rojane

13:44

Parêzvanên mafên mirovan ragihandin ku rejîma Îranê ji bo bêdengkirina dengên nerazî hawîrdora şer bikar tîne. Li gorî raporê, girtin, cezayