rojane

10:32

Saziya Kesên hatine revandin û Esîrên Neteweyî, bi zorê windakirina aktivîst û akademîsyena Yemenî Eşvak Silêman eş-Şemirî ji aliyê Husiyan ve şermezar kir. Banga berdana hemû kesên hatine revandin li civaka navneteweyî û Neteweyên Yekbûyî kir.

10:29

Cîgirê Wezîrê Tenduristiyê yê Îranê, ragihand ku di xwepêşandanên li Îran û Rojhilatê Kurdistanê de 100 xwendekar jiyana xwe ji dest dane.

09:21

Di xwepêşandanên dawî yên li Îranê de, ji bo gelek xwepêşanderên birîndar bûn, rêya tadwiyê bûye ‘belgeya sûc’, nexweşxane, personelên tenduristiyê û derman jî bûne amûra zextê.

08:40

Dadgeha rejîma Îranê 7 sal û nîv cezayê girtîgehê û du sal jî qedexeya derketina derve li çalakvana mafê mirovan û xelatgira Nobelê Nêrgiz Mihemedî birî.

08:25

Li gorî daneyên saziya parastina mafên rojnamevanan a bi navê Navenda Metro, di sala 2025’an de li başûrê Kurdistanê mafên 31 rojnamevanên jin hatine binpêkirin. Rojnamevan Şino Osman got ku “Rojnamevanên jin zêdetir rastî zorî û astengiyan tên.”

07:33

Li dijî binpêkirinên mafên jinan û hemû cureyên zilmê, hevgirtina jinan veguherî dirûşmek li dijî zilm û îşkenceyê; jin bi hemû amûr û rêbazan dengê xwe bilind dikin.

07:13

Zehra El-Elî, ji pêkhateyên Ereb e, piştî naskirina fikrê Rêberê Gelê Kurd Abdullah Ocalan beşdarê nava şoreşê bûye. Zehra El-Elî dîbêje: “Ev êrîşên ku li ser herêmên me çêdibin berdewamkirina komploya 15’ê Sibatê ye û pêwist e em bi hevgirtina xwe bibin

19:00

Binpêkirinên agirbestê yên dubare li Zîvala Xezayê gefê li jiyana sivîlan, bi taybetî zarokan dixwe. Li gorî daneyên Wezareta Tenduristiyê, hejmara miriyan ji 72 hezarî derbas kiriye.

18:49

ÎSÎG’ê rapora xwe ya cînayetên kar a meha Çileyê aşkera kir û da zanîn ku herî kêm 4 zarokan, 6 jinan û 4 penaberan di cînayetên kar de jiyana xwe ji dest dane.

17:33

Çeteyên cîhadîst ên HTŞ ku li her derê dijminatiya xwe ya li hember jin dide raber kirin, li Regayê êriş birin ser peykerê jina Ereb ya li hember DAIŞ’ê şer kiribû.

16:35

Dr. Gulnaz Naraqî, ku li Tehranê winda bû, li Girtîgeha Jinan a Karçakê hatiye dîtin.

16:06

Şandeyekî ji bajarê Kobanê, bi vexwendina fermî çû Helebê û der barê bicîhanîna peymana ku di 29’ê Çileyê de di navbera Hêzên Sûriyeya Demokratîk û Rêveberiya Demkî ya Sûriyê de hatiye îmzekirin de hevdîtinek berfireh pêkanî.

15:50

Înîsyatîfa Ji Bo Zarokan Aştî, bang li rayedaran kir ku Deriyê Sînor ê Murşîdpinarê vekin. 

14:48

Bernameya "Taa Taqood" a li Iraqê hatiye destpêkirin, jinan bi jêhatiyên lîdertî, ragihandin û çîrokbêjiyê bihêz dike û mîsoger dike ku di qadên civakî û siyasî de roleke çalaktir bigrin û projeyên bixin meriyetê.

14:46

Dadgeha Temyîzê ya Îranê, biryarên dadgehê yên bi nakok û şert û mercên girtinê yên dijwar da. Ev rewş di nava rêxistinên mafên mirovan û malbatên kesên girtî de bû sedema fikarên mezin.

13:38

Du lîstikvanên jin ên Îranî, li dijî qetilkirin û girtina xwepêşandêran a li Îranê xwe ji Festîvala Fîlman a Fecir vekişandin.

11:46

Li gorî raporek nû ya UNICEF’ê, li Sûdanê karesateke mirovî ya roj bi roj xirabtir dibe tê jiyîn. Di meha Çile de herî kêm 20 zarok jiyana xwe ji dest dan û piraniya kesên jiyana xwe ji dest dan ji herêmên Kordofan û Darfûrê ye.

11:08

Nifşê nû, bi şertên heyî re lihevhatî û bi awayekî rêxistinkirin hewl dide zemîneke nû ya têkoşîna ji bo mafên xwe ava bike.

10:50

HRANA, diyar kir ku heta niha nêzî 7 hezar kes di xwepêşandanên li Îran û Rojhilatê Kurdistanê de hatine kuştin. Her wiha Tora Mafên Mirov a Kurdistanê nasnameya 222 xwepêşanderên Kurd ku bi destê hêzên rejîma Îranê hatine qetilkirin, piştrast kir.

10:37

Malbata Gulistan Doku, li ser hesabê xwe yê X’ê parvekirinek kir û got: “Piştî 6 salan faîl xwe digihîjînin me. Ji ber ku dizanin şeytan mezin dilîze. Di halê hazir de em tenê van bibêjin.”