ڕۆژانە

08:21

گەلی نسێبین کە پئیشکگری سنووری قامیشلۆ دەکەن بۆ پشتیوانی لە گەلی باکوور و ڕۆژهەڵاتی سووریا، بە پەیامی "سنوور ناتوانێت کورد دابەش بکات، قسەی ڕۆژئاوا قسەی ئێمەیە" و ڕایانگەیاند، ڕۆژئاواو دەستکەوتەکانیان دەپارێزن.

07:47

هەدیە شەمۆ، وتەبێژی یەکێتی ژنانی ئێزدی ڕۆژئاوا جەختی لەسەر مەترسی ئەو کردەوانە کردەوە کە لە سووریا دژی ئایین و بیروباوەڕ ڕوودەدەن و وتی: ئەم کردەوانە کە بە پێچەوانەی بیروباوەڕەکانەوە دەگوزەرێت، مەترسییەکی گەورەن بۆ سەر ئایندەی سووریا.

15:00

سەروناز ئەحمەدی، لە زیندانی ئێڤین لەدوای یەک ساڵ و ٦ مانگ زیندانی بە مەرج ئازاد کرا.

14:47

نەجلا سەکافی، ڕۆژنامەنووسی فەڵەستینی بەهۆی ڕاپۆرتکردنی ژیانی ژنان لە چادری ئاوارەکان لە غەززە خەڵاتی نێودەوڵەتی ساڵی ٢٠٢٤ی بەدەستهێنا، لە کاتتێکدا خۆشی لە کاتی نووسینی ڕاپۆرتەکە لە ئاوارەبووندا بووە.

14:27

فڕۆکە بێفڕۆکەوانەکانی دەوڵەتی داگیرکەری تورک، لە گوندی “ئەل هیشا” لە ڕۆژهەڵاتی عەین عیسا خاڵێکی هێزەکانی ئاسایشی ناوخۆی بۆردوومان کرد.

14:17

ڕێکخراوی تەندروستی جیهانی پشتڕاستیکردەوە کە ئەو گەمارۆیەی هێزەکانی ئیسرائیل بۆ ماوەی زیاتر لە ٨٠ ڕۆژ بەسەر باکووری غەززەدا سەپاندوویەتی، ژیانی ٧٥ هەزار هاوڵاتی مەدەنی دەخاتە مەترسییەوە.

14:05

بە ئامادەبوونی ئەندامانی دەستەی سەرپەرشتیاری هەڵمەتی کۆکردنەوەی هاوکاری بۆ ڕۆژئاوای کوردستان گۆنگرەی نەتەوەی کوردستان-کەنەکە پشتیوانی لە کەمپەینی هاوکارییەکان بۆ ڕۆژئاوا کرد.

13:53

ئەو منداڵە تەمەن ١٠ ساڵانەی لە شاری کەرکوک ئەشکەنجەدرابوو گیانی لەدەستداو مامی منداڵەکە بە تۆمەتی ئەشکەنجەدانی منداڵەکە دەستگیرکراوە.

13:45

لە ١٢ی کانوونی ئەمساڵ و هاوکاتی ئاوارەبوونی هەزاران کەس لە ڕۆژئاوای کوردستان، لە شاری سلێمانی کەمپەینی هاوکاری بۆ ڕۆژئاوای کوردستان ڕاگەیەندرا و کۆمەک کۆکرایەوە، ئەمڕۆش سندوقی هاوكاتییەکان لە ڕێکخراوی ئازادبوون داخرا و دەنێردرێن بۆ ڕۆژئاوای کوردستان.

13:44

زیاتر لە ٥٠٠ ژن لە کوردستان، وڵاتانی عەرەبی و ئەوروپاوە داوایان لە دۆناڵد ترامپ، سەرۆکی ئەمریکا و ئەنتۆنیۆ گۆتێرێس، کۆمیسیاری گشتی نەتەوە یەکگرتووەکان کرد، ستاتۆی خۆبەڕێوەبەری لە باکوور و ڕۆژهەڵاتی سووریا بناسێندرێت.

