ked û aborî

12:39

Pîşeya xwedîkirina mêşên hingiv û hilberîna hingiv li Mexribê êdî ji jinan ne dûr e û gelek jinên Mexribî di qada xwedîkirina mêşên hingiv de xebitîne, di nav wan de Sara Qendîl ku xwendina xwe temam kiriye û piştre jî berê xwe dabû xwedîkirina mêşên hingiv û hilberîna hingiv.

08:48

Patronên Mîgrosê li şûna ku daxwazên karkeran bi cih bînin, gefxwarina xwe ya li dijî wan didomînin. Karkerên ku dibêjin em ê berxwedana xwe bidomînin, li benda piştgiriya civakê ne.

08:45

Ramah El-Buhaysî ji parêzgeha Dêr El-Belah li Xezayê dide diyarkirin ku ew ji Koleja Sêwirana Grafîkê derçû lê berê xwe da dîplomaya teknîsyeniya enerjiya rojê li Koleja Civakî ya Perwerdeya Xezayê ya girêdayî UNRWA ku ew jî mîna sazkirin, xebitandin û domandina pergalên fotovoltaîk e.

07:47

Piştî koçberiya bi darê zorê, gelê Efrînê yê ji hemû warê xwe yê jiyanê dûr ket ji qada kar jî hat dûrxistin ji ber vê yekê Desteya Jinan a herêma Efrînê projeya xwaringeha Jiyan ji bo jinan ava kir da ku jin dîsa tevlî kar û xebatan bibin û bi xwe bikaribin debara xwe bikin.

07:56

Bi nêzîkbûna demsala bihare re zeviyên gundan bi gihayên ji bo xwarinê hêşîn bûne. Melka Mihemed a ku ji gundê Til El-Werid ê Zirganê ji ber topbarana li ser gund neçar dimîne koç bibe û li dibistanên Til Temirê bi cih bibe, niha di nav zeviyên Til Temirê de dest bi berhevkirina gihayê tolik û xerdelê kiriye û wiha dibêje: "Alternatîfa nebûna zebze, fêkî û xwarinên din berhevkirina gihayê xerdel e û çêkirina wê, xweş e û bi tendurist e."

11:53

Amîgurumî hunera kincên Japonî ye di çêkirina bûkan de di şiklê mirovan û heywanên biçûk ên antropomorf de ye. Ev huner yek ji hunerên nû tê hesibandin, her çend ew ji demên kevnar ve li Japonyayê dihat zanîn jî di van demên dawî de li gelek welatan dest pê kiriye û li her derê belav bûye.

10:45

Xebatkarên tenduristiyê ji ber xebata bê ewle û tundiyê hatin asta westandinê. Dema ku xebatkarên tenduristiyê yek bi yeke welat diterikinîn, Seroka TTB'ê Prof. Dr. Şebnem Korur Fîncanci diyar kir ku pirsgirêka xebatkarên tenduristiyê pirsgirêka hemû civakê ye û wiha got: "Dema xebatkarên tenduristiyê neyên parastin, xizmeta tenduristiyê jî baş nabe."

08:39

Çandinî jêdereke sereke ya dahatê ye ji bo şêniyên li gundewarên herêma Dêrazorê ya Bakur û Rojhilatê Sûriyeyê. Piraniya kedkarên çandiniyê û yên ku bi çandiniyê re li gundewarên Dêrazorê mijûl dibin jin in. Erdên Dêrazorê ji bo çandiniyê baş in lê ji ber germahiya havîn û ziwabûna zivistanê gelek nebat û sebze çênedibûn ji ber ku rêbazê çandiniya wan nedihat zanîn lê jinên Dêrezorê yên ku di warê çandiniya zebzeyan de xwedî zanîn in ,zebzeyên cûrbecûr îsal çandine.

08:19

Cezayîr yek ji wan welatan e ku gelek jin li malê dixebitin û di aboriya welat de bûne hêzeke bi bandor. Tevî hemû zor û zehmetiyên ku ew pê re rû bi rû mane jî wan ji bo pêşketina aborî û parastina serxwebûna xwe ya aborî hêza xwe ya xebatê îsbat kirine.

08:09

Aborîzan Dr. Eyn Şems Yemin Hamakî destnîşan kir ku ji bo jinên Misirî astengiyek mezin heye ku bi karê zayînê ve girêdayî ye û rêjeya herî zêde ya bêkariyê di temenê 20-30 salî de ye û wiha domand: "Di dema niha de rola jinên Misrê bi awayekî gelek mezin dikare were aktîfkirin, di dema dawî de giranî li ser beşdariya jinan di beşa çandiniyê de heye.”

