rojane

15:51

Xizmên windayan û parêzvanên mafên mirovan ên li Amed, Êlih û Colemêrgê li hev civiyan, xwestin aqûbeta kesên di binçavan de hatine windakirin û kesên di cînayetên kiryar nediyar de jiyana xwe ji dest dane bê eşkerekirin û berpirsyar bên darizandin.

15:37

Hevseroka Giştî ya DEM Partiyê Tulay Hatîmogullari diyar kir ku di salekê de gavên pêwîst nehatin avêtin û wiha got: “Divê qanûna çarçoveyê di vê mehê de derbikeve. Her wiha divê ev qanûn weke ku hatiye muzakerekirin bê çêkirin û neyê kategorîzekirin.”

15:21

Li Komara Demokratîk a Kongoyê ebola belav dibe. Li gorî daneyên dawî, hejmara pêketiyan hezar û 830 kes e û 648 kes mirine. WHO’yê hişyarî da ku ji ber 'Bundibugyo' ya bêderman dibe ku krîz 4 qat girantir be.

15:08

Dayîkên Şemiyê, bi daxwaza winda werin dîtin, kujer bên darizandin, cara hezar û 111'emîn li Qada Galatasarayê kombûn. Malbatan, daxwaza eşkerekirina heqîqetê dubare kirin.

14:41

Înisiyatîfa Jinan a "Pêdiviya Min bi Aştiyê Heye", li pêşiya Meclîsê daxuyaniyeke girseyî da. Jinan bal kişand ser rapora komîsyona meclîsê ya ku "navê jinê tê de tune ye" û daxwaza çareseriya pirsgirêka Kurd kirin.

13:34

Rejîma Îranê tirs û zextên xwe yên li ser jinên çalakger û hunermend zêdetir dike. Lîstikvana navdar Elnaz Şakirdost ji ber şîna kuştiyan girt ji aliyê Dadgeha Şoreşê ve bangî wê hat kirin;cezayê girtîgehê yê aktîvîsta sivîl Sîma Mezleqanî jî hat erêkirin

12:58

Çalakiya bi navê “Toon Balad” a di salvegera komkujiyên Suweydayê de hat lidarxistin, hevgirtina jinan a bi riya huner û hilberînê nîşan da. Jinan bal kişand ku huner li dijî travma û avakirina jiyana civakî navgîneke girîng e.

12:19

Zarokên ku divê bi lîstin û ezmûnan mezin bibin, li ser hin platformên dîjîtal veguherîne amûrên hilberîna naverokê û qezenckirina dahatê. Ev diyardeya xeternak bi gotina "Kîdfluenser."

11:57

Rêxistina Tenduristiyê ya Cîhanê (WHO) li Sûdanê piştî piştrastkirina zêdetirî hezar û 330 bûyeran û tomarkirina 114 mirin, di mijara xirabbûna şewba kolera de hişyarî da.

10:12

Li gorî agahiyên ajansa JINNEWS’ê, di lêkolînên li ser belgeyên li navenda lênêrînê hatiye kirin de di lênûskên kutukê de, daneyên ku 29 kesî li navendê jiyana xwe ji dest dane cih digirin.

09:36

Gelê Kurd ji bo aştiyê têkoşiyaye lê di dema êrîşan de ji bo parastina xaka xwe şer kiriye. Salek berê li Şikefta Caseneyê bi pêvajoya ji aliyê Rêberê Gelê Kurd Abdullah Ocalan ve hat destpêkirin dîrok hat nivîsandin.

20:39

Rêxistina Tenduristiyê ya Cîhanê (WHO) hişyarî da ku ji ber şer, koçberî û werza baranê, nexweşiya kolerayê li Sûdanê bi lez belav dibe û rêjeya mirinê gihîştiye ji sedî 13.7. NY’yê hişyarî da ku metirsî heye ku bajarê El-Ebyad bibe mîna El-Faşêr.

18:51

Komîteya Mafên Jinan û Wekheviya Zayendî (FEMM) ya Parlamentoya Ewropayê (PE) raporek amade kir; tê de artêşa Tirkiyeyê bi destdirêjiya zayendî û binpêkirinên berfireh ên li dijî jinên Qibrisî yên di dema şer de tawanbar kir.

18:26

Ji ber kêmkirina alîkariyên darayî yên navdewletî, rêxistinên jinan ên li herêmên krîz û şer di bin zextên mezin de ne. UN Women hişyarî da ku ji ber vê krîzê, di nav salekê de ji her 5 rêxistinan 2 dê bên girtin; ev yek dê bibe sedema krîz û hejariyê.

16:30

Li Tunisê mezûnên temenmezin li dijî pîvanên nû yên kar derketin. Jinên ku 16 sal in bêkar in, guhertina pergala wergirtina karmendan wekî "binpêkirina wekheviyê" bi nav dikin.

16:06

Daxuyaniya aktîvîsta Yemenî Leyla el-Mektarî ya li navendek polîsan rastî tacîzê hat, bû sedema bertekên mezin. Rêxistinên mafên mirovan û nûnerên civaka sivîl, daxwaza lêpirsînek zelal û parastina jinan kirin.

14:25

Berdevka Meclisa Jinan a DEM Partiyê Halîde Turkoglu bal kişand ser tecrîda li ser Rêberê Gelê Kurd Abdullah Ocalan, lûtkeya NATO'yê û binpêkirinên mafan ên li girtîgehan û got: "Herî zêde jin ji şer bandor dibin. Divê dewlet ji bo aştiyê gavan biaveje."

13:35

Komxebata şêwirmendiyê ya li bajarê Taîzê tekezî li ser xurtkirina kapasîteya jinan, veqetandina budçeyên taybet û rakirina astengiyên ku rê li ber serokatiya jinan digirin, kir.

12:40

Tora Belgeyên Mafên Mirovan a Belûcistanê ragihand ku jina bi navê Pervîn Sepahî di encama êrîşên leşkerî yên li ser bajarê Çabaharê û teqîna cebilxaneyên li taxa Canglukê jiyana xwe ji dest daye.

12:05

Li Komara Demokratîk a Kongoyê, hejmara bûyerên hatine piştrastkirn gihîşt hezar û 792’an û hejmara kesên jiyana xwe ji dest dan bû 625. Bi vê hejmarê re fikarên belavbûna şewbê li herême jî din zêde bûn.