rojane

10:58

Jinên hunermend bi rêya pêşangeheke hunerên dîtbarî li Nexweşxaneya Suweydayê, binpêkirinên Tîrmeha 2025’an bi bîr anîn. Vê çalakiyê bi rêya hunerê dengê rastiyê bilind kir û peyama zindîhiştina bîra kolektîf da.

09:55

Paşveçûna mafên jinan li Tûnisê û hewldanên hêzên paşverû yên ji bo hilweşandina Statuya Rewşa Kesane, rasterast xistina stûna dewleta modern û şaristaniya Tûnisê ye.

08:21

Dewleta Tirk û komên pê re di 2018'an de demografiya Efrînê guhertin, lê gel dest ji axa xwe berneda. Koçberên vedigerin daxwaza ewlehiyê, girtina milkên xwe û darizandina berpirsan dikin.

21:28

Dadgeha Amedê hinceta cezayê 19 sal û 6 meh girtîgehê yê li ser berdevka berê ya TJA’yê Ayşe Gokkan aşkere kir. Di biryarê de xebatên jinan, daxwazên ji bo zimanê Kurdî û daxuyaniyên li dijî tecrîdê wekî "hêmanên sûc" hatin nîşandan.

20:55

Şampiyona Lîgaya Sûriyeyê, tîma futbolê ya jinan a El-Hîlal a Qamişloyê, wek nûnera Sûriyeyê berê xwe dide Şampiyoniya Rojavayê Asyayê ya li Urdunê; tîm sibe ji bo amadekariyan ber bi Şamê ve bi rê dikeve.

20:30

Piştî ku parêzera Misrî Loua Xelef ji ber giliyê cudakariyê hat dûrxistin, rêxistinên jinan nerazîbûn nîşandan. Saziyan diyar kir ku Baro hêza dîsîplînê wekî amûra çewisandina jinan bi kar tîne.

16:45

Gulistan Kiliç Koçyîgît ragihand ku pêşnûmeya qanûnê dê pêşkêşî şandeya Îmraliyê were kirin û got: "Aktorê sereke Birêz Ocalan e, divê statu û şertên wî bi qanûnan werin mîsogerkirin. Êdî ne taloqkirin, gav avêtin pêwîst e."

16:11

Biryara baroyê ya ji bo rawestandina pîşeya parêzer Loua Khalaf, ji ber sedema lixwenekirina serpoşê û şêwazê jiyana wê, ji aliyê parêzvanên mafên mirovan ve wekî binpêkirina azadiya ramanê hat nirxandin.

15:16

KCDP diyar kir ku di şeş mehên destpêka salê de 150’î jin hatine kuştin û destnîşan kir ku li ser dozên mirinên bi guman bi lez tên girtin.

14:15

Çavdêriya Mafên Mirovan a Efganistanê bang li civaka navneteweyî û rêxistinên mafên mirovî kir ku piştgiriya jin û keçên Efganistanê bikin. Tekez kir ku mafê perwerdeyê yê keçan ji aliyê tu kes û rêveberiyê ve nayê astengkirin.

13:19

Şanda Îmraliyê ya Partiya DEM’ê ji bo nîqaşkirina qanûna çarçove û amadekariyên nû yên yasayî, roja Çarşemê bi Serokê Meclîsê Numan Kurtulmuş û Efkan Ala re dicive. Li aliyê din, tê payîn ku şande di demeke nêz de serdana Îmraliyê jî bike.

12:27

Li Sûriyeyê, her çiqas tê gotin ku şerê çekdarî kêm bûye jî, pêleke nû û berfireh a tundiya li dijî jinan derketiye holê. Li gorî daneyên SOHR’ê, di nîvê ê salê de herî kêm 48 jin di encama nakokiyên malbatî, sûc û êrîşên mezhebî de hatine kuştin.

12:01

Ji Nexweşxaneya Îmam Elî ya Çabaharê dîmenên têkçûyîna pergala tenduristiyê. Nexweşên ku di nav germahî û bêderfetiyê de ne li bende xelasiyê ne. Nexweş li şûna dermanan bi gemarî û kavilan re rû bi rû mane.

10:53

Rêxistina Efûyê ya Navneteweyî bi raporekê eşkere kir ku Îsraîl li Şerîaya Rojava, bi taybetî li Herêma (C), polîtîkayeke pergalî ya guhartina demografîk û paqijkirina nijadî li dijî civakên bedewî û şivanan dimeşîne.

10:27

Li parêzgeha Sîstan û Belûcistanê, ji ber bahoza tozê ya ku 120 roj in berdewam dike jiyan li welatiyan hatiye astengkirin. Tevî xetereyên mezin ên tenduristiyê û kêmbûna dîtinê, negirtina ofîs û navendên perwerdehiyê bû sedema nerazîbûna tund.

09:27

Li Başûrê Kurdistanê li tevahî dezgehên medyayê de zihniyeta zilamsalar serdest e. Lewra ev yek bi xwe re zayendperestiyek pir hişk tîne. Rojnamevan Hawjîn Şiwane got ku divê mijara cudakariya zayendî ji kokê ve were çareserkirin.

09:10

Îlham Kerîmî vegotina rastiya meha Çileyê dike. Îlham dibêje ku li hemberî hovîtiya rejîma ku cenaze bi kamyonan kom dikirin, jinan li çeperên herî pêş bersiv da; bi serpoşên xwe jiyana birîndaran xilas kirin û bûn dengê berxwedana Îranê.

08:35

Aktivîsta Platforma 'Şiyar Be' Rûken Kiliç anî ziman ku li Kurdistanê bikaranîna madeyên hişbir zêde bûye û got: "Hişbir amûreke polîtîkayên şerê taybet e. Neynika polîtîkayên şerê taybet û polîtîkayên ewlehîparêz e."

08:20

Şengal ji bo hesabpirsîna fermanê dicive. Di 15’ê Tîrmehê de li Gelyê Kersê, ji bo rizgarkirina jinên di destê DAIŞ’ê de û neçarkirina Iraqê ya naskirina jenosîdê, civaka Êzidî îradeya xwe ya xweseriyê radigihîne.

22:03

26 partî, rêxistinên civaka sivîl û tevgerên jinan ên Bakur û Rojhilatê Sûriyeyê bi daxuyaniyeke hevpar guhertina navê bajarê Kobanê ji aliyê hikûmeta Sûriyeyê ve şermezar kirin. Tekez kirin ku ev hewldan beşek ji polîtîkayên înkarkirinê ye.