نەغەم کەراجە

 

غەززە - یاسمین ساڵحە کە لە باکووری کەرتی غەززە ئاوارە بوو، لە چادرێکی بچووکدا لە ناوەڕاستی کەمپی ئاوارەکان لە شاری غەززە دەمێنێتەوە و چیرۆکی ئەو ئازارانەی خۆی دەگێڕێتەوە کە ڕۆژ بە ڕۆژ نوێ دەبێتەوە.

 

یاسمین ساڵحە کە شارێکی بەجێهێشت، خەریک بوو شەڕ وێرانی بکات، پێی وایە شەڕی مانەوە تەنها ئاڵەنگاریەکی جەستەیی نییە، بەڵکو جەنگێکی هەمیشەییە بۆ دۆزینەوەی ڕێگای داهێنەرانە ،بۆ زاڵبوون بەسەر قەیرانەکانی بێ کۆتایدا.

 

لە باکووری غەززەەوە تا کامپەکانی ناوەند

لە ١٩ ی کانوونی دووەمی ڕابردوودا ئاگربەست کەوتە بواری جێبەجێکردنەوە بەڵام بۆ یاسمین ساڵحە هەستی بە ئارامی پێش زریانەکە دەکرد، نە گەڕایەوە بۆ ناوچەکەی لە باکوور نەک تەنها لەبەر ئەوەی ناوچەکە خەریک بوو وێران ببێت،"بەڵکو لەبەر ئەوەی من بەتەواوی ئاگادارم کە ئاگربەستەکە زۆر ناخایەنێت هەستم کرد بارودۆخەکە لەوە خراپتر دەبێت کە پێشبینیمان دەکرد ، دوو هەفتە لەمەوبەر شەڕ دەستی پێکردەوە بۆ دەستپێکردنی بەشێکی نوێی ئاوارەیی  و برسێتی."یاسمین ساڵحە بە دەنگێکی نزم  تێکەڵ بە  ئازار و ویست و توانا بوو دەیوت.

 

هێزەکانی ئیسرائیل فەرمانی چۆڵکردنی ناوچەکانی باکووری کەرتەکەیان دا، وەک پێشبینی دەکرد، هاوڵاتیان گەڕانەوە بۆ هەڵدانی چادرەکانیان لەسەر شۆستەی شەقامەکان، لە نێو کۆمەڵە خۆڵ و خاشاکدا، هەموو شتێک لە ئاژاوەدا بوو، و بەهۆی پچڕانی کەلوپەل، ئێمە لە جیهانێکی هەژاریدا دەژین کە پێداویستییە سەرەتاییەکانمان تێدا دەستەبەر نەدەکرا.

 

لەگەڵ خراپتربوونی بارودۆخی ئابووری یاسمین ساڵحە سەرسام بوو بە بەرزبوونەوەی شێتانەی نرخی دار، نرخی کیلۆیەک دار گەیشتە چوار دۆلار کە بڕێکی ناجێگیرە بۆ زۆربەی خێزانەکانی کەرتی غەززە ،پاش ئەو شەپۆلەی هەژاری کە هەمووانی گرتەوە لەم کاتەدا بیر لە بارودۆخە سەختەکەی دەکەنەوە و بیرۆکەیەکی بۆ دێت کە ڕەنگە سەیر بێت، بەڵام تاکە چارەسەری بەردەست بوو.

 

لەو کاتەدا بیرم لەو نانە وشکەیە کردەوە ،لێی ڕژابوو و لە چادری دراوسێکانی دەوروبەرم، بۆچی فڕێی بدەین؟ ،من دارم زۆر کەم بووم بۆ سووتاندن، لە هەمان کاتدا پێویستم پێی بوو بۆ ئامادەکردنی خواردنی منداڵەکانم، بۆیە لە دڵی خۆمدا بیرم کردەوە، بۆچی سوود لەم نانە وەرنەگرم؟ ، ئەو بەردەوام دەبێت بە زەردەخەنەیەکی بچووک و بەدوایدا سەیرکردنێکی تیژ لە چاوەکانیدا ، وەک ئەوەی نهێنییەکی گەورە بڵێت.

 

نانە زیان پێگەیشتووەکەم برد و خستمە بەر خۆر تا تەواو وشک بوو، پاشان بە بەردەوامی دەمجوڵان ،بۆ ئەوەی باش وشک ببێتەوە، پاشان خستمە سەر ئاگردان لە جێگەی دار، سەرسوڕهێنەر ئەوە بوو کە نانی وشک لە دار باشتر بوو! ئەو گڕی بەهێزتری دا، و ئاگرەکە زیاتر لە داری ئاسایی بەردەوام بوو، و بەبێ هیچ تێچوونێکی زیادە.

 

بیرۆکەی داهێنان دەبێتە نموونە

بیرۆکەکەم سەرکەوتوو بوو، ئەمەش وای لێکردم هەست بە بەهێزی بکەم، من تاکە کەس نەبووم کە سوودمەند بووم، بەڵکو دراوسێکانی کەمپەکە نانەکەیان وشک کردەوە.  وەک سەرچاوەیەکی جێگرەوەی چێشتلێنان بەکاریان هێنا، شانازی دەکەم کە توانیومە چارەسەرێک بۆ کێشەیەک بدۆزمەوە کە هەمووان بەدەستیانەوە دەناڵێنن.

