ڕۆژانە

09:34

لە ٢٧مین ڕۆژی دەستپێکردنی هێرشەکان بۆ سەر غەززە، لەگەڵ فراوانکردنی ئۆپەراسیۆنە زەمینییەکانی ئیسرائیل، نزیکەی نۆ هەزار کەس کوژراون و زیاتر لە ٢٤ هەزار کەسی دیکەش بریندار بوون و پێدەچێت ژمارەکە بەرزبێتەوە.

08:54

نۆیەمین فێستیڤاڵی هەنار و پایزی هەڵەبجە دەستی پێکرد و ژنان بە بەرهەمی خۆماڵی و کارە دەستییەکانیان پێشەنگایەتی فێستیڤاڵەکە دەکەن.

08:36

فەریدە ئیبۆ، ئەندامی کۆنگرەی ستار لە عەفرین-شەهبا، سەبارەت بە هەڵمەتی "ئازادی بۆ ئۆجالان، چارەسەری سیاسی بۆ کێشەی کورد" جەختی کردەوە، کە ئازادی ڕێبەری گەلی کورد عەبدوڵا ئۆجالان بە هێزی گەل مسۆگەر دەکرێت.

08:03

ژنانی ئێزیدیی شەنگال، لەبارەی ١ی تشرینی دووەم، ڕۆژی جیهانیی کۆبانێوە، ڕایانگەیاند کە بە بەرخۆدانی کۆبانێ هیوای خەڵکی ڕۆژئاوا و شەنگال زیندوو بووەوە.

15:02

نێرگس محەمەدی، چالاکوانی مافەکانی مرۆڤ لە نامەیەکدا بۆ کۆمیتەی نۆبڵی ئاشتی، پشتڕاستی کردەوە کە وەرگرتنی خەڵاتەکە خاڵێکی وەرچەرخانە لە بەهێزکردنی خۆپیشاندانەکان و تەڤگەرە کۆمەڵایەتییەکان لە سەرانسەری جیهاندا.

14:42

یەپەژە بەبۆنەی ڕۆژی جیهانی کۆبانێوە بەیاننامەیەکی بڵاوکردەوە و تیایدا ئاماژە بەوە دەکات کە شۆڕشی ژنان لە کۆبانێ دەستیپێکردووە، کۆبانێ پەیامێک بوو بۆ هێزە هەژموونییەکان کە بندەستییان قبوڵ نەکرد.

13:59

ئیسرائیل هێرشی کردە سەر کامپی پەنابەرانی جیبالیەو ئاماژە بەوەکراوە، ژمارەی ئەو کەسانەی لە هێرشەکەدا گیانیان لەدەستداوەو برینداربوون لە نێوان ٤٠٠ بۆ ٤٥٠ کەسدایە و لە نەخۆشخانەکاندا چارەسەرکردن سەخت بووە.

13:02

تاژێ لەبارەی ئەو منداڵە ئێزدییەی کە لەلایەن چەتەکانی داعشەوە لە تورکیا ڕفێندرا، بەیاننامەیەکی بڵاوکردەوە و وتی: دەبێت ڕووداوەکەی ئەو منداڵە ئێزدییە ڕوون بکرێتەوە، پێویستە دەوڵەتی تورک بەرپرسیار بکرێت لە پشتیوانیکردنی داعشدا.

12:52

لە ئەنجامی هێرشی دەوڵەتی تورک بۆ سەر گوندەکانی تۆخسار و عەون دادات لە مەنبج، ٢ کەس بریندار بوون کە منداڵێکیان هەیە.

12:12

ژنانی کرماشان کاردانەوەیان بەرامبەر گیان لەدەستدانی ئارمیتا گراوند نیشانداو وتیان: تا ئەو کاتەی کۆماری ئیسلامی لە دەسەڵاتدا بێت، سەرکوتکردن لەسەر ئەم خاکەو حیجابی زۆرەملێ دەبێتە خەنجەری مەرگ بۆ ژنان.

10:28

ساڵیحە ئایدەنیز، هاوسەرۆکی دەبەپە ڕایگەیاند، تاکە ڕێگا بۆ دەربازبوون لە قەیرانەکان ئیمراڵییە و دەبێت ڕێبەری گەلی کورد عەبدوڵا ئۆجالان ئازاد بکرێت.

08:54

١ی تشرینی دووەم، نۆیەمین ساڵیادی ڕۆژی جیهانی پشتیوانی بەرخۆدانی کۆبانێیە، کە خەباتی گەل و شەڕڤانان لە دژی بەکرێگیراوانی داعش، کۆبانێ و باکوور و ڕۆژهەڵاتی سووریای لە دەستی هێزە تاریک پەرستەکان ڕزگار کرد.

08:06

ژنانی کانتۆنی کۆبانێ بە بۆنەی ڕۆژی جیهانی کۆبانێوە تیشکیان خستە سەر هێرشەکانی سەر ناوچەکە و وتیان: ئەو جیهانەی لە ساڵی ٢٠١٤ دا پشتیوانیمان کرد، ئێستا چاوی لە بەرامبەر هێرش و هەڕەشەکان داخستووە.

07:27

شارەكان ناوەندی چالاكی ئابوورین و زیاتر لە ٧٠٪ی دەردانی گازی ژەهراوی جیهان پێكدەهێنن، هەروەها ساڵانە شارەكان ٢٨٨ ملیۆن تەن پاشماوەی پلاستیكی بەرهەم دەهێنن.

14:54

ڕێكخراوی یونسێف نیگەرانی خۆی لە بەردەوامی ناکۆکییەکانی نیوان ئیسرائیل و فەڵەستین دەربڕی و ئاماژەی بەوەکرد، لە ئێستادا غەززە خەریكە دەگۆڕێت بۆ گۆڕستانی منداڵان.

14:45

لەیلا گۆڤەن، هاوسەرۆکی کەجەدە، کە لە بەبیرهێنانەوەی ئینان لێدوانی دابوو بەوهۆیەوە دادگایی کراو بێتاوان دەرچوو.

13:47

٢٣ ساڵ بەسەر بڕیاری ١٣٢٥ی نەتەوە یەکگرتووەکان تێدەپەڕێت کە تایبەتە بە ژنان، ئاشتی و ئاسایش، بەڵام تا ئێستاش ژنان لە زۆر وڵاتەوە داوای جێبەجێکردنی ئەو بڕیارە دەکەن.

13:17

پێشانگای کارە دەستییەکان کە لە بۆژنۆرد کراوەتەوە بۆ پشتگیریکردنی ژنان لە گوندەکان و ساغکردنەوەی بەرهەمە دەستییەکانیان.

11:04

ئەکتەرانی ژنی ئێرانی، کە پشتیوانی لە ڕاپەڕینی شۆڕشگێڕانەی "ژن، ژیان، ئازادی" دەکەن، بانگهێشتی داواکاری گشتیی ڕۆشنبیری و ڕاگەیاندنی تاران کران.

10:41

ئیتانا بۆنماتی ئیسپانی خەڵاتی باڵۆن دۆری وەک باشترین یاریزانی جیهان لە ڕێوڕەسمی خەڵاتەکانی باڵۆن دۆر لە پاریس بردەوە.