ڕۆژانە

13:55

لەبەرامبەر قەیرانی ئابووریدا، ژنانی نیشتەجێی سووریا بەرهەمی پیشە دەستییەکانیان بەرەوپێش دەبەن و هەوڵدەدەن بە کارەکانیان بژێوی خۆیان دابین بکەن.

12:59

شەفیقە بەدلی، ژنێکی ئەفغانی کە لە وڵاتەکەی ئاوارە بووە، باسی لەوەکرد، کە لە ئێران تووشی لێدان و سوکایەتی و هەڵاواردن دەبنەوە.

10:41

هێرشەکانی ئیسرائیل بۆ سەر غەززە ماوەی چەند هەفتەیەکە بەردەوامن, ژمارەی ئەو کەسانەی گیانیان لەدەستداوە لە هێرشەکاندا کە لە ٧ی تشرینی یەکەمەوە گەیشتووەتە ١٠ هەزار و ٨١٢ کەس.

09:37

هەنگامە پەناهی، سینەماکار و ئەندامی ئەکادیمیای ئۆسکار، دوای ماوەیەک لە نەخۆشی کۆچی دوایی کرد.

09:32

لە سەمسور هەرچەندە ٨ مانگ بەسەر بوومەلەرزەکەدا تێپەڕیوە، بەڵام خێزان هەیە تا ئێستا کۆنتێنەریان پێنەدراوە، ئەو کەسانەشی لەناو کۆنتەینەردا دەژین بەدەست نەبوونی پێداویستییەکانەوە دەناڵێنن.

09:00

هێرۆ باجەلان، کە خۆی خەڵکی شاری هەولێرە، وەک باڵیۆزی ئەمریکا لە وڵاتی میسر دەستنیشانکرا.

15:45

خۆبەڕێوەبەری باکوور و ڕۆژهەڵاتی سووریا ناوەندێکی تایبەتی مامۆگرافی بۆ دەستنیشانکردنی شێرپەنجەی مەمک لە ڕەققە کردەوە.

15:29

بە مەبەستی بە بازاڕکردنی بەرهەمی خۆماڵی و ئاشناکردنیان بە کڕیاران، یەکەمین فێستیڤاڵی گوێز لە شارەدێی خورماڵ دەستی پێکرد.

15:19

چارەنووسی چالاکوانی کورد پەخشان عەزیزی، کە سێ مانگ لەمەوبەر لەلایەن هێزە ئەمنییەکانی ئێرانەوە دەستبەسەر کرابوو، تا ئێستا نادیارە.

14:31

تاڵیبان، کە دەسەڵاتی ئەفغانستانی گرتووەتە دەست، بەتایبەتی دەستوەردان لە ژیانی ژناندا دەکات، بەدوای ئەو ژنانەدا دەکەون کە لە پێشەوەی ئۆتۆمبێل دانیشتوون لەکاتی پشکنینی ڕێگاکاندا بە وشەی "ئەمە فەرمانێکە"، ناچاریان دەکەن لە دواوە دانیشن.

14:23

لە دووەم دانیشتنی دادگای ئەو ١٨ ڕۆژنامەنووسەی کە لە ئامەد تۆمەتبارکران، دانیشتنەکە دواخرا.

14:05

لە نزیک کەناراوەکانی لیبیا، پێنج کۆچبەر کە هاوڵاتی سووریا بوون لە شاری ناوا لە پارێزگای دەرەعە گیانیان لەدەستدا.

13:39

ماوەی سێ مانگە خۆپیشاندانەکانی سوەیدا بەردەوامە و ئەو ژنانەی بەشدارییان لە خۆپیشاندانەکەدا کردووە ڕایانگەیاند بەردەوام دەبن هەتا ئەو کاتەی داواکارییەکانیان جێبەجێ دەکرێ

12:30

لە ئەنتاکیا دوای ٢٧٥ ڕۆژ لە ڕوودانی بوومەلەرزە لە کاتی لابردنی داروپەردووی وێرانەکان  تەرمێک دۆزرایەوە.

12:03

بۆ یەکەمین جار شێوەکارێکی کورد لە دیداری هونەری ڕێکخراوی ‘ملتقی المبدعین’ بەشداری کرد و ڕێزلێنانی پێبەخشرا.

10:55

دوای ئەوەی دادگای کارگێڕی لە پاریسی فەرەنسا فەرمانی وەزارەتی ناوخۆی بۆ دەرکردنی مریەم ئەبو دقە، چالاکوانی فەڵەستینی هەڵپەسارد، ئەنجومەنی دەوڵەت هەڵپەساردنەکەی هەڵوەشاندەوە و بڕیاری دەرکردنی لە وڵاتەکەی دا.

09:43

توێژینەوەیەك ئاشکرای دەکات، هەڵمژینی هەوای پیس مەترسی تووشبوون بە نەخۆشی شەكرەی جۆری دووەم زیاد دەكات.

08:08

لە ناوچەی تل تەمر لە حەسەکە، کە ڕووبەڕووی هێرشی ڕۆژانەی دەوڵەتی تورکیا دەبێتەوە، ژنان بۆ ٢٥ی تشرینی دووەم ئامادەن و کۆنگرەی ستار ماڵ بە ماڵ و گوند بە گوند هۆشیاری بڵاودەکاتەوە.

07:35

بە تۆمەتی لێکۆڵینەوەیەکی ساڵی ٢٠١٢، ئایسەل توغلوک، سیاسەتمەداری کورد کە بەهۆی نەخۆشییەوە لە ماڵەکەی خۆیدا دەستبەسەر بوو، گوازرایەوە بۆ دادگای چاگلایان.

15:34

شاندی باکوور و ڕۆژهەڵاتی سووریا کە پێکهاتووە لە هۆزان ئەحمەد، هاوسەرۆکی نوێنەرایەتی خۆبەڕێوەبەری لە بەلجیکا و عەبدولکەریم عومەر، نوێنەری خۆبەڕێوەبەری لە ئەوروپا، کۆبوونەوەی دیپلۆماسی لە بەلجیکا ئەنجام دەدەن و هێرشەکانی دەوڵەتی تورکیایان کردە ڕۆژەڤ.