ڕۆژانە

10:53

مامۆستايان و فەرمانبەرانی سنووری سلێمانی ڕایانگەیاند، حكومەتی كار بەڕێكەری هەرێم موچەكانیانی بە بارمتە گرتووەو لە ئێستادا متمانەیان بە حكومەتی هەرێم نەماوە.

10:26

ڕاستی ڕووداوێک لە گوندەکانی مەنبجەوە لە ناوچەی باکوور و ڕۆژهەڵاتی سووریا کە داگیرکراوە، تیرۆرکردنی سێ کەسە لە بنەماڵەیەکی کوردەوە.

10:04

لە بەرامبەر هێرشەکانی سەر باکوور و ڕۆژهەڵاتی سووریا، ئەو ژنانەی دوای ١٠ ساڵ جارێکی دیکە لە سنووری کۆبانێ ئێشکگری دەکەن وتیان: چارەسەر و ئاشتیمان دەوێت، پێویستە هەمووان سەردانی ئەم شوێنە بکەن، بە پشتیوانی گەلی ڕۆژئاوا جارێکی دیکە سەرکەوتوو دەبن.

09:35

ئەو ژنانەی بەهۆی هێرشە داگیرکارییەکانی دەوڵەتی تورکەوە لە شارەکانی شەهبا، تل ڕەفعەت و مەنبج ئاوارە بوون، ڕایانگەیاند کە دەوڵەتی تورک و چەتەکانی لە ناوچە داگیرکراوەکان تاوانی دژ بە مرۆڤایەتی ئەنجام دەدەن و داوایان لە گەل کرد هەڵوێستیان هەبێت.

14:30

لە ماوەی ٢٤ کاتژمێری ڕابردوودا لە ٣ شاری تورکیا ٣ ژن کوژران، یەکێک لەو ژنانە سەرەڕای بڕیاری دورخستنەوە، بەڵام پارێزراو نەبوو، بکوژی یەکێکی دیکەش لە ژنانە تا ئێستا دەستگیر نەکراوە.

13:40

دەوڵەتی داگیرکەری تورکیا بینای شارەوانی شارۆچکەی ئازادی، کە دەکەوێتە باکووری ڕۆژئاوای شاری تەبقا بە فڕۆکەی بێ فڕۆکەوان بۆردوومان کرد.

12:59

خاوەن پێداویستییانی ژن لە فیدراسیۆنی خاوەن پێداویستییانی باکوور و ڕۆژهەڵاتی سووریا لە بەیاننامەیەکی نووسراودا، لە کاردانەوە بەرامبەر قسەکانی عائیشە دبس لە فەرمانگەی کاروباری ژنان لە دیمەشق، ڕایانگەیاند، هیچ هێزێک ناتوانێت شکست بە شۆڕشی ژنان بهێنێت.

12:26

ئەحلام زێن لە غەززەوە ئاماژەی بەوەدا کە پێش شەڕی غەززە پەیوەندییە کۆمەڵایەتییەکان بەهێز بوون، بەڵام بەهۆی بەردەوامبوونی شەڕ و گرانبوونی نرخی کاڵاکان، ئێستا ئەو پەیوەندییانە لاواز بوون.

11:58

بە پێی ڕاپۆرتی ساڵی ٢٠٢٤ی کەمپەینی چالاکوانانی بەلوچ؛ دەرکەوتووە ژنانی بەلوچ لە ساڵی ٢٠٢٤ لەلایەن دامەزراوە خێزانیی و دەوڵەتییەکانەوە تووشی توندوتیژی و ستەم بوون و لە ئەنجامدا ژمارەیەکی زۆر لە ژنان کوژران و بریندار بوون.

09:19

 عەزیزە حەسۆ جەختی لەوە کردەوە کە ئایین بە هۆشی پیاوسالارەوە لە جەوهەرەکەی دوور خراوەتەوە و وتی: ١٣ ساڵە هیچ ئایین و باوەڕ و پێکهاتەیەک لە سیستەمی نەتەوەی دیموکراتیکدا پێشێل نەکراوە، لە سووریای نوێدا پێویستە سوود لە سیستەمی خۆبەڕێوەبەری وەربگیرێت.

