ڕۆژانە

14:50

ئەندامانی ئەنجومەنی نوێنەرانی ئەمریکا نامەیەکیان بۆ مارکۆ ڕوبیۆ وەزیری دەرەوەی ئەمریکا نووسیوە و داوایان لێکردووە سزای نوێ لەدژی لەسێدارەدانی سیاسی لە ئێران بسەپێنێت و مافی مرۆڤ بخاتە ناوەندی پەیوەندییەکانی لەگەڵ تاران.

14:41

دوای خۆپیشاندان و ناسەقامگیرییەکانی کۆبانێ، لە زیندانی شارەکە ئاگر کەوتەوە و نۆ کەس گیانیان لەدەست دا، دەزگای بنەماڵەی شەهیدانی کۆبانێ ڕاگەیاندراوێکی داو داوای کرد بەرپرسانی پێشێلکارییەکانی ئەم کارەساتە دادگایی بکرێن.

13:45

ناوچەکانی کەناری ڕۆژئاوا شایەتی زیادبوونی بەرچاوی توندوتیژیەکانن، کە لە سێ ڕۆژی ڕابردوودا ١٣٩ کەس گیانیان لەدەستداوە و نزیکەی ١٨٠ کەسیش برینداربوون.

13:32

فیلمی دیکیۆمێنتاری "فەیمە کۆچەری؛ ئەو ژنەی تەنهایی هەڵیبژاردووە" لە کۆی ٣٥٤ فیلم لە ئاستی نێودەوڵەتییدا توانی پلەی سێیەم لە خولی شەشەمی فێستیڤاڵی نێودەوڵەتی فیلمی ئاشتی ئوردن بەدەستبهێنێت.

12:00

نەتەوە یەکگرتووەکان هۆشداری دا لە خراپیی بارودۆخی ژنانی دووگیان و دایکانی تازە لە غەززە بەهۆی کەمیی خۆراک، نەبوونی چاودێری تەندروستی و نالەباریی ژیانەوە، کە بووەتە هۆی بەرزبوونەوەی ڕێژەی لەبارچوون و زەحمەتیی چاودێریکردنی منداڵەکانیان لە ژینگەیەکی ئارامدا.

09:01

دادگای ئینقلاب لە بەندەر عەباس بە تۆمەتی "گەندەڵی لەسەر زەوی" سزای لەسێدارەدانی بەسەر سودە ئیبراهیمی شەمسەبادیدا سەپاند، کە بەهۆی هەندێک چالاکیی میدیایی و وێنەگرتنی پێگەیەکی سەربازییەوە دەستگیرکرا.

08:46

کۆنگرەی ستار ڕایگەیاند، شەهیدکردنی سیپان حوزنی مەترسییەکی ڕاستەوخۆیە لەسەر ئاسایش، ئاشتیی کۆمەڵایەتی و پێکەوەژیان، دەبێت هەموو ئەوانەی دەستیان هەبووە لەو ڕووداوە، بە بێ دواکەوتن ئاشکرا بکرێن و لێپرسینەوەیان لەگەڵ بکرێت.

08:24

ڕۆژین موسێ، مامۆستای بەشی ئەدەبی کوردی دیاری کرد، کە بڕیاری سنووردارکردنی پەروەردەی کوردی بووە هۆی کاردانەوەی مامۆستایان وخوێندکاران لە رۆژئاوای کوردستان، دەڵێت: دەبێت کورد و کەسە پەیوەندیدارەکان زمانی کوردی بکەنە خاڵی سەرەکیی کارکردن.

15:06

ئەنجومەنی پاراستنی کار و تەندروستیی کرێکاران "ISIG" ئاشکری کرد کە لە مانگی ئابدا لانیکەم ٢٢٦ کرێکار لە سەر کار گیانیان لەدەستداوە کە ٣٠ـی کرێکاریان ژن و منداڵن.

12:56

سەبا سەفیدی، هاوڵاتی بەهایی لە تاران دەستبەسەر کراو بۆ تێپەڕاندنی سزای سێ ساڵ و پێنج مانگەکەی، ڕەوانەی زیندانی قەرچەق لە شاری وەرامین کرا.

