ڕۆژانە

09:29

هێرشەکانی ئیسرائیل بۆ سەر کەرتی غەززە بۆ ٣٩هەمین ڕۆژ لەسەریەک بەردەوامە و ژمارەی کوژراوان بۆ ١١ هەزار و ٢٤٠ کەس بەرزبووەتەوە، کە زۆربەیان ژن و منداڵن.

08:18

فڕۆکەی بێ فڕۆکەوانی دەوڵەتی داگیرکەری تورکیا، شەوی ڕابردوو ئۆتۆمبێلێکی لە شارەدێی سنونێی سەر بە شەنگال بۆردوومان کرد و لە ئەنجامدا سێ کەس بریندار بوون.

17:24

لەگەڵ نزیکبوونەوە لە ٢٥ی تشرینی دووەم و ١٦ ڕۆژی بەرەنگاربوونەوەی توندوتیژی دژی ژنان ڕژاک کۆمەڵێک چالاکی ڕاگەیاند.

15:06

پلاتفۆرمی چالاکی هاوبەشی بزووتنەوە و ڕێکخراوەکانی ژنان لە باکوور و ڕۆژهەڵاتی سووریا بەرنامەی ڕۆژی ٢٥ی تشرینی دووەمی بەرەنگاربوونەوەی توندوتیژی بە دروشمی "دژی هەموو جۆرە توندوتیژی و داگیرکارییەک ژن، ژیان، ئازادی" ڕاگەیاند.

14:18

حکومەتی تاڵیبان بڕیاریدا بەناوبانگترین و کۆنترین پارکی یارییەکانی کابولی پایتەختی ئەفغانستان لەناوببات و لەبری ئەوە، مۆڵ دروستبکات بۆ ئەوەی ئابووری زیاتر بەدەستبهێنێت.

14:05

وەزارەتی كۆچ و كۆچبەرانی عێراق بڵاویكردەوە، ئەمڕۆ لە كامپی پەرسەفی یەك لە زاخۆ ٣٧٥ ئاوارەی ئێزیدی گەڕانەوە بۆ سنووری شەنگال.

13:34

ژنان لە سوەیدا بەردەوامن لە ڕێپێوان بۆ گۆڕەپانەکان بۆ داواکردنی مافەکانیان و جەخت دەکەنەوە لەسەر سووربوونیان بۆ بەدەستهێنانی ئازادی و مافە دزراوەکانیان.

13:08

نەغەم کەراجە، پەیامنێری ئاژانسەکەمان لە غەززە، بەهۆی بەردەوامی بۆردوومانی ئیسرائیل بۆ سەر کەرتی غەززە لە ماڵی خۆیدا بریندار بوو.

12:52

لە ٢٣٩یەمین ساڵیادی دامەزراندنی شاری سلێمانیدا ٢٣٩ نەمام لە شەقامی مەلیك مەحمود و ٧٠ نەمام لە گەڕەكی سەرچنار چێندران.

12:49

فەرماندەیی یەکینەکانی ژنانی شەنگال "یەژەشە" بەبۆنەی هەشتەمین ساڵیادی ئازادکردنی شەنگال ڕاگەیەندراوێکی بڵاوکردەوەو تێیدا هاتووە: تا کۆتایی شەنگال دەپارێزین.

10:15

ژمارەی حاڵەتەکانی توندوتیژی دژ بە ژنان و منداڵان لە وەرزی یەکەمی ئەمساڵدا گەیشتە نزیکەی ٢٦ هەزارو  ٩٥٦ حاڵەت.

09:27

فادیمە تەمەل، دەروونناس ڕایگەیاند پرۆسەکانی تراوما لە ناوچەی بوومەلەرزەکە قووڵتر دەبنەوە و ئەم بارودۆخە بە نیشانەی جیاواز دەردەکەوێت، یەکگرتنی کۆمەڵایەتی گرنگە بۆ ئەوەی ئەم پڕۆسەیە تێپەڕێت.

08:16

گەنجانی ئیزیدخان بە مەبەستی پیرۆزکردنی ساڵیادی ڕزگارکردنی شەنگال سەردانی گۆڕستانی شەهیدانیان لە سەردەشت کرد و مۆمیان داگیرساند و دوای سەردانەکە ئاهەنگیان گێڕا.

08:03

خۆبەڕێوەبەری شەنگال و پادێ بە ناوی هاوپەیمانی "یەکێتی گەلانی نەینەوا" بە چوار کاندید بەشداری له هەڵبژاردنی ئەنجومەنی پارێزگای موسڵ دەکەن و داوا لە گەلی شەنگال کرا بەشداری هەڵبژاردن بکەن.

07:51

ئەنجومەنی ژنانی پارتی یەکێتی دیموکراتیک لە ڕێگەی چالاکییەکانییەوە کار بۆ بەرزکردنەوەی ئاستی هۆشیاری ژنان و پەرەپێدانیان لە هەموو بوارەکاندا دەکات.

14:54

لە مانگی تشرینی یەکەمدا لانیکەم ١٥٠ کرێکار لە تورکیا لە کاتی ئەرکدا گیانیان لەدەستدا.

14:41

لە زاری بەرپرسێكی ئەمنیی عێراقەوە ڕاگەیەندرا، ٧٧٦ هاوڵاتی عێراقی کە کەسوکاری چەتەکانی داعشن، لە كامپی هۆلەوە بەرەو عێراق گەڕێنرانەوە.

14:27

دوای ئەوەی ژنێک لە ڕێگەی دادگاوە داوای جیابوونەوەی لە هاوژینەکەی کرد، پیاوەکە کە فەرماندەیەکی حوسییەکانە تەقەی لە ژنەکە کردو کوشتی.

13:59

دڵەڕاوکێ و فشاری دەروونی لە دیارترین کێشە دەروونییەکانن کە ڕووبەڕووی زۆر کەس دەبنەوە و زۆرینەی کات پزیشکان بە دەرمان هەوڵی چارەسەری دەدەن، بەڵام هەندێک خۆراک یارمەتیدەری کەمکردنەوەیین.

13:29

ئەو بارگرانیەی لە خوێندنی ئەمساڵدا دروست بووە، خوێندکارانی نیگەران کردووە و بەردەوامن لە خۆپیشاندانەکانیان، کە تیایدا داوای چارەسەر دەکەن.