rojane

16:07

Di nav krîza aborî, enflasyona bilind û kêmbûna hêza kirînê de, teqawûdên Ewlekariya Civakî li Şûş, Ahvaz û Tehranê xwepêşandanên protestoyî lidarxistin. Daxwaza zêdekirina mûçeyan, cihanîna mafên yasayî û çareserkirina şertên jiyanê kirin.

15:27

Medyayên xwecihî yên Îranê ragihandin ku çalakvanên naskirî yên jîngehê Sepîdeh Kaşanî, hevjînê wê Homan Jokar û xwişka wê Sîma Kaşanî piştî girtina wan a demkî hatine berdan.

15:15

Piştî têkçûna torên dabînkirinê yên bingehîn li çend herêmên Sûdanê, aloziyên mirovî gihîştin lûtkeyê. WFP ragihand ku ji ber astengiyên ewlehiyê û kêmbûna fînansekirinê, bi hezaran malbat û zarok li bajarê El-Ubeyd rûbirûyî rîska birçîbûneke giran bûne.

14:58

Bi boneya 14’emîn salvegera Şoreşa Rojavayê Kurdistanê li bajarê Silêmaniyê yê başûrê Kurdistanê pîrozbahî hat lidarxistin. Beşdaran diyar kirin ku Şoreşa Rojavayê Kurdistanê di dîroka gelê Kurd de rûpelek zêrîn vekir.

12:03

Platforma Yekîtiya Neteweyî ya Jinên Kurd êrişên li ser Herêma Kurdistanê şermezar kirin û diyar kir ku bersiva herî xurt a li dijî dagirkeriyê, avakirina yekdengiya neteweyî ye.

11:31

Tevgera Roja Azadiya Jinên Efganistanê pergala “cudakariya zayendî” ya Talîbanê ku jinan ji kar, xwendin û jiyanê dûr dixe şermezar kir bang li cîhanê kir ku gavên berbiçav biavêje, Talîbanê bidarizîne û dawî li vê zilmê bîne.

11:20

Dadgeha Îranê bi tohmeta "heqareta li exlaqê giştî" cezayê 74 qamçiyan li stranbêj Anîta Papîst birî. Digel cezayê bedenî, pasaporta hunermend hate desteserkirin û xeta wê ya telefonê hat astengkirin.

11:07

Hejmara nû ya Kovara Jinê bi berga “Şoreşa Rojava: Azadiya Jinan û Aştiya Civakî” derket pêşberî xwendevanên xwe.

10:20

Aktîvîsta siyasî û rojnamevan Bêrîvan Mihemmed destnîşan kir ku tevî pêvajoya aştiyê jî êrîşên dewleta Tirk li ser ax, xweza û gundên Kurdistanê berdewam dikin û got: "Hikûmeta Başûr bi bêdengiya xwe bûye parçeyek ji van polîtîkayên dagirkeriyê."

08:29

Li Rojavayê Kurdistanê şoreşê derfet da jinên hemû pêkhateyan da ku bi nasnameya xwe beşdar bibin û dengê civaka xwe ragihînin. Jinên ji pêkhateyên Suryan û Ermen piştrast kirin ku hebûna jinan di nava şoreşê de têkoşînê xurtir kiriye.

18:03

Tevî ku li Parlamentoya Cezayîrê ji bo jinan du kursiyên din jî hate dayîn, ev yek rastiya kêmbûna nûnertiya jinan naguherîne.

16:35

Girtiyên li girtîgeha Qizil Hesarê ku li dijî zêdebûna cezayên darvekirinê û zextan dest bi greva birçîbûnê kirine, tevî xirabbûna rewşa wan a tenduristiyê û fişarên rêveberiyê, di roja 6’emîn de çalakiya xwe bi biryardarî didomînin.

16:20

Li qada Galatasarayê kiryarên nûçegihanê Rojnameya Ozgur Gundemê Ferhat Tepe hatin pirsîn. Ji dayîkên Şemiyê Zubeyde Tepe got: “Hevalê min ê rê Îshaq Tepe koça dawî kir. Dema ku ew sax bû, tenê daxwaza wî ew bû ku were vê qadê û têkoşînê bike bû.”

16:10

Li Komara Demokratîk a Kongoyê şewba Ebolayê bi lez belav dibe û hejmara mirinan gihîşt 864’an. Li dijî vê krîza tenduristiyê, Zanîngeha Oxfordê ji bo varyanta Bundibugyoyê ceribandinên ewil ên aşiyê li ser mirovan da destpêkirin.

15:59

Di pêvajoya ku şer didome de, înfazên cezayên darvekirinê yên Komara Îslamî ya Îranê jî leztir bû. Li gorî daneyên fermî û nefermî, di rojên dawî de li girtîgehên cûda yên Îranê 17 girtî hatin darvekirin.

15:46

Berdevka Meclîsa Jinan a DEM Partiyê Halîde Turkoglu, di konferansa li Stenbolê de bang li jinan kir ku aştiya civakî ji nava civakê bixin meryetê û got: "Pêvajoya 'Aştî û Civaka Demokratîk' ku bi banga birêz Ocalan dest pê kiriye, ji bo me bêhempa ye."

14:46

Tevger û saziyên jinên Ezidî duh bi daxuyaniyek pêngavek nû ya navnetewî dabû destpêkirin. Tora Somariyet bi daxuyaniyek piştgiriya xwe ji bo pêngavê ragihand. Tora Somariyet ragihand ku, Ewê ji bo jiyanek azad û dadperwer û ewledar bixebitin.

13:48

Jin û çalakvanên Iraqî li ber dadweriya bilind a Bexdayê li hev civiyan, wan daxwaza sererastkirina qanûna xwedîkirina zarokan kir û destnîşan kirin ku divê rewşa derûnî û civakî ya zarokan li ber çavan were girtin, ne tenê temenê wan ê qanûnî.

13:34

Navenda Çavdêriya Mafên Mirovan a Sûriyeyê (SOHR) trajediyeke wêranker belge kir. Li gorî daneyên mehane, li welêt metirsiya bermahiyên şer û tundiyê li ser jiyana zarokan berdewam dike. Tenê di sala 2025’an de 504 zarok hatine kuştin.

13:25

Pêla sêyem a êrîşên DYE li dijî başûrê Îranê ku navendên leşkerî û binesaziyê hedef digrin, rê li ber mirin û birîndarbûna bi dehan kesan û zirara mezin vekir. Komara Îslamî ragihand ku wan dest bi êrîşên tolhildanê li dijî welatên herêmê kirine.