09:43

Li bazara jinên Serdeşta ser bi Mihabadê ku weke bazara dayikan tê zanîn berhemên xwemalî yên xweza û çanda herêmê ne, her roj ji saetên serê sibê li ber dîdaran tên vekirin û di ber sohbetên jinan ên xweş heya êvarî digihin nava xwarina hemû malên herêmê. Jinên di vê bazarê de salên dirêjin ked didin diyar kirin ku debara mala wan li ser vê xebatê ye.

11:24

Rêxistina Abaad wek komeleyên din, ji qeyranên ku Lubnanê ji dawiya sala 2019'an vir ve jiyaye û bandorê li ser çalakê û planên wê yên pêşerojê kiriye xilas nebûye. Ji ber ku rêxistin rastî gelek zehmetiyan hatiye lê tevî vê yekê jî wê dikaribûye mîsyona xwe ya rizgarkirinê biqedîne û serkeftinan bi dest bixe bi taybetî jî bang li jinên hatine çewisandin kir ku gilî bikin û tundiyê red bikin bi riya kampanyaya "Her dem dema we ye."

10:56

Der barê xebatên xwe de Hîba El-Nexala ya 27 salî ku li Xezayê dijî û derçûya Fakulteya Karên Civakî ye wiha got: "Fikra projeyê bi diyariyekê dest pê kir. Min biryar da ku diyariyek ji bavê xwe re çêbikim ku wek tabloyek darîn bû wêneyê wî bi rengekî ecêb û cihêreng hildigirt. Bavê min ew fikr eciband, lewre biryar da ku piştgiriya min bike û banê xanî amade bike û bike.”

10:44

Jinên bajarokê Çoman di firoşgeha “Karê hevîr û şîrîniyên Balekayetî” a çêkirina nan û şîrîniyan de kar dikin û jiyana xwe û malbata xwe dabîn dikin. Geştiyar jî ji deverên cûda tên vêderê serdana vê firoşgehê dikin û nan li gel xwe dibin deverên jê hatine.

08:46

Rêvebera kargeha Serdema Zêrîn Nûr El-Huda El-Temîmî ji zanîna rewşa jinebiyan û jinên telaqdayî ne dûr bû, ji ber ku bi salan e di alîkariya jinan de çalak e dibêje: "Piştî xebata bi salan li qadê ji bo alîkariya jinebiyan, jinên telaqdayî û zarokên sêwî, min fêm kir ku îmkana karê jinan, ne alîkariya demkî û demsalî ye û wiha domand: "Hemû jin divê bixebitin û bi hêz bi jiyanê re rû bi rû bibin. Xebat dihêle ku jin ji aliyê erênî ve li jiyana xwe binêrin.”

08:41

Gulfiroş Hêzil Mihemed a 24 salî bi dildariyek mezin gulan difroşe her wiha li gorî daxwazan, her cihî bi gulan dixemsilîne.

10:17

Perîsa Altun a ji Rojhilatê Kurdistanê çar sale li gel hevjînê xwe ji bo kar hatine Başûrê Kurdistanê û niha li Seyîdsadiq firoşgehek a şirîniyan vekiriye.

10:51

Li Tirkiyeyê newekheviyên di jiyana kar de her diçe kûrtir dibin. Bi taybetî jî bazara kar dibe yek ji qadên ku nijadperestî û dijminatiya biyanî lê zêde dibe. Jinên kedkar li gorî eslê xwe yê etnîkî tên dabeşkirin û ji demjimêrên xebatê heta mûçeyên wan, van xalan bingeh tên girtin.

13:37

Li Lubnanê piştî teqîna bendera Beyrûdê, kûrbûna qeyrana aborî bandorê li ser hemû aliyên jiyanê kir. Pispora aboriyê Mahasen Mursal da diyarkirin ku qeyrana aborî bandorê li ser hemû malan kiriye û bi bîr xist ku li welat ji sedî 25’ê qada aboriyê ji jinan pêk tê û bal kişand ser pirsgirêkên ku jin di jiyana kar de dijîn.

09:29

Kombûna Jinên Demokrat a Lubnanê ji bo alîkariya jinan bike û pêşî li tundîtûjiya li hemberî jinan bigre pilansaziya xwe ya sala 2022’an ji nû ve sererast dike.