ڕۆژانە

09:58

هێرشەکانی ئیسرائیل-ئەمریکا بۆ سەر ڕۆژهەڵاتی کوردستان و ئێران بەردەوامە، کە بووەتە هۆی بەرزبوونەوەی ژمارەی قوربانیانی مەدەنی و ڕاپۆرتەکان ئاشکرای دەکەن کە دەیان کەس لە هێرشەکانی سەر دامەزراوە پیشەسازییەکان کوژراون و بریندار بوون.

07:52

لە ڕۆژئاوای کوردستان کۆمینەکانی دامەزراو لە گەڕەک و گوندەکان بنەمای سیستمی خۆبەڕێوبەری دیموکراتیکن کە پێکهاتەکە ڕاستەوخۆ بەشداری تێدا دەکات.

17:05

ئەکادیمیای ئیکۆلۆژی کۆڕێکی ناساندن و بڵاوکردنەوەی بۆ پەرتوکەکانی "ئیکۆلۆژی لە کۆمەڵگەی سروشتییەوە بۆ کۆمەڵگەی مۆدێرن، کۆمەڵگەی دیموکراتیک ئیکۆلۆژی، ئیکۆلۆژی کێشەو دەرفەتەکانی چارەسەری" ئەنجامدا.

13:20

یەکێتی ڕاگەیاندنی ئازاد لە ڕۆژئاوای کوردستان، لە نێو ئەو گۆڕانکارییە سیاسییانەی کە دوای ڕووخانی ڕژێمی بەعس و وەرگرتنی دەسەڵات لەلایەن حکومەتی کاتی لە سووریادا هاتە ئاراوە، کۆمەڵێک پێشێلکاریی بەرفراوانی دژ بە ڕۆژنامەنووسان بە ژن و پیاو بەڵگەدار کرد.

13:04

لە ١٨ـەمین ساڵەی زیندانییکردنی زەینەب جەلالیاندا، نوێنەرێکی حزبی چەپی ئەڵمانیا کەفالەتی سیاسیی ئەم زیندانییە سیاسییە کوردەی گرتە ئەستۆ و ڕایگەیاند، زیندانییانی سیاسی نابێت لە بیر بکرێن.

12:52

بەئامانجگرتنی ڕۆژنامەنووسانی فەڵەستینی لە سەرەتای ساڵی ٢٠٢٦ەوە چڕتر بووەتەوەو لیژنەی ئازادییەکان لە سەندیکای ڕۆژنامەنووسانی فەڵەستین ٢٢ دەستگیرکردنی بەڵگەدار کردووە کە چوار ڕۆژنامەنووسی ژنیان تێدایە.

12:15

ڕاپۆرتێکی نوێی ئاژانسی هەواڵی هەرانا ژمارەی مرۆیی هێرشەکانی ئیسرائیل-ئەمریکی بۆ سەر رۆژهەڵاتی کوردستان و ئێران ئاشکرا دەکات و دەڵێت: لە سەرەتای دەستپێکردنی هێرشەکانەوە ١٢٩٧ هاوڵاتی مەدەنی کوژراون کە ٢٩ کەسیان ژن و ٢٠٥ منداڵن.

11:13

کۆمەڵگەی ژنانی ئازادی ڕۆژهەڵاتی کوردستان "کژار" لەپێناو زەینەب جەلالیان نامەیەکی بۆ جانسو ئۆزدەمیر، ئەندامی پەرلەمانی فیدراڵیی ئەڵمانیا نارد.

11:01

بەهۆی هێرشەکانی ئەمریکا و ئیسرائیلەوە لە شاری ئەیوان شەش ئەندامی خێزانێکی کورد کوژران.

10:48

شەڕ لە ڕۆژهەڵاتی ناوەڕاستدا هەڵدەگیرسێت و سێبەر دەخاتە سەر ژیانی کۆمەڵایەتیدا، لەگەڵ هەر شەڕێکدا، مافی ژنان و ئەو دەستکەوتانەی کە بە دەیان ساڵە لە خەباتدا بەدەستیان هێناوە، دەڕووخێن.

