rojane

10:53

Neteweyên Yekbûyî, ji ber zêdebûna êrîşên bi dron, kêmbûna avê û belavbûna kolerayê ya li herêma Kordofanê ya Sûdanê bi fikar e. Rêxistinên alîkariya mirovî, xebatên xwe yên li dijî nexweşiyê didomînin.

10:35

Li gorî raporên mafên mirovan, girtiyên siyasî yên li Girtîgeha Şîban a Ehwazê û Beşa Misakê ya Girtîgeha Reşt Lakanê ji pêdiviyên bingehîn bêpar in, di bin çavdêriya tund a ewlehiyê û nezelaliya qanûnî de ne.

10:24

Tevî qedexe, gef û girtinên Talîbanê, navendên perwerdehiyê yên li Bamyanê bune keleha dawî ya berxwedanê. Keçên Efgan bi fêrbûna zimanê Îngilîzî tarîtiyê diçirînin û hêviyên xwe yên serxwebûnê zindî dihêlin.

08:00

Endama Meclîsa Malbatên Şehîdan, Eyşe Efendî der barê pêvajoya Aştî û Civaka Demokratîk de teqez kir ku dewleta Tirk bi giraniyeke bi guman pêvajoyê dimeşîne û diyar kir ku ev bandoreke neynî li ser aştiyeke mayînde dike.

22:24

Çalakvanên nobeta wargeha penaberan a Mexmûrê diyar kirin ku Rêberê Gelê Kurd Abdullah Ocalan herikîna dîrokê bi têkoşîna 50 salî guhertiye.

21:07

Bi pêşengiya rojnamevanan, li Kobanê li dijî guhertina navê fermî yê bajêr meşek hat lidarxistin. Xwepêşandanan diyar kirin ku divê Hikûmeta demkî ya Sûrî navê Kobanê di hemû tomar û belgeyên fermî de bipejirîne û dawî li polîtîkayên asîmîlasyonê bîne.

20:20

Piştî ku CENTCOM’ê 90 hedefên Îranê xistin, Muhafizên Şoreşê jî bi mûşek û dronan bersiv da baregehên Emerîkayê yên li Behreyn û Kuweytê. Ev şerê dualî tirs û fikarên şerekî mezin ê li herêmê dide avakirin.

19:26

Biryara binçavkirina der barê Kejal Rahmanî, hevjinê wê û birayê wê de mehek din hate dirêj kirin. Tê îdia kirin ku Kejal Rahmanî û malbata wê ji mafên xwe yên bingehîn bêpar dimînin û ji bo wergirtina îtîrafan zext li wan tê kirin.

18:15

Bernameya Xurekê ya Cîhanî (WFP), di Rapora Ewlekariya Xurekê de diyar kir ku polîtîkayên aborî yên ku li deverên di bin kontrola Hûsiyan de tên sepandin, qeyrana mirovî ya ku gel pê re rû bi rû dimîne, girantir dike.

17:37

Dema li Komara Demokratîk a Kongo şewba Ebolayê ji nû ve belav dibe, hejmara bûyerên hatine piştrastkirî gihîşt hezar û 759’an û hejmara kesên jiyana xwe ji dest dan jî bû 600.

16:37

Aktîvîsta Yemenî Leyla el-Mektarî, diyar kir ku li qereqoleke polîsan li Hudeydayê rastî tacîzê hatiye û xwest binpêkirinên mafên mirovan ên li dijî jinan li herêmên di bin kontrola Hûsiyan de bên lêkolînkirin.

16:27

Peymangeha Hunerên Ciwan a Şehîd Cafer a li Koyê, di çarçoveya projeyek hunerî de, dest bi çêkirina wêneyan a li ser dîwarê goristana cangoriyan kiriye.

16:00

Wezareta Tenduristiyê ya Zîvala Xezayê, ragihand ku hejmara kesên ji 7’ê Cotmeha 2023’an ve di şer de jiyana xwe ji dest dan bû 73 hezar û 118. Hat ragihandin ku operasyonên leşkerî didomin û tîmên lêgerîn û rizgarkirinê nikarin bigihîjîn kavilan.

15:32

Çalakvana siyasî Fatîma (Mojgan) Tadrîsî ya ku li Girtîgeha Kaçoyî ya Kerecê dihat ragirtin, bi destûreke demkî ya 10 rojî hat berdan. Tadrîsî ji ber xebatên xwe yên sivîl bi 6 sal cezayê girtîgehê û 2 sal cezayê sirgûnê hatibû mehkûmkirin.

14:42

Di nava 26 welatiyên Bahaî yên ku li Şîrazê ji aliyê Dadgeha Îstînafê ve bangî wan hatiye kirin de 16 jin hene. Ev doz piştî pêvajoyeke hiqûqî ya 10 salan û tevî biryara beraetê, ji nû ve hat vekirin.

13:24

Li Tirkiyeyê beriya civîna Nato gelek kes dibin navê ewlehiyê de hatin girtin. Rojnamevan Buse Sogûtlû û Ceren Erdogdu, ku di 5’ê Tîrmehê de hatibûn binçavkirin piştî çar rojan bi şertê kontrola edlî hatin berdan.

13:15

Navê Kobanê nasnameya rast a bajar û xelkê wê nîşan dide û ev nav mîras, dîrok û çanda bajarê Kobanê diparêze. Jin û ciwanên Kobanê diyar kirin ku wan bi navê Kobanê çavên xwe vekirine û dê heta dawî navê bajar Kobanê be

12:50

Aloziya leşkerî ya di navbera DYE û Îranê ku di rojên dawî de zêde bûye, bi êrîşên dualî û daxuyaniyên tund ket qonaxeke nû. Geşedanên li derdora Tengava Hurmizê metirsiyên ewlehiyê li herêmî zêde dikin û fikar hene ku şer li Rojhilata Navîn berfireh bibe

11:43

Li Îranê tevî ku di ser êrîşa li ser wargeha zanîngehê de 27 sal derbas bûye jî, 9'ê Tîrmehê mîna sembola tepeserkirina xwepêşandanên xwendekaran û destpêka qonaxek nû ya pevçûnê di navbera hikûmet û daxwazên azadiyê de tê hesibandin.

11:00

Li Îranê kêmbûna çavkaniyên avê yên ku nû dibin, encama bi salan paşguhkirinê û rêveberiya bêbandor a çavkaniyên xwezayî ye. Ev krîz niha sînorên jîngehê derbas dike û gefê li ewlehiya xwarinê, koçberî û pêşeroja civakî ya welat dixwe.