14:30

بەپێی ڕاپۆرتی "کارنامەی ئازادی ڕۆژنامەگەری ٢٠٢٤: ئەناتۆمی بێدەنگکردنی ڕاستی"، لە ئەنجامی هێرشی دەوڵەتی تورکیا چوار ڕۆژنامەنووس گیانیان لەدەستداوە، ١١٢ڕۆژنامەنووس دەستبەسەر کراون و ٢٦ ڕۆژنامەنووس دەستگیرکراون.

13:42

تاژێ ڕاگەیەندراوێکی دژ بە هێرش بۆ سەر دامودەزگا و ڕێکخراوەکانی ژنان لە سلێمانی دەرکرد و ڕایگەیاند، ئیدانەی ئەو هێرشانە دەکەن.

12:38

لیژنەی پاراستنی ڕۆژنامەنووسان و پەیامنێرانی بێ سنوور ڕەگەیەندراوێکیان بڵاوکردەوە و داوای ئازادکردنی دەستبەجێ و بێ مەرجی ڕۆژنامەنووسی ئیتاڵی سێسیلیا سالا دەکەن.

12:19

ڕۆژنامەنووسانی ژن لە باشووری کوردستان، لە بارەی ڕاگرتنی کارەکانی کۆمپانیای گزنگی بەربەیان، کە بۆ ژن تیڤی کار دەکات، ڕاگەیەندراوێکیان بڵاوکردەوە و ڕایانگەیاند، "‎ئەم هەنگاوە بنەما سەرەکییەکانی سەربەخۆیی میدیا و ئازادیی ‎رادەربرین، تێکدەدات".

12:08

ئەمڕۆ لە بارەی ڕاگرتنی کارەکانی کۆمپانیای گزنگی بەربەیان کۆنگرەیەکی ڕۆژنامەنووسی ئەنجامدرا و سەنتەری میترۆ ڕایگەیاند، داخستنی هەندێک ناوەندی رێكخراوەیی و میدیایی پەیوەندی بە فشاری دەرەكییەوە هەیە، بڕیارەكە سیاسییە بەڵام بەرگی یاسای لەبەركراوە.

10:41

لە کۆمەڵکوژییەکی نوێدا دژ بە خەڵکی ئاوارە لە ناوچەی ئەلمەواسی لە ڕۆژئاوای خان یونس، بۆردوومانی هێزەکانی ئیسرائیل بووە هۆی گیان لەدەستدانی ١١ کەس کە سێ منداڵیان تێدابووە.

10:24

دانیشتووانی شاری مەنبج داوای گەڕانەوەی هێزەکانی قەسەدەو یەپەژەیان کردو ئاماژەیان بەوەکرد، دوای چوونی چەتەکان بۆ منبج، خراپەکاری و کوشتن و کۆچ زیادی کردووە، شارەکە لە تاریکیدا ماوەتەوە.

10:09

لە سودان بەهۆی شەڕی ناوخۆوە هێشتا بەشێکی زۆر لە منداڵان بێبەشن لە خوێندن و بۆ ماوەیەکی نادیار لە خوێندنگە دوور کەوتوونەتەوە، دیاریکراوە کە ئەگەر ئەم منداڵانە نەخوێنن ڕوو لە چەکداران دەکەن و شەڕی سودان هەرگیز کۆتایی نایەت.

08:28

شەڕڤانانی یەکینەکانی پاراستنی ژنان "یەپەژە" لە تل تەمرەوە پەیامی خۆیان بۆ ساڵی ٢٠٢٥ دا و ڕایانگەیاند: چەکەکانمان دانانێین و بۆ پاراستنی ژنان بەکاریان دەهێنین، با ژنان پێکەوە شۆڕشەکەیان بپارێزن.

08:08

ڕێکخراوی نودەم کە بۆ پاڵپشتیکردنی کەسانی خاوەن پێداویستی تایبەت و ئاسانکردنی ژیانیان دامەزرا، لە گەڕەکەکانی شێخ مەقسوود و ئەشرەفییە لە شاری حەلەب دەستی بە چالاکییەکانی کرد، ڕێکخراوەکە هەوڵدەدات بگاتە هەموو خاوەن پێداویستییە تایبەتەکانی شاری حەلەب.