ڕۆژانە

14:48

وەزارەتی كۆچ و كۆچبەرانی عێراق ڕایگەیاند، ١٢٧ ئاوارە بە ڕازەمەندی خۆیان لە كامپەكانی سنووری سلێمانی و دهۆكەوە بۆ ناوچەكانی خۆیان لە سنوورى شەنگال و سەڵاحەدین گەڕێندرانەوە.

14:26

مونا یاقو، سەرۆکی دەستەی سەربەخۆی مافەکانی مرۆڤ ڕایگەیاند، لە نێوان ساڵی ٢٠٢٠ بۆ ٢٠٢٢، زیاتر لە ٥ هەزار منداڵی کچ هاوسەرگیری پێشوەختەیان پێکراوە و گرێبەستیان هەبووە.

12:45

بەشی پاڕاستنی مافەکانی منداڵان لە دەستەى سەربەخۆی مافی مرۆڤی هەرێم بە هاوکاری رێکخراوی یونسێف کرایەوە، کە ئامانج لێی پاراستنی منداڵان و بەدواداچوونی پیشێلکارییەکانە بەرامبەریان.

12:18

بە پێی ڕیزبەندییەکی دامەزراوەی بی بی سی، ژنێکی کورد وەک یەکێک لە ١٠٠ ژنی کاریگەری جیهان دیاری دەکرێت.

10:47

نێرگس محەمەدی سەرەڕای فەرمانی دادگای تاران، بە بەرگێکی ئارەزوومەندانەوە بۆ ئەنجامدانی پشکنین گواسترایەوە بۆ نەخۆشخانە.

10:26

ڕۆژی ٢٥ی مانگ، ڕۆژی جیهانیی بەرەنگاربوونەوەی توندوتیژی دژی ژنان، ژنانی کورد لە گۆڕەپانەکانی ئەوروپا دەبن و داوایان لە هەموو ژنان کرد هێزی تێکۆشان زیاد بکەن.

09:44

ئیدلب یەکێکە لە ناوچە کشتوکاڵییە گرنگەکانی سووریا و کشتوکاڵ سەرچاوەی بژێوی زۆرینەی خەڵک پێکدەهێنێت، ژنانی ئاوارە و ژنانی کرێکاریش سەرەڕای سەختییەکان بژێوی ژیانیان لەوێدا بەدەستدەهێنن.

09:17

لیژنەی پاراستنی ڕۆژنامەنووسان لە ڕاپۆرتێکدا ڕایگەیاند، لە سەرەتای شەڕی ئیسرائیل و حەماسەوە لە ٧ی تشرینی دووەمەوە تا ئێستا ٥٠ ڕۆژنامەنووس گیانیان لەدەستداوە، ١١ ڕۆژنامەنووس برینداربوون و سێ کەسیش بێسەروشوێنن.

08:49

لە ماراسیمێکدا ناساندن بۆ پەرتووکی "گەڕیدەی حەقیقەت"ی ناگیهان ئاکارسەل، ڕۆژنامەنووس و ئەندامی ئەکادیمیای ژنۆلۆژی تیرۆرکراو دەکرێت.

07:41

دوای تێکچوونی باری تەندروستی بەهۆی مانگرتن لە خواردنەوە، ئارمیتا پاویر، خوێندکاری بایۆلۆجی خانە گەردیلەییەکانیان لەلایەن دەسەڵاتدارانی ئێرانەوە گواستەوە بۆ نەخۆشخانە.

14:58

ئەنجومەنی ژنانی هەدەپ لەبەردەم زیندانی سنجان دەستپێکردنی چالاکییەکانی ٢٥ی تشرینی دووەمی ڕاگەیاند و داوای لە ژنان کرد لە ٢٥ی تشرینی دووەمدا پشتیوانی خۆیان زیاد بکەن.

13:46

٣٢ کەس کە لەنێویاندا ژن و منداڵ هەن گیانیان لەدەستداو زیاتر لە ٢٠ کەسیش برینداربوون لە هەرێمی ئەبیی نێوان سودان و باشووری سودان.

13:22

نەتەوەیەکگرتووەکان ٣٤  ساڵە جاڕنامەی گەردوونی مافەکانی منداڵانی پەسەند کردووە، عێراق، تورکیا، ئێران و سووریا کە واژۆی ڕێککەوتنامەکەیان کردووە، بێمافی بەرامبەر منداڵان لە وڵاتەکەیاندا لە لوتکەدایە.

12:22

تەندروستی فەلەستین ئاشکرایکرد، ژمارەی گیانلەدەستدانەکان بۆ زیاتر لە ١٣ هەزار کەس بەرزبووەتەوە، ٥ هەزار و ٥٠٠ کەسیان منداڵن و زیاتر لە سێ هەزار و ٥٠٠ کەسیش ژنن.

11:12

بارانبارینی زۆر لە باکووری کوردستان بووە هۆی دروستبوونی لافاو لە ئیلح، سێ خوشک و برا لەگەڵ دایکیان بەهۆی ڕووخانی خانووەکەیان لافاو بردنی و دایک و منداڵێکیان کە تەمەن پێنج ساڵە گیانیان لەدەستداو دوو منداڵەکەی دیکەش بێسەروشوێنن.

10:40

یانەی بەرشەلۆنەی ژنان سەرکەوتنێکی گەورەی بە ئەنجامی ٥-٠ لە یاریگادا بەدەستهێنا.

09:50

ڕانا ئەلکاسمۆ، کەبەهۆی زوڵمی داعشەوە ناچاربووە کۆچ بکات و نەخۆشییەکەی کاریگەری لەسەر جوڵەی هەبووەو سوورە لە خوێندن لە کۆلێژی یاساو وتی:  پێویستە ژنان باوەڕ بە بەهرە و هێزی خۆیان بکەن.

08:45

لەگەڵ داواکردنی هەڵگرتنی گۆشەگیریی توندی سەر ڕێبەری گەلی کورد عەبدوڵا ئۆجالان و ئازادی جەستەیی، ڕێپێوانی ئازادی لە بورساوە بۆ ناوچەی گەملیک بەردەوامە.

08:18

لە چوارچێوەی زنجیرەیەک چالاکی ڕژاک بۆ ٢٥ی تشرینی دووەم، ڕۆژی جیهانیی بەرەنگاربوونەوەی توندوتیژی دژی ژنان، پەیامی بەرەنگاربوونەوەی توندوتیژی بە شاردا بڵاودەکرێتەوە.

07:40

خەڵاتی "مرۆڤایەتی و بوێری" کە لەلایەن دامەزراوەی سویسری بۆ یادەوەری پاوڵ گرونینگەر دامەزراوە، بەخشرایە ئایشە گۆککان.