ڕۆژانە

18:28

ڕێکخراوی نوی بۆ پاراستنی ژینگە و مافەکانی ژنان لە ڕۆژی جیهانیی ژناندا پێشەنگایەکی بە ناونیشانی "ڕۆڵی ژن لە پاراستنی ژینگە" بۆ شێوەکار و دیزاینەر حوسنا مەحمود کردەوە.

18:01

یەکێک لە ئەندامی تیمی نیشتمانیی خلیسکێنەی سەر بەفری ژنانی ئێران لە کێبڕکێی سپایراڵی ئەلب لە پێشبڕکێی لاوانی ئاسیا مەدالیای برۆنزی بەدەستهێنا.

17:15

دەیان ژنی مەغریبی، بەبۆنەی ڕۆژی جیهانی ژنانەوە ناڕەزایەتیان دەربڕی بەرامبەر بە برسێتی و ئاوارەیی و پێشێلکارییەکانی مافی مرۆڤ، بەتایبەت ئەو دۆخەی ژنانی غەززەی تێدایە

16:30

سێ دایک کە هەر یەکەیان خاوەن چیرۆکی تایبەتن لە جینۆسایدەکانی سەر گەلی کورد، لە پانێلێکدا بەشێک لە کێشەکانیان باسکرد، هاوکات سەرکۆنەی ئەو حزبانەیان کرد کە جاش و ئەنفالچیەکانیان داڵدە داوە.

14:49

لە باکووری کوردستان ئەو ناوەندانەی کە ئەمساڵ ئاهەنگی نەورۆزیان تیدا دەگێڕدرێن، ئاشکرا کران و دەستپێکردنی نەورۆز لە ١٥ی ئادار لە ناوچەی دەپی خارپێت دەبێت.

14:24

شادی مەهدوور، کە وانە بە زمانی گورجیی دەڵێتەوە، لە ڕێگەی گروپەکەیەوە کولتووری گورجی لە ئێراندا دەناسێنێت و پەرتوک لەو بوارەدا دەنووسێت، وتیشی: ئامانجمان دروستکردنی هەستی جوان و ئارامی و دۆستایەتییە لە نێوان خەڵکدا.

14:06

لە خوێندنگەیەکی ویلایەتی کادونای باکووری ڕۆژئاوای نەیجیریا، ٢٨٧ منداڵ لەلایەن گروپە چەکدارەکانەوە ڕفێندران کە زۆرینەیان تەمەنییان هەشت ساڵانە.

13:28

یەکێک لە براکانی مامۆستا جیهان تەها، لە ڤیدیۆیەکدا لە ڕێگەی نەخشەوە، شێوازی تیرۆرکردنی ئەو مامۆستایە ڕوون دەکاتەوە و دەڵێت: هەموو ئەگەرەکان پێکەوە گرێ بدرێت بە تەواوی دەردەکەوێت، کە تیرۆر کراوە.

12:53

ژنانی ئێزدی و عەرەب لە دۆڵی کەرسی شەنگال لە ٨ی ئاداردا بە ئاهەنگێکی بەرفراوان ڕۆژی جیهانی ژنانیان پیرۆزکرد و داوای ئازادی جەستەیی ڕێبەری گەلی کورد عەبدوڵا ئۆجالانیان کرد و وتیان: ئەمە سەرکەوتنی ئێمە دەبێت.

12:10

لە شاری سلێمانی، ژنانی ئازاد بە ڕێپێوانێک ٨ی ئاداریان پیرۆز کرد، ژنانی بەشداربووی ڕێپێوانەکە داوای ئازادییان بۆ ڕێبەری گەلی کورد، عەبدوڵا ئۆجالان و یەکسانی بۆ ژنانی کورد و تەواوی جیهان کرد.

10:35

لە توێژینەوەیەکی نوێدا دەربارەی پێگەی ژنان لە سەرنووسەری دەزگاکانی هەواڵدا، ئاشکرا کراوە، کە تەنها ٢٤٪ی سەرنووسەرەکانی ٢٤٠ دەزگای هەواڵ لە ١٢ وڵاتدا ژنن.

09:01

قایمقامی هەڵەبجە لە چوارچێوەی ٨ی ئاداردا، هاوکاری دارایی ژنانی خاوەنکاری کرد.

08:38

ژنان لە باکوور و ڕۆژهەڵاتی سووریا شۆڕشی ژنانیان ڕێکخست و لە ماوەی ١٢ ساڵدا دەستکەوتی جیاوازیان هەبوو، ژنان شۆڕشی خۆیان بۆ فەلسەفەی ژن، ژیان، ئازادی، یاساکانی ژنان، سیستمی هاوسەرۆکایەتی و خۆبەڕێوەبەری ئەنجام داوە.

08:03

بە بڵاوکردنەوە و هەڵواسینی پۆستەری وێنەی ژنە شەهیدانی پێشەنگ و تێکۆشەر، ڕێکخراوی ژنانی ئازادی کوردستان-ڕژاک ٨ی ئاداری لە کەرکوک پیرۆز کرد.

07:47

کۆمەڵەی نێودەوڵەتی ژنان لە ڕادیۆ و تەلەڤیزیۆن بەبۆنەی ٨ی ئادار پیرۆزبایی لە ژنان کرد و ئاماژەی بەوەکرد، لە چەندین  وڵات ڕێگری لە پێشکەوتن و سەرکردایەتی ژنانی ڕۆژنامەنووس دەکرێت.

15:24

بە پێشەنگایەتی ڕێکخراوی ژنانی ئازادی کوردستان-ڕژاک، ژنان لە شاری سلێمانی ڕێپێوانێکی جەماوەرییان ساز کرد و ٨ی ئاداریان پیرۆز کرد.

13:23

فەرماندەیی گشتیی یەکینەکانی پاراستنی ژنان-یەپەژە پەیامێکی بەبۆنەی ٨ی ئادار، رۆژی جیهانیی ژنان بڵاوکردەوە و رایدەگەیەنێت، هەموو جۆرە سیاسەتێکی پاکتاوکاریی و داگیرکاریی و گۆشەگیریی تێکدەشکێنین و ئایندەیەکی ئازاد و ئارام دەکەینە دیاریی بۆ هەموو ژنان.

12:40

ڕێکخراوی نێودەوڵەتی کۆچ ڕایگەیاند، لە ماوەی ساڵی ٢٠٢٣دا ٨ هەزار و ٥٦٥ کەس بەهۆی کۆچکردنەوە لە سەرانسەری جیهان گیانیان لەدەستداوە، بەمەش کوشندەترین ساڵ بووە.

11:57

مەحرەمە قادری، یەکێک لە چالاکوانانی مافی منداڵان، بە بۆنەی ٨ی ئادارەوە وتی: ژنانی ئەفغانستانیش وەک خوشکە کورد و ئێرانییەکانیان، هەرگیز ڕادەستی یاسا دژە ژنانەکان و ئیسلامییەکان نەبوون، هەرچەندە ڕووبەڕووی زیندان و ئەشکەنجە و سێدارە و تیرۆر بووبێتنەوە.

11:44

ڕابردوو چوار هاوڵاتی گوندی دێوکەی سنوری شیلادزێ بە مەبەستى کۆکردنەوەى گژوگیایی بەهارە ڕوویان لە کوێستانەکانی ناوچەکە کردووە، بەڵام فرۆکە جەنگیەکانى دەوڵەتی تورک بۆردوومانى کردوون و دووانیان شەهید بوون.