ژنی کورد لە جیهاندا بناسێنن و هێز و ئیرادەیان نیشان بدەن، ڕێپاک لە مێژووی دامەزراندییەوە تا ئێستا خەباتێکی بێوچانی ئەنجامداوە.

16:09

ڕێبەر عەبدوڵا ئۆجالان بۆ فێستیڤاڵی کولتووری کوردی نێودەوڵەتیی پەیامێکی ناردو سەرنجی خستەسەر پڕۆسەی ئاشتیی و کۆمەڵگەی دیموکراتیک ڕایگەیاند، ئەنتیگراسیۆنی دیموکراتیک؛ ئازادیی ناسنامە و کولتوورە، کۆمەڵگەی ڕێکخستن کراو و گەل پێویستە بە ئازادیی پێکەوە بژین.

15:57

لەگەڵ نزیکبوونەوەی ساڵیادی شۆڕشی "ژن، ژیان، ئازادی" هەڵمەتی فشارخستنە سەر ژنانی چالاکوان دەستی پێکردووە و لە نوێترین کەیسەکاندا، دوو چالاکوانی کورد لە مهاباد بە تۆمەتی “پڕوپاگەندە دژ بە دەوڵەت” دادگاییکران.

15:46

ئاماری گیانلەدەستدان بەهۆی لافاو لە ناوچەی ڕاسوا لە نیپاڵ لە نزیک سنووری چین بۆ هەزار و ٣٤٢ کەس بەرزبووەوە، پۆلیس دەڵێت هەوڵەکانی گەڕان و ڕزگارکردن بۆ هەزار و ٨٨٦ کەسی بێسەروشوێن بەردەوامە.

14:15

ڕوانگەی سووری بۆ مافەکانی مرۆڤ ئاشکرای کرد، کە لە سەرەتای ئەمساڵەوە تا ئێستا ٢٣ گۆڕی بەکۆمەڵ دۆزراونەتەوە کە تەرمی ٢٠٣ کەسیان تێدایە لەنێویاندا منداڵ و ژن، لە چەند پارێزگایەکدا، لەگەڵ جیاوازییەکی ڕوون لە ژمارەی قوربانییان و سروشتی شوێنە دۆزراوەکاندا.