rojane

09:30

Li Wanê, kesên ku 15 sal berê di erdhejê de asê mabûn, hîn jî di konteyneran de dijîn. Ji ber ku debara wan nabe, di xaniyên ku banên wan dilop dikin de pirsgirêkên av û elektrîkê dijîn.

07:36

Zeyneba ku di 6 saliya xwe de roniya çavê xwe ji dest da, dest bi rêwîtiyek pîroz kir û niha jî astengdarên dîtinê di aliyê teknolojiyê de perwerde dike.

07:20

Endama Komîna Şehîd Remzî ya li Qamîşloyê Armanc Muhammed, balkişand ser girîngiya komînan û got “Komîn di her kêliyê de ji bo her rewşek awarte an xetereyek ku dikare ewlehiya herêmê û ewlehiya niştecihên wê tehdît bike, bi tevahî amade ye.”

21:28

Neteweyên Yekbûyî banga veberhênana domdar û hevrêz a cîhanî ji bo jiholêrakirina sinetkirina jinan (FGM) kiriye, û tekez kiriye ku her dolarê ku tê veberhênan vegera deh qat zêde dike û bi mîlyonan zaroken keç û jinên ciwan ji zirarê rizgar dike.

15:10

Rêveberiya Kobanê ku bi şandeyek ji Walîtiya Helebê re civiya, diyar kir ku wan ji vegerê bigre heya ewlehiyê gelek mijar nîqaş kirine.

14:56

Tevî agirbesta ku di nîvê sala borî de hatibû ragihandin jî, deverên bicihbûnê yên li bakurê rojavayê bajêr, ji aliyê çeteyên Heyet Tehrîr el-Şam ve bi topên hewanê û çekên giran hatin hedefgirtin.

14:49

Xwendekarên bajarê Şîraz û Tebrîze ya Îranê, qetlîam û zextên rejîma Îranê ya li dijî kedkarên tenduristiye protesto dikin. Çalakiya rûniştinê ya li Zanîngeha Zanistên Tipê ya Şîrazê di roja 5’emîn de ye.

14:37

Pevçûnên dodmar û bêçareseriya siyasî, rewşa mirovî ya li Sûdanê girantir dike. Li welat 21 milyon kes bi bêewlehiya xurekê ya giran re rû bi rû ne.

13:53

Piştî girtina du parêzarên li Tehran û Bandar Abbasê, hejmara parêzerên ku niha li Îranê girtî an jî binçavkirî ne, bû 15. Di heman demê de hinek parêzer bi kefaletê hatin berdan û hinek jî hêj tên darizandin.

13:38

Li Cezayîrê qetlîamên jin û zarokên keç ên di nava malê de tên jiyîn, raya giştî dihêjine. Dozên dawî, nebûna mekanîzmayên parastina hiqûqî û berpirsyariya siyasî ya di rewakirina tundiya nava malê de ji nû ve anî rojevê.

13:10

TJA'yê bi boneya sala 3’yemîn a erdhejên 6’ê Sibatê daxuyaniyek da, diyar kir ku pêvajoyên avakirinê bêyî berçavgirtina pêdiviyên jin û zarokan tên meşandin û wiha pirsî: “Çima mirov hîn jî neçar in ku di şert û mercên xanîyên nexweş û demkî de bijîn?”

12:35

Li gorî rapora HRANA’yê, li seranserê Îranê 6 hezar û 495 kes hatin qetilkirin. Li gorî raporê 171 zarok hatin qetilkirin. Çavkaniyên herêmî jî, diyar kirin ku zarok li dibistanan tên binçavkirin.

12:04

Li Xezayê tevî peymana agirbestê jî, hêzên Îsraîlê bombebaran û hilweşandina malên sivîlan didomîne. Ev yek ji bilî mirin û birîndarbûnê, dibe sedema koçberbûna malbatan û qeyranek mirovî ya tevgerên Filistîniyan a li deriyê sînor ê Refahê sînordar dike.

11:59

Jinên Sûdanê yên Dongola ya Eyaleta Bakur, ji bo nîqaşkirina rolên xwe yên piştî şer, li hev civiyan. Jinan, berxwedan, xurtkirina aborî û parastina keçan tekez kirin û xwestekên xwe yên ji bo pêşengiya pêvajoya ji nû ve avakirin û pêşketinê anîn ziman.

09:33

Bazirganiya bi zarok û jinan di tarîtiya cîhana sermeyader de di van rojan de li Girava Epsteîn tê bihîstin ku bi dirêjahiya salên borî bi hezaran jin û zarok tê de rastî destdirêjiyê hatine û piştre hatine kuştin.

08:27

Jêkirina keziya şervaneke jin, tenê êrîşeke şexsî nîn e; divê mirov vê yekê awayê tundiya ku nasnameya jinan, rûmet û bîra kolektîf hedef digre binirxîne.

07:43

“Radyoya Dengê Qudusê” li bajarê Xezayê ji nû ve dest bi weşanê kir. Radyo bi weşana xwe meydan ji hilweşîn û xeteran re dixwîne, piştî agirbestê, bû yekem radyoya ku dest bi weşanê kir û nîşan da ku çapemeniya Filistînê tu car bêdeng nabe.

07:26

Di nava şer û dorpêça heyî de jinên li bajarê Kobanê, Heleb û Efganistanê, barê herî giran ê ku ji ber krîzê çêbûye girtine ser milên xwe. Berxwedana wan li dijî bêdengiya cîhanî bûye wêneyê îrade û berxwedanê.

07:17

Zelîha Agirbaş a ku dayîka werzîşvan Mehmet Agirbaş ê di erdheja 6’ê Sibata 2023’an de di otela Kirçuval a Meletî de mir, ev 3 sal in lêgerîna edaletê didomîne û dipirse “Ma dewlet divê mafên min neparêze?.”

07:01

Jina Êzidî Berfîn a ku di fermana 2014’an de ji aliyê çeteyên DAIŞ’ê ve ji Şengalê hatibû revandin û piştre hat rizgarkirin, da zanîn ku ji ber anîna DAIŞ’iyan a Iraqê bi fikar in û got: “Em ditirsin ku tiştên me berê dîtin, dîsa bibînin.”