12:00

لە چوارەمین ساڵیادی شەهیدبوونی ژینا ئەمینی و دەستپێکی شۆڕشی "ژن، ژیان، ئازادی"، ڕۆژی ١٢ـی ئەیلوولی ٢٠٢٦، دوو چالاکی و خۆپیشاندانی جەماوەری لە شارەکانی کۆڵنی ئەڵمانیا و تۆرنتۆی کەنەدا بەڕێوە دەچن.

10:59

سەرچاوە پزیشکی و مەیدانییەکان ڕایانگەیاندووە کە هێزەکانی حوسییەکان کاروانێکی ئاوارەیان لە ڕێگای عەدەن کردە ئامانج، زیاتر لە ١٠٠ هاوڵاتی مەدەنی کوژراون. ژمارەیەک بریندار بۆ نەخۆشخانەکانی شارەکە گواستراونەتەوە.

10:28

ئاگرکەوتنەوەیەک کە لە ماڵێکەوە دەستیپێکرد و دوو خوێندنگەی شاری بوکاڤۆی کۆماری کۆنگۆی دیموکراتیکی گرتەوە، کارەساتێکی زۆری بەدوای خۆیدا هێنا، ٢٩ قوتابی گیانیان لەدەستداوەو ٢٥ی دیکەش بریندار بوون.

09:14

ئەو ژنانەی بەشداری ڕێپێوانە جەماوەرییەکەی شنگالیان کرد وتیان: نابێت کەس شنگال بپارێزێت جگە لە منداڵەکانمان، پێویستە عێراق بوونی ئەوان قبوڵ بکات و مافی کۆمەڵگەکەمان بدات، هێزی پاراستنی دامەزراوە و ڕێکخراوەکانمان پێویستە دانیان پێدا بنرێت.

15:55

گۆڕانی کەشوهەوا ئیتر تەنها هەڕەشە نییە بۆ سەر ژینگە و تەندروستی، ئێستا کاریگەری ڕاستەوخۆی لەسەر داهاتوو و پەروەردەی منداڵان هەیە، بەپێی هۆشدارییەکی نوێی یونیسێف، کە جەختی لەوە کردەوە، کە منداڵانی کچ قورسایی ئەم دەرئەنجامانە لە ئەستۆ دەگرن.

15:12

ئاکین گورلەک، وەزیری داد لەسەر دۆسیەی گوڵستان دۆکو لێدوانێکی دا، دەڵێت: بانگەشە لەسەر ونکردنی تەرمەکەی هەن، هەروەها ئەوەشی خستەڕوو کە لەوانەیە شوێنی تەرم چەند جارێک گۆڕابێت و بە ماددەی کیمیایی بە تەواوی لەناوبراببێت.

13:54

لە درێژەی فێستیڤاڵی فیلمی نێودەوڵەتی سلێمانی، پانێڵێک بە ناونیشانی " فێستیڤاڵە کوردییەکان و شوناس " بە ئامادەبوونی فیلمسازان لە هەرچوارپارچەی کوردستان بەڕێوەچوو.

13:15

لە ڕێپێوانێکدا، کە لە شاری قامیشلۆ بەڕێوەچوو، پەیامی “ئەو کاتژمێرانەی کە داندراون بەشی زمانەکەمان ناکەن” درا.

12:40

نێرگس حەیدەری، ڕاهێنەری لەشجوانی دوای دەستگیرکردنی لە کاتی ناڕەزایەتییەکانی ئەم دواییەی ئێران، ڕووبەڕووی سزای توند و ڕێکاری یاسایی دەبێتەوە.

11:12

زیاتر لە ٤٠٠ ژنی سودانی لە ئاهەنگی "فال ناسایی" لە شاری دنقلا کۆبوونەوە، کە تێیدا دەستپێشخەرییەکانی پشتگیریکردنی ئابووریی ژنان دەرکەوتن، لەگەڵ ئامادەبوونێکی بەرچاوی کولتووری سودانی لە ڕێگەی بازاڕی ژنان و نمایشە هونەرییەکانەوە.