 

ژنان لەغەززە بەتایبەتی لەکەمپەکاندا داهێنان دەکەن، ئێمە چاوەڕێی چارەسەر ناکەین، بەڵکو لەناو جەرگەى ئازار و ئەشکەنجە دروستیان دەکەین، دەزانین چۆن لەسەر لمەکانی نیشتمانمان بژین و ڕێگە نادەین هەلومەرج ئیرادەمان لێ بسەنێتەوە گرنگ نییە چەند سەخت بیت، هەمیشە بوار هەیە بۆ چارەسەری داهێنەرانە.

 

یاسمین ساڵحە لە ناو چادرە سادەکەیدا و سەرەڕای ئەو ئازارە زۆرە، وەک نموونەیەکی زیندووی داهێنانی ژنانی فەلەستینی دەردەکەوێت: هەرچەندە ئێمە لە خێوەتگەی وێران دەژین و بارودۆخێکی سەختی مرۆییدا، بەڵام ئەمە مانای ئەوە نییە کە ئێمە هیوامان لەدەستداوە، ئێمە پێکەوە لەم کەمپەنە دەژین، ئێمە وەک یەک خێزان پێکەوە دەژین، ئێمە لە ئازاردا هاوبەش دەبین، بەڵام هیوامان هاوبەشە و کار بۆ ژیانێکی باشتر دەکەین، ئێمە هەموو ڕۆژێک ژیانێکی نوێ دەکەینەوە تەنانەت ئەگەر لە وردەکارییە بچووکەکانیشدا بێت وەک نانی وشک کە بووە بە ئاگردان،

 

ئەم وشانە وێنەی ڕاستەقینەی ژنانی غەززە دەردەخات کە سەرەڕای وێرانکاری و شەڕە بەردەوامەکان، هەمیشە ڕێگایەک دەدۆزنەوە بۆ خۆگونجاندن و مانەوە لە نێو هەموو نەهامەتییەکاندا کە بیرۆکەیەکی نوێ بەرهەم دەهێنێت و لە هەموو ئازارێکدا هێزێکی زیاتر دەردەکەوێت و ئەم هێزە تەنها بۆ مانەوە سنووردار نییە بەڵکو توانای گۆڕینی قەیرانەکان بۆ دەرفەت لەخۆ دەگرێت.

 

هیوای یارمەتی و پێویستی بە پشتگیری هەیە

بەڵام سەرەڕای ئەم چارەسەرە داهێنەرانە هێشتا ئاڵەنگاریەکی گەورە هەیە، نرخی بەرز هێشتا کێشەیەکی گەورەیە، بەهۆی بڕینی کارەبا و بەرزبوونەوەی نرخی خۆراک، دەستکەوتنی بنچینەکانی ژیان زۆر سەخت بووە، یارمەتی پێویست نییە، ئەوەی وەریدەگرین پێداویستییەکانمان پڕناکاتەوە، ئێمە لەسەر ئەو یارمەتیانە دەژین کە جاروبار دەگات، هەوڵدەدەین لەگەڵ هەموو تواناماندا خۆمان بگونجێنین.

 

سەرەڕای ئەم هەلومەرجە سەختە، یاسمین ساڵحە جەخت لەوە دەکاتەوە کە دەبێت کۆمەڵگەی نێودەوڵەتی بەرپرسیارێتی خۆی لە پاڵپشتیکردنی گەلی فەلەستین بگرێتە ئەستۆ و گوتی "ئێمە پێویستمان بە پشتیوانی ڕاستەقینە هەیە نەک تەنها لەسەر ئاستی مرۆیی بەڵکو لە ئاستی گەشەپێدانیشدا پێویستمان بە پشتیوانی ڕاستەقینەیە، ئێمە نامانەوێت تەنها وەرگری یارمەتی بین، بەڵکو دەمانەوێت بتوانین ژیانمان بنیات بنێینەوە.

 

لە چادرگەی یاسمین ساڵحە لە ناوەڕاستی غەززە، پەیامێک دەنێرێت کە "ئێمە کۆڵ نادەین، ئێمە داهێنان دەکەین و ڕووبەڕووی ئاستەنگەکان دەبینەوە بە هەموو توانامان، ئەم خاکەی کە سەر بە ئێمەین شایەنی ئەوەیە، بارودۆخەکە هەرچۆنێک بێت"، لە کاتێکدا کە گەلی فەلەستین بە سەختترین کاتدا تێدەپەڕێت، ژنانی فەلەستین وەک سەرچاوەیەکی نەبڕاوی ئیلهام دەمێننەوە لە خۆڕاگری و داهێناندا.

 

لە کۆتاییدا، ئەو ئازارانەی ڕووبەڕووی ژنان دەبنەوە لە غەززە هێشتا بەشێک لە تێکۆشانێکی بەردەوامە بۆ بەردەوامی ژیان بەڵام بە سووربوونێکی بەردەوامەوە بۆ بنیاتنانەوەی هیوا، تەنانەت ئەگەر پێویستی بە دووبارە بەکارهێنانەوەی نانی وشک بێت.