rojane

15:32

Jinan di forûma diyalogê ya li bajarê Qamişloyê hat lidarxistin de, bal kişandin ser rola bingehîn a jinan di parastina civakî û xurtkirina nirxên edalet û wekheviyê de.

15:15

Li gorî rapora nû ya mafên mirovan, binpêkirinên mafên girtiyan li girtîgeha Dastgerd a li Esfehanê berdewam dikin. Îdiayên îşkence, bêparhiştina mafên bingehîn û mirina hinek girtiyan ji ber îşkenceyê di raporê de hene.

14:31

Hevseroka Giştî ya DBP’ê Çîdem Kiliçgun Ûçar li Semsûrê bi nûnerên saziyên civakî, rûspî û keyayan re di bernameya taştê de civiya û diyar kir ku ew dixwazin hemû nasnameyên cuda li ser vê axê bi hev re di nava aştî û demokrasiyê de bijîn.

14:18

Rêxistina ‘Îrade’ li Cenevreyê bi raporek eşkere kir ku ji sala 2014’an ve li Yemenê 752 dozên windakirina bi darê zorê di girtîgehên Hûsiyan de hatine belgekirin ku 237 ji wan zarokên biçûk in.

13:38

Komeleya Rojnamegerên Jin a Mezopotamyayê rapora meha Hezîranê weşand. MKG’ê tekez kir ku rojnamegerî ne sûc e û destnîşan kir ku misogerkirina azadiya çapemenî û derbirînê şertek bingehîn ê civakek demokratîk e.

13:01

Hejmara 175’an a Kovara Jinê bi berga ‘Avakirina Paşerojeke Demokratîk!’ derket pêşberî xwendevanên xwe.

12:49

Serokê Enstîtuya Avê li Zanîngeha Tehranê ragihand ku di çavkaniyên avê yên Îranê de 17 milyar metrekup kêmbûn çêbûye û hişyarî da ku krîza avê ya her ku diçe girantir dibe, ji her demê bêhtir zextê li çavkaniyên ava welat dike.

12:31

Koçberên Serêkaniyê li pêşiya avahiya Parêzgeha Hesekê çalakiyeke protestoyî li dar xistin û daxwaza bicihanîna bendên peymana29’ê Çileyê kirin. Koçberên ku di şert û mercên giran ên kampan de dijîn, diyar kirin ku ew vegerek bi ewle û bi rûmet dixwazin.

12:16

Li bajarê Peşawer ê Pakistanê, hejmarek ji jinên penaber ên Efganîstanê yên xwediyên dosyayên P1 û P2 li dijî biryara dersînorkirina bi zorê çalakiyeke protestoyî li dar xistin. Jinan diyar kirin ku bi vegerê re jiyana wan rasterast di bin gefan de ye.

11:44

Rapora meha Gulan û Hezîrana 2026’an a li ser rewşa Efganistanê nîşan dide ku di bin desthilatdariya Talîbanê de, tundî û kuştina jinan her diçe zêde dibe. Tawanbar ji ber pergala heyî nayên cezakirin û bûyer veşartî dimînin.

11:23

155 roj di ser girtina Şakîla Qasimî li Kirmanê derbas bûn û welatiya Behayî bêyî tu sûc an biryara dadgehê di girtîgehê de tê girtin.

10:41

Hezar û 747 roj in keçên Efgan ji perwerdeya fermî bêpar in, însiyetîfa “Şefeq” ku ji aliyê Safiye Nab ve hatiye destpêkirin tevî zextên Talîbanê li parêzgehên cuda deriyên perwerdeya virtual û hunerên jiyanê ji bo keçan vedike.

10:16

Li şaredariya El Aş a Cezayîrê, mêrekî hevjîna xwe ya 20 salî ku ducanî bû bi hovîtî qetil kir û piştre hewl da xwe bikuje. Ev bûyera kuştina jina ciwan, di nav gel de bû sedema şok û şermezarkirineke mezin.

10:05

Li gorî daneyan, li herêma Kurdistanê rêjeya hevberdanê zêde dibe, jin û zarok zêdetir zirarê jê dibînin. Parêzer Rêzan Şêx Dilêr têkildarî mijarê got: “Zewaca di temenê biçûk de sedema zêdebûna rêjeya hevberdanê ye.”

09:21

Dayîka Behiye ji bo du çarçoveyên vala yên li hewşa xwe wiha gotibû: “Di dema serdegirtinan de zirar didan wêneyên zarokên min, min jî çarçoveyan daneleqand, wêneyan veşart.”

21:39

Çalakgerên Nobetê ya wargeha penaberan a Mexmûrê diyar kirin ku dewleta Tirk gavên pratîkî neavêtiye û tekez kirin ku ew ê heta azadiya fîzîkî ya Rêberê Gelê Kurd Abdullah Ocalan ranewestin û çalakiyên xwe bidomînin.

20:28

Xizmên Windayan û ÎHD’ê, di çalakiyên xwe yên li çar bajaran de daxwaza eşkerekirina çarenûsa Vedat Aydin, Haci Mihci û Îkram Mîhyaz û darizandina berpirsyaran kirin.

20:03

Li gorî hişyariyên Neteweyên Yekbûyî (NY), li herêma Kordofanê qeyrana mirovî kûrtir dibe. Li gorî daneyan nêzî milyonek kes ji cih û warên xwe bûne û îdiayên binpêkirinên giran û wehşetên li dijî sivîlan di rojevê de ne.

19:02

Buhayên bilind, kalîteya kêm û zêdebûna xercên telefonê yên li kantînên girtîgehên Îranê, barê aborî yê li ser girtî û malbatên wan girantir dike.

15:58

Yek ji navên herî bibandor ên wêjeya Farisî, nivîskar û wergervan Şehrnûş Parsîpûr ku bi berhemên xwe yên li ser têkoşîn û azadiya jinan dihat naskirin, li Emrîkayê di 79 saliya xwe de çû ser dilovaniya xwe.