11:38

تاڵیبان کە ژنان لە شوێنە گشتیەکان دوور دەخاتەوەو لە ماڵەکانیاندا زیندانییان دەکات، لە بڕیارێکی نوێدا دەڵێت نابێت ژنان لە پەنجەرەی ماڵەکانیانەوە ببیندرێن.

10:49

کۆمەڵەی ژنانی زەنوبیا ڕایانگەیاند، لێدوانەکانی عائیشە ئەلدبس هەوڵێکی بێهیوایە بۆ دوورخستنەوەی ژنان لە ڕۆڵی چالاکیان لە بونیادنانی سووریای نوێ، پێویستە ئازادیی کارکردنی ژنان و پاراستنی مافەکانیان دەستەبەر بکرێت.

10:34

ژیان ئاتەش کە ٨ جار سزاکەی هەڵپەسێردرا و دوای ١٣ ساڵ ئازادکرا، ڕایگەیاند، سەرەڕای زیادبوونی سەرپێچی لە زیندانەکاندا، زیندانیان ئیرادە و کەرامەتی خۆیان دەپارێزن و دەبێت دەنگی زیاتر بدەین بە زیندانیان.

08:42

ڕێکخراوی سارا بۆ بەرەنگاربوونەوەی توندوتیژی دژی ژنان بڵاویكردەوە، ئایدۆلۆژیای عائیشە ئەلدبس ژنان لە وەرگرتنی پۆست و چوونە ناو بازاڕی کار ڕەت دەکاتەوە، لێدوانەکەی تۆمەتێکی ڕاستەوخۆن لە دژی ئێمە.

08:29

تا کۆمەڵگە خۆی ڕێک نەخات و شەڕی شۆڕشگێڕانەی خۆی ئەنجام نەدات، شەڕی نێوان دەسەڵاتداران کۆتایی نایەت، پێویستە کۆمەڵگە بەتایبەت ژنان و گەنجان خۆیان ڕێکبخەن، شەڕێکی شۆڕشگێڕانەی گەل دەستپێبکەن بۆ کۆتاییهێنان بە دەسەڵاتداران و داگیرکارییەکانیان.

08:13

ژنانی ئێزدی شەنگال سەرنجیان بۆ هێرشەکانی دەوڵەتی تورک و چەتەکانی بۆ سەر شەهبا ڕاکێشا و ڕایانگەیاند، ئازارەکانی شەنگال و عەفرین وەک یەکە، تێکۆشانی ئێمەش وەک یەک دەبێت.

15:27

ڕێکخراوی کولتووری و زانستی و پەروەردەیی نەتەوە یەکگرتووەکان "یونسکۆ" ڕایگەیاند، لە ساڵی ٢٠٢٤دا ٦٨ ڕۆژنامەنووس لەسەر ئەرکی خۆیان کوژراون.

15:11

هاوسەرۆکی گشتیی پارتی دیم، تولای هاتیمۆغولاری وتی: لەم کاتە هەستیارەدا هەموو بازنەکانی سیاسی پێویستیان بە هەنگاوی ئەرێنی و بوێرانە هەیە بۆ چارەسەر، لەبەردەم دەرفەتێکی مێژووییین، دەتوانین پێکەوە داهاتوو ڕۆشن بکەینەوە.

14:52

پەروین بوڵدان، پەرلەمانتاری دەم پارتی باسی لە دیدارەکەی ڕێبەری گەلی کورد عەبدوڵا ئۆجالان کردو وتی: ئیرادەی بەرز بوو، ویستی لەگەڵ سەرکردە گشتیەکانی حزبەکان بە مەهەپەشەوە کۆببینەوەو ڕێباز و خواستەکانی خۆمانیان پێ بگەیەنین.

14:09

وەزارەتی دارایی و ئابووریی تاڵیبان جارێکی دیکە فەرمانی داوە بە قەدەغەکردنی کاری ژنان لە دامەزراوەکاندا، هۆشداریی داوە بە ڕێکخراوەکان ئەگەر پابەندی فەرمانەکە نەبن ئەوا مۆڵەتەکانیان هەڵدەوەشێندرێتەوە.