ڕۆژانە

19:06

دەسەڵاتدارانی ئێران مریەم سادات چالاکوانی مەدەنی و سیاسیان دەستبەسەر کرد و گواسترایەوە بۆ زیندانی ئەڤین بۆ جێبەجێکردنی سزاکەی.

18:30

لە چوارچێوەی زنجیرە چالاکییەکانی ٨ی ئاداردا، سیمینارێک بە خوێندکارانی ئامادەیی کەمپی ئاوارەکانی مەخموور ئەنجامدرا.

18:01

ئەنجوومەنی ژنانی پارتی یەکسانی و دیموکراسیی گەلان-دەم پارتی، چالاکییەکانی ڕۆژی جیهانی ژنانیان بە نامایەکی گوڵتان کشاناک، دەستپێکرد.

17:17

بە پێی ئەو ئامارانەی ئەنجوومەنی دادوەری هەرێمی کوردستان، بڵاویکردەوە، ڕێژەی جیابوونەوەی هاوسەرگیری و فرە ژنی زیادی کردووە، زۆرینەی تەمەنەکانیش لە نێوان ٢٠ بۆ ٢٤ ساڵدان.

16:34

پرۆژەی پاڵپشتیکردن لە بەهرەی ژنان و یەکگرتوو کۆمەڵایەتی لە هەڵەبجە کۆتایی هات.

14:48

ژنان لە عامودا بۆنەی ٨ی ئادار ڕۆژی جیهانی تێکۆشانی ژنان ڕێپێوانێکیان ڕێکخست، سەدان ژن بە دروشمی "ڕێکخراوی ژنان وەڵامدانەوەی هێرشەکانی داگیرکارییە" بەشدارییان لە ڕێپێوانەکەدا کردو تیشک خرایە سەر هێرشەکان بۆ سەر ژنانی پێشەنگ.

14:22

یەکێتی ژنانی دیموکراتیکی عەلەوی ڕایگەیاند، هەتا دەگەنە ژیانێکی ئازاد و یەکسان و دیموکراتیک، دەستبەرداری تێکۆشانی دژ بە گۆشەگیری، زایەندپەرستی، ئایننپەرستی ونەتەوەپەرستی نابن.

14:08

ژنانی پەیەدە و کۆنگرەی ستار لە شاری سلێمانی بە دروشمی "ژن، ژیان، ئازادی" سیمینارێکیان لەبارەی تێکۆشانی ژنانی کوردستان پێشکەشکرد و گوڵیان بەخشییە ژنانی بەشداربوو.

13:35

کەیسەکەی عەدالەت کایا، پەرلەمانتاری دەم پارتی بە تۆمەتی "ئەندامبوون لە ڕێکخراوێکی نایاسایی" ڕاگیرا.

13:07

ڕێکخراوی چاودێری مافەکانی مرۆڤ ڕایدەگەیەنێت، پیاوانی ئاینیی لە دەرەوەی دادگا گرێبەستی هاوسەرگیری ئەنجامدەدەن، کە پێشێلی یاساکانی عێراق و مافی ژنان و منداڵانە .

12:34

ژنێک لە هەولێر لەلایەن باوک و براکانییەوە ئەشکەنجەدراوەو هەڕەشەی کوشتنی لەسەرە، بەهۆی ئەوەی یەکێک لە براکانی لە هێزە ئەمنییەکاندایە هەوڵدەدرێت کەیسەکەی ون بکرێت و ئاڕاستەی دادگا ناکرێت.

10:59

بەشداربووانی خۆپیشاندانەکانی سەیدا، کە چوونەتە ٢٠٠یەمین ڕۆژی خۆپیشاندانەوە، جەختیان لەوە کردەوە بەردەوام دەبن لە خۆپیشاندان تاوەکو داواکارییەکانیان جێبەجێ دەکرێن.

10:42

ڕێکخراوی یونسێف ڕایگەیاند، لە ماوەی چەند ڕۆژی ڕابردوودا بەلایەنی کەم ١٠ منداڵ لە غەززە گیانیان لەدەستداوە بەهۆی نەبوونی خۆراکەوە، منداڵان بە هێواشی لەبەردەم چاوی جیهاندا دەمرن بەهۆی نەبوونی خۆراکەوە.

09:53

بەبۆنەی ٨ی ئادار، ڕۆژی جیهانی تێکۆشانی ژنان، تەڤگەری هیلالی زێڕینی عەفرین-شەهبا لە ئامادەکاریدایە، ژنان ڕایانگەیاند لەناو هێرش و گەمارۆدا خۆیان بۆ ٨ی ئادار ئامادە دەکەن.

09:02

ڕێکخراوی سندوقی قوربانیانی کوردستان سکاڵایەکی لە دادگای فیدراڵی ئەمریکا تۆمار کردووە بۆ دادگاییکردنی مەسرور بارزانی و نەوەکانی بارزانی لەسەر تاوانەکانیان، تاژێ لە نامەیەکدا پشتگیری سکاڵاکەی کرد.

08:00

لە ٨ی ئادار، ڕۆژی جیهانیی تێکۆشانی ژنان کە بۆ ماوەی ١٢٤ ساڵە لە سەرانسەری جیهاندا بە چالاکی جۆراوجۆر پێشوازی لێکراوە، بۆ یەکەم جار لە ساڵی ٢٠١٣ لە شەنگال لە حەوشەی دایکە پاکیزە پیرۆزکرا.

20:00

جگە لە کوردستان، کوردان بە بۆنەی ٨ی ئادارەوە، لە وڵاتانی دیکەش چالاکی ئەنجام دەدەن، بە پێویستیشیان زانی ژنان بۆ ئازادی ڕێبەری گەلی کورد عەبدوڵا ئۆجەلان تێبکۆشن.

19:37

سزای ٢١ مانگ زیندانیکردن بۆ مهۆش توسلی، یەکێک لە دەستبەسەرکراوەکانی ڕاپەڕینی شۆڕشگێڕانەی "ژن ژیان ئازادی" جێبەجێ کرا.

18:59

لە قامیشلۆ بۆ بڵاوکردنەوەی هۆشیاری دەربارەی ماددە هۆشبەرەکان و کاریگەرییان لەسەر کۆمەڵگە و ژنان چالاکییەک ئەنجامدرا و تیایدا جەخت لە بڵاوکردنەوەی هۆشیاری کرا.

18:01

لە حەسەکە بە دروشمی ' با ٨ی مارس بکەینە ڕۆژێک بۆ پەرەپێدانی خەبات و بەرخۆدان' چالاکی بە بۆنەی ڕۆژی جیهانی ژنانەوە ئەنجام درا