rojane

21:24

Li ser çalakiya nobetê ya ku li Wargeha Penaberan a Mexmûrê ji bo azadiya fîzîkî ya Rêberê Gelê Kurd Abdullah Ocalan hatibû destpêkirin, 1141 roj derbas bûn. Koma nû ya 219’an nobet dewr girt.

20:41

Di konferansa ku dê di 17-18’ê Cotmehê de li Stenbolê bê lidarxistin de, dê keda jinan a bê mûçe, karê malê û polîtîkayên nû yên tevgera femînîst ji aliyê pêkhateyên cûda ve bên nîqaşkirin.

19:30

Werzişvana kareteyê Şeyma El Haytî, di pêşbirka li Îtalyayê de ji Mexribê re madalyayek zêr da qezenç kirin. Ev serkeftinên li pey hev, bilindbûna werzîşên Mexribê nîşan dide û moralê dide tîma Mexribî.

18:31

Li Komara Demokratîk a Kongoyê hejmara kesên ku ji ber şewba Ebolayê mirin ji 3 hezarî derbas bû û hejmara bûyerên piştrastkirî gihişt 6 hezar û 186 kesan. Rêjeya mirinê jî derket ji sedî 48,6.

18:12

Tevî nîşanên başbûnê yên di rewşa çavkaniyên avê de jî, li hin herêmên Îranê qeyrana kêmbûna avê berdewam dike û zextên li ser çavkaniyên dabînkirina avê zêde dibin.

17:55

Hejmara kesên ku di şerê Xezayê de mirin, gihîşt 73 hezar û 470’yan. NY’ê hişyarî da ku ji ber nêzbûna demsala baranê, xirabûna pergala kanalîzasyonê û qedexeyên li ser gihandina kelûpelên bijîşkî û alîkariyên mirovî, xeteriyên tenduristiyê dê zêde bibin

17:43

Berdevkê Talîbanê, diyar kir organîzekirina xwepêşandanan “bi sîstema Îslamî re nelihevhatî ye” û ragihand ku li Efganistanê her cure xwepêşandan qedexe ne. Ev daxuyanî, piştî pejirandina qanûna nû ya "Şûrta" hat dayîn.

15:48

Li gorî raporek nû ya Bernameya Jîngehê ya NY’ê, cîhan dikare di çend salên pêşiya me de sînorê germbûna 1.5°C derbas bike. Rêxistinên avhewayê, tekez dikin ku ev ji bo Tirkiyeyê ku dê mazûvaniya COP31’ê bike, hişyariyek taybet e.

14:30

Bi boneya 4’emîn salvegera şoreşa "Jin, Jiyan, Azadî", Kampanyayê hişyarî da ku di nava şer û krîzan de komkujiyên jinan tên zêdekirin û got: "Li ser axa ku azadiya jinan tê tunekirin, tu carî pêşerojeke demokratîk nayê avakirin."

14:13

Li îdareya Raperîn a girêdayî bajarê Silêmaniye yê 10 jin ku di nav de berpirs û karmendên sazî û dezgehên hikûmetê jî hene hatine girtin. Têkildarî bûyerê heta niha hêzên ewlehiyê tu agahiyek belav nekiriye.

13:29

Însiyatîfa Gel li Qamişloyê li dijî biryara hikûmeta demkî ya Sûriyeyê ku dibêje dersa Zimanê Kurdî heftiyê tenê sê saet bê dayîn, hişyariya “Ew helwest li dijî Peymana 29’ê Çileyê ye” kir.

12:38

Çavdêriya Mafên Mirovan a Sûriyeyê di navbera destpêka vê salê û dawiya Tebaxê de li deverên cuda yên Sûriyeyê 2 hezar û 240 mirin tomar kiriye. Çavdêriyê zelal kir ku ev hejmar hezar û 503 sivîlan dihewîne.

11:55

Komelgeha Jinên Azad ên Rojhilatê Kurdistanê (KJAR), bi daxuyaniyek bernameya salvegera çaremîn a Şoreşa ‘Jin, Jiyan, Azadî’ parve kir û banga mezinkirina têkoşîna hevpar li hemû jinên azadîxwaz, rêxistin û demokratan kir.

11:10

Li girtîgeha Zahedanê çar roj in ji beşa 8’an tu agahî nayê girtin, qutbûna telefonan fikarên li ser jiyana girtiyan zêdetir dike.

11:05

Înîsiyatîfa "Çenteya Rûmetê" ku ji bo jin û keçên ku ji şewatên li bajarên Cezayîrê Jijel û Bejaia zirar dîtine hatiye destpêkirin, armanc dike ku pêdiviyên wan ên bingehîn ên paqijiyê bicîh bîne.

10:59

10:38

Werzişvanên jin ên Cezayîrî di Lîstikên Deryaya Spî yên Taranto 2026’an de, madalyayên zêr û zîv bi dest xistin û dîroka xwe ya serkeftinê dewlemend kirin.

08:20

Jin û dayîkên Koye, xwe û zarokên xwe di betlaneya havînê de bi rêya perwerdeyan bipêş dixin.

23:20

Bi pêşengiya Meclîsa Îştarê li Wargeha Mexmûrê bi meşeke meşaleyî 1’ê Îlonê Roja Aştî ya Cîhanê hat pêşwazîkirin. Di çalakiyê de hemleya nû ya bi dirûşma ‘Dem dema Îştarê ye’ hate ragihandin.

21:03

Li Paytexta Sûriyeyê Şamê saziya Star ya Pêşveçûnê çalakiyeke çandî a berfireh lidarxist. Di çalakiyê de dewlemendiya folklor, stran û mîrata Kurdî hate nîşandan. Her wiha di çalakiyê de tekezî li ser girîngiya piralîbûna çandî hat kirin.