rojane

19:33

Tomareke deng ya xwendekara girtî Parîsa Kamalî ku ji girtîgehê derketiye, li ser tora dijîtal deng veda. Kamalî di peyama xwe de bi tundî pergala dadweriyê û miameleyên li dijî xwepêşanderan rexne dike û balê dikişîne ser zêdebûna cezayên darvekirinê.

15:50

UNICEF’ê raporek weşand û ragihand ku li Sûdanê zarok bi “qirkirina bêdeng” re rûbirû ne. Her wiha bang li aliyên pêwendîdar kir ku zarok û sivîl werin parastin.

15:28

Li Komara Demokratîk a Kongoyê, vîrûsa Ebolayê ya cureyê “Bundibugyo” ji kontrolê derdikeve. Hejmara pêketiyan ji hezar û nîvî borî û Rêxistina Tenduristiyê ya Cîhanî (WHO) ji bo vî cureyê bêderzî dest bi ceribandinên klînîkî kir.

14:24

Li parêzgeha Xuzîstanê ya Îranê, çalakiya rûniştinê ya aştiyane ya ciwanên bêkar ku daxwaza mafê xwe yê kar dikirin, bi destwerdana tund a hêzên ewlehiyê û girtina komek xwepêşanderan bi dawî bû.

13:23

Karsaza Kurd Nevîn Îl ku ji bo karsazên jin xebatên gelek girîng meşand, vê sibê ji ber nexweşîna giran koça dawî kir.

12:50

FÎSA’yê rapora xwe ya “Binpêkirinên Mafê Jiyanê ya Zarokan li Tirkiyeyê” ya Çile-Gulana 2026’an weşand. Li gorî raporê, di nava 5 mehan de herî kêm 303 zarok mirine û bajarê ku herî zêde mirina zarokan lê çêbûye, Riha ye.

12:34

Yekîtiya Çalakvanên Mafên Mirovan vexwendina şandeya Talîbanê ji bo merasîma dîplomatîk şermezar kir û hişyarî da ku dayîna statuya fermî tê wateya paşguhkirina zextên sîstematîk û rewakirina binpêkirina mafên mirovan.

11:39

Malbata aktivîsta mafê karkeran Şerîfe Mihemedî di şertên giran de ye û diya wê li nexweşxaneyê ye; tevî vê yekê piştî bidawîbûna betlaneya wê dîsa sewqî Girtîgeha Reşt Lakanê hat kirin.

11:14

Zexta Talîbanê li ser jinan zêde dibe. Talîban bi îdiaya ‘li gorî quralên nixumandinê tevnegeriyane’ li Heratê 5 jin binçav kir.

10:55

Meclîsa Jinan a DEM Partiyê diyar kir ku tu civîna ewlehiyê nakeve pêşiya daxwaza gelan a ji bo azadî, wekhevî û aştiyê û wiha hat gotin: “Divê jinên bûne hedefa şer û tundiyê bên parastin, ne ewlehiya civîna bilind a NATO'yê.”

10:50

Mamosteyên jin ên Êzidî di perwerdeya 7 rojî de derheqê komîn û jineolojiyê de perwerde dîtin. Mamosteyan anîn ziman ku ew ê pêşî xwe, piştre zarokan perwerde bikin.

10:15

Gelê Xezayê bi wêrankirina torên avê, kanalîzasyon û rawestandina alîkariya lezgîn a navneteweyî re, bi tabloyeke xeternak ku rewşa tenduristiyê xirabtir dike û nexweşiyên ji avê çêdibin re re rû bi rû ye.

08:45

Li Efganistanê, zêdebûna girtina jinan bi tohmeta ‘serpoşa ne guncaw’ tirs û fikar di nav jin, zarokên keç û malbatên wan de belav kiriye, bandor li jiyana wan a rojane kiriye.

08:00

Edîtora Kovara Afaq Al-Mara Samiya Kurdî got divê qonaxa krîtîk a dîroka Sûriyeyê de, divê dengê jinan were bilindkirin û bê bihîstin, ji ber medyaya fermî têra xwe cih nade jinan ku fikarên xwe bînin ziman, divê ew serî li medyaya civakî bidin.

21:00

Çavdêriya Sûriyeyê ya Mafên Mirovan raporek weşand û ragihand ku ji dawiya sala 2024’an û vir ve, ji ber teqîna bermahiyên şer 886 sivîl hatine kuştin ku di nav wan de 283 zarok û 55 jin hene.

19:58

Midûra Karên Nivîsê ya Rojnameya Azadiya Welat Berfîn Ay li navçeya Cizîrê ya Şirnexê hat binçavkirin û ew sewqî Midûriyeta Emniyetê ya Bajêr kirin.

17:18

Li Silêmaniyê xwendekarên pola 12’emîn, ji ber xeletî û pirsên derveyî mufredatê yên di îmtîhana navendî de, li ber Rêveberiya Perwerdehiyê çalakiyek li dar xistin. Xwendekaran daxwaza telafîkirina puanên xwe yên windabûyî kirin.

16:42

Li herêma Mezrûb a ser bi Kordofana Rojavayê Sûdanê, ji ber hilweşîna pergala tenduristiyê şewba kolerayê ji kontrolê derdikeve. Sendîkaya Bijîşkên Sûdanê hişyariyeke lezgîn da û ragihand ku nexweşxane ji kapasîteya xwe zêdetir nexweşan qebûl dikin.

16:29

Şaxa 15’emîn a Dadgeha Şoreşê ya Tehranê, cezayê darvekirinê da Mahnaz Çardolî û destgirtiyê wê û Arefe Nazer jî mehkûmê 10 sal cezayên girtîgehê kir.

15:51

Li seranserê bajarên Başûrê Kurdistanê zext û tundiya sîstematîk li ser jinan her roj zêdetir dibe. Li gorî daneyên ku hatine komkirin, di nava 6 mehên destpêka salê de 27 jin hatin kuştin û fikar hene ku ev rêje bilindtir bibe.