10:07

لە ئەنجامی هێرشی ئیسرائیل بۆ سەر بنکەیەکی تەندروستی لە شارۆچکەی بورج قەلاویە لە باشووری لوبنان، لانیکەم ١٢ کارمەندی تەندروستی کوژران.

09:43

گەلی ڕۆژهەڵاتی کوردستان و ئێران لە ڕێگەی شۆڕشە بەردەوامەکانەوە هەوڵی گۆڕینی ڕژێم دەدات، بەڵام دەستوەردان و ئەو شەڕەی ئەمریکا و ئیسرائیل بەڕێوەدەچێت، ناتوانێت دیموکراتیک بۆ گەلی ڕۆژهەڵاتی کوردستان و ئێران یان ئازادی بۆ ژنان بەدیبهێنێت.

07:41

هاوپەیمانیی هێزە سیاسییەکانی کوردستانی ئێران ڕایدەگەیەنێت، کۆمەڵگەی نێودەوڵەتی دەبێت لەهەمبەر هێرشە موشەکییەکانی کۆماری ئیسلامی بۆ سەر هەرێمی کوردستان هەڵوێستی هەبێت.

07:18

شارا عەبدولکەریم، چالاکوانی ژنان دەلێت: ژنان لە خەباتێکی گەورەدان و سەرەڕای خەبات بۆ ژن بوون و مافەکانیان، لەهەرچوارلای کوردستان خەباتی نەتەوایەتی بەرەوپێش دەبەن.

20:29

پلاتفۆرمی دیموکراتیکی نێودەوڵەتی ژنان بە ڕاگەیاندراوێک هاوخەمیی خۆی بۆ کۆچی دوایی ساڵەح موسلیم، سیاسەتمەداری کورد و ئەندامی ئەنجوومەنی هاوسەرۆکایەتیی پارتی یەکێتیی دیموکراتیک "پەیەدە" دەربڕی و ڕایگەیاند: ساڵح موسلیم سیمبوڵی نەریتی بەرخۆدان بوو.

17:50

لە سلێمانی لەلایەن کۆمیتەی ئامادەکاری نەورۆز بانگەوازی بۆ بەشداربوون لە نەورۆزی قەندیل ڕاگەیاندرا و داوا دەکەن نەورۆزی ئەمساڵ بکەنە نەورۆزی یەکێتی نەتەوەیی کورد و کۆتاییهێنان بە دیکتاتۆرییەت.

15:38

نافیە ئەسعەد، ئەندامی ماڵی ژنان دەڵێت: لە سەردەمی ڕژێمی بەعسدا ئاهەنگی نەورۆز قەدەغە بوو، لە سایەی شۆڕشی ڕۆژئاوای کوردستان بە شانازی و ئازادییەوە نەورۆز دەگێڕن.

12:30

گرووپی ئاوازی چیا، بە بۆنەی هاتنی نەورۆزی ٢٠٢٦ لە چیا ئازادەکانەوە، کلیپێکی نوێیان بە ناوی "نەورۆزی ئازادی" بڵاوکردەوە.

10:17

زەینەب عەتە کە کوردەو لە نەورۆزی ساڵی پاری بسمیلی باکووری کوردستان شاڵێکی لە خۆی پێچابوو، بە تۆمەتی "پڕوپاگەندەی ڕێکخستنی" سزای ١٠ مانگ زیندانی بەسەردا سەپێندرا.

10:03

ئایتەن دێرسیم، ئەندامی کۆردیناسیۆنی پاژک ئاماژەی بەوەدا کە پەیامی ٨ی ئاداری ڕێبەری گەلی کورد بۆ ژنان دیارییەکی بەنرخە و وتی: ڕێبەرێتی ڕۆڵی پێشەنگایەتیی ئاشتی سپاردە ژنان، جا بۆیە بەرپرسیارێتی گۆڕینی جیهان لە ئەستۆی ژنانە.