rojane

15:47

Li gorî daneyên SOHR'ê, di meha Tebaxê de ji ber belavbûna çekan 49 bûyerên kuştinê pêk hatine ku di encamê de 42 mêr, 5 jin û 5 zarok bûne hedef û mirine.

14:00

Girtîgeha Îranşehrê jî tevlî kampanyaya "Ji cezayê darvekirinê re na" bû. Kampanya ku di hefteya 136'an de li 62 girtîgehan belav bûye, ragihand ku di navbera 23-29'ê Tebaxê de 2 jê jin, herî kêm 32 kes hatine darvekirin.

13:05

Zarok û ciwanên Hesekê li dijî kêmkirina demjimêrên perwerdeya bi zimanê dayîkê derketin, diyar kirin ku zimanê wan nasnameya wan e û gotin: "Me bi Kurdî xwendiye û em ê bi Kurdî xwendina xwe bidomînin.”

12:40

Stranbêj, bestekar û lêkolînera muzîka kevneşopî Sîma Bîna ji bo girtina 16'emîn Xelata Hunerên Îranî ya salane li Zanîngeha Stanfordê, hatiye pejirandin.

12:30

Bajarê Suweydayê bi tevlêbûna temaşevanên mezin, 9’emîn Mîhrîcana Kurtefîlman da destpêkirin. Armanca mîhrîcanê ew e ku piştgiriyê bide jêhatiyên ciwanan û rola sînemaya serbixwe di çareserkirina pirsgirêkên civakî de xurt bike.

12:20

Desteya Giştî ya Neteweyên Yekbûyî bi armanca bal kişandina ser têkoşîn û hewildanên jinên ku li xizmên xwe yên winda digerin, 19’ê Kanûnê wek roja navneteweyî îlan kir.

11:56

Li gel destpêkirina nîşandana namzedan a ji bo hilbijartinên 23'ê Îlonê, Komeleya Pêşbaziya Wekhevî û Hemwelatîbûnê eşkere kir ku ji 92 navçeyan li 60’an jin di serlîsteyan de nîn in. Komele ji bo misogerkirina wekheviyê bang li partiyên siyasî kir.

11:34

KJAR’ê got: “Şoreşa ‘Jin, Jiyan, Azadî’, di dîroka têkoşînên gelên Îranê de şoreşeke hizrî, fikrî û nûjeniyek rast e. Jinên tekoşer û azadîxwazên Îranê ev çar sal in bê rawestan têdikoşin û ev têkoşîn berdewam e.”

10:57

Kovara Newaya Jinê di hejmara xwe ya Îlonê de bi sernaveke bi bandor derket pêşberî xwendevanên xwe. Kovara ku di vê hejmara xwe de cihekî berfireh dide têkoşîna azadiya jinan, pêvajoya aştî, civaka demokratîk, jineolojî, ekolojî û polîtîkayên şerê taybet

10:09

Li dijî sînorkirina zimanê Kurdî ya di perwerdehiyê de, Koordînasyona Komalên Jinên Kurdistanê (KJK) bang li gelê Rojava û bi taybetî li jinan kir ku destkeftiyên Şoreşa Rojava biparêzin û destûrê nedin tu ferzkirinên asîmîlasyonê.

08:47

Daxuyaniyên waliyê berê yê Bamyanê Abdullah Serhadî ku bi hilweşandina peykerên Bûda serbilind e û li jinan heqaretê dike, careke din rûyê rast ê Talîbanê da xuyakirin. Çalakvanên mafên jinan destnîşan kirin ku ev zihniyet nîşaneya nefret û nezaniyê ye.

20:07

Mayînên li herêmên cuda yên Sûriyeyê, dibe sedema mirina sivîlan. Herî dawî di teqîna mayînekî ya li gundewarê Dêrazorê de 3 zarok û jinek di nav de 8 kesan jiyana xwe ji dest dan.

19:07

Endama Fermandariya YPJ’ê Newroz Ehmed, bersiv da pirsên edîtora me Avrîn Navdar û hevdîtina li Şamê û rojeva entegrasyona YPJ’ê nirxand. Hevpeyvîn wê sibê were weşandin.

17:56

Belavbûna Ebolayê ya li Komara Demokratîk a Kongoyê veguherî şewba herî mezin û giran a dîroka welat. Bi gihiştina 6 hezar û 41 bûyerên piştrastkirî re, hejmara miriyan derket 2 hezar û 911’an.

16:02

Ji deh kesên ku di operasyona dawî ya lêpirsîna Gulistan Doku de hatin binçavkirin, polîsê binavger Gurkan Gurdal ê sewqî dadgehê hatibû kirin, hate girtin. Her wiha du polîsên binavger jî bi şertê kontrola edlî hatin berdan.

15:32

Li 5 parêzgehên Cezayîrê bi dehan hezar hektar zevî û daristan bûn xwelî; 123 şewat derketin û 73 kesan jiyana xwe ji dest dan. Dema ku xebatên kontrolkirinê bi dawî dibin, pirsên li ser sedemên "gumanbar" ên şewatan hêj bersivê dixwazin.

13:28

Li gel biryara cezayê darvekirinê ya li dijî 10 çalakvanan, raporên mafên mirovan balê dikişînin ser binpêkirinên giran ên di pêvajoya darizandinê de. Her wiha di dosyayê de sînorkirinên li ser parêzeran û îdiayên îşkenceyê hene.

13:20

Li dijî biryara hikumeta demkî ku li dibistanan hefteyê sê caran dersa bi zimanê Kurdî were dayîn, wendekar û mamosteyên Zanîngeha Rojava daxuyaniyek dan.

12:00

Komeleya Mezûnên Filistînî bi beşdariya 22 hunermendên jin pêşangeheke hunerî bi navê "Firçeya Aştiyê" li dar xist. Di pêşangehê de 30 tablo hatin pêşandan ku tê de serpêhatî, hest û perspektîfên xwe yên derbarê jiyanê de bi rêya hunerê parve kirin.

11:45

Li gel êrîşên hewayî yên DYE’yê li dijî Îranê, li gelek welatên Rojhilata Navîn ji nû ve êrîşan dest pê kir. Fermandariya Navendî ya DYE’yê ragihand ku du amûrên fuzeyan ên Îranê li Girava Larak li Tengava Hurmuzê hedef girtine.