ڕۆژانە

09:19

کوشتنی ژنان لە ئەفغانستان لە زیادبووندایەو تیشک دەخاتە سەر پەرەسەندنی قەیرانی ئەمنی و پێشێلکارییەکانی مافی مرۆڤ لە وڵاتەکەدا، کە ژنان و منداڵان زیاتر ڕووبەڕووی مەترسی دەبنەوە.

08:58

نور حەمادە، ڕۆژنامەنووس و چالاکوانی فێمینیستی لوبنانی، یەکێکە لەو کەسایەتییە دیارانەی کە بۆ پرسی فێمینیزم و یەکسانی ڕەگەزی لە جیهانی عەرەبیدا خەباتی کردووە.

08:28

مزگین حەسەن، بەڕێوەبەری هێزی پاراستنی کۆمەڵگەی کانتۆنی جزیرە، جەختی لە گیانی بەهێزی سەفەربەریی لە ناوچەکە کردەوە لە بەرامبەر هێرشەکان و وتی: پاراستنی کۆمەڵگە ئەرکی هەموومانە، دەبێت بە سەفەربەریی خاکەکەمان بپارێزین.

07:51

دیلان دیلۆک، هاوڕێی ڕۆژنامەنووس جیهان بیلگین کە لە هێرشی دەوڵەتی تورکدا لەگەڵ ڕۆژنامەنووس نازم داشتان شەهید بوو، وتی: جیهان لە پێناو دۆزی ژن و بۆ ئاشکراکردنی ڕاستییەکان خەباتی کرد، ئێمە بەو شێوەیە بەردەوام دەبین.

14:40

وەزارەتی تەندروستی فەڵەستین ڕایگەیاند، ژمارەی گیان لەدەستدانی شەڕی بەردەوامی هێزەکانی ئیسرائیل و حەماس بۆ ٤٥ هەزار و ٤٣٦ کەس بەرزبووەتەوە و ١٠٨ هەزار و ٣٨ کەسی دیکەش برینداربوون.

13:59

خراپی بارودۆخی دارایی دانیشتووان لە سودان و وەستانی چێشتخانە خێرخوازیەکان وایکردووە دەیان منداڵ بەدەست بەدخۆراکییەوە بناڵێنن و بەشێکی زۆریان گیانیان لەدەستداوە.

13:41

ژنانی سوەیدا ئاماژە بەوەدەکەن، کاندیدکردنی موحسینە ساڵح ئەلموحتوی یەکەمجارە لە سووریا و ڕایانگەیاندووە، ڕێگا خۆش دەکات بۆ ئەوەی ژنان بەشداری لە بڕیاردان بکەن، پێویستە ژنان بەشداربن لە بونیادنانی سووریایەکی نوێدا.

12:31

کۆردیناسیۆنی کۆنگرە ستار- ئەورووپا ڕایگەیاند پێویستە ژنان لە دژی هێرشە داگیرکارییەکانی دەوڵەتی تورک هەموو گۆڕەپانە ژیانییەکان بکەن بە گۆڕەپانی بەرخۆدان و تێکۆشان.

12:13

ڕێكخراوی “ڕائدە” كە چاودێری قەیرانەكانی خۆراك دەكات لە سەرانسەری جیهان، ڕاپۆرتێکی دەربارەی برسێتییەكی مەترسیدار لە باكووری غەززە بڵاوکردەوە بەڵام لەسەر داوای ئەمریكا ڕاپۆرتەکەی کشاندەوە.

10:42

دانیشتنی دووەمی دۆسیەی تایبەت بە کوشتنی نارین گورانی تەمەن ٨ ساڵان لە ڕۆژی دووەمدا بە پاراستنی تاوانباران بەردەوامە.

10:16

هەڵمەتی واژۆکردن بە پلەی یەکەم لە عێراق و لەسەر ئاستی نێودەوڵەتی، بۆ پەسەندکردنی فەرمانی ٧٤ دژ بە پێکهاتەی ئێزدی وەک 'جینۆساید'، لە شەنگال بەردەوامە.

09:57

حەلیمە حەلیس، کۆچبەرێکی تەمەن ٧٠ ساڵە لە غەززە و لە بارودۆخێکی سەختدا دەژی، ئاماژەی بەوەکرد، ڕۆژانە تەنها یەک ژەمیان دەستدەکەوێت، ئاو پاک نییە، منداڵەکانیان لە باوەشیاندا دەمرن، داوای لە جیهان کرد ئەم شەڕە ڕابگرن.

08:59

جەجیلیا بریگهی، ئەندامی تۆڕی ژنانی ئیتاڵیا بە ناوی نۆی ڕەتە دۆنە، بە پەیامێک پشتیوانی خۆی بۆ خەباتی ژنان دەربڕی و ڕایگەیاند، پێویستە دیپلۆماسی نێودەوڵەتی گوێ لە داواکارییەکانی ژنانی سووریا بگرێت.

07:51

گولناز عوسمان، بەڕێوەبەری ئەنجومەنی ئاینیی ژنانی کۆنگرەی ئیسلامی دیموکراتیکی تل تەمر، هەڵسەنگاندنی بۆ ئەو پرۆسەیە کرد کە ژنانی سووریا لە ئێستادا ڕووبەڕووی دەبنەوەو ڕایگەیاند، نابێت بێدەنگ بن بەرامبەر بە ئیسلامی سیاسی.

17:05

١٩١ پارێزەر لە ڕۆژهەڵاتی کوردستان و ئێران هێرشەکانی دەوڵەتی تورکیا و چەتەکانیان بۆ سەر باکوور و ڕۆژهەڵاتی سووریا ئیدانە کرد و داوایان لە نەتەوە یەکگرتووەکان کرد بە زووترین کات ڕێگری لە هێرشەکان بکات.

14:34

لەکاتێکدا پێکدادانەکانی نێوان هێزەکانی پاڵپشتی فریاکەوتن و سوپای سودان بەردەوامە، منداڵان، بەتایبەتی ئەو منداڵانەی لە ناوچە بیابانییەکاندان بەڵگەنامەی ساختەیان بۆ دروست دەکرێت و بەم شێوەیە دەیانبەن بۆ سوپا، چەکیان پێدەدەن و ناچاریان دەکەن شەڕ بکەن.

13:52

وریشە مورادی و پەخشان عەزیزی دوای چەند مانگێک بێ ئاگایی و بێبەشبوونیان لە مافی جاوپێکەوتن، توانییان لەگەڵ بنەماڵەکانیان چاوپێکەوتن ئەنجام بدەن.

13:30

لە ئامەد، پێش دانیشتنی دووەمی دۆسیەی کوشتنی نارین گوران، ئەندامانی تۆڕی دژە توندوتیژی لێدوانێکیان دا و ڕایانگەیاند، تا کۆتایی دۆسیەی نارین و ڕۆژین و هەموو ژن و منداڵە کوژراوەکان بەدواداچوون دەکەن.

13:09

ژنانی ناڕازیی شاری باغلان، بە کۆبوونەوە لە شوێنێکی داخراودا خوازیاری دانپێدانانی ئاپارتایدی جێندەری لە ئەفغانستان بوون.

12:58

کۆمەڵەی ژنانی ڕۆژنامەنووسی میزۆپۆتامیا (MKG) و کۆمەڵەی ڕۆژنامەنووسانی دیجلە- فورات (DFG)، مەراسیمێکی یادکردنەوە بۆ ڕۆژنامەنووسانی کوژراو، جیهان بیلگین و نازم داشتان ساز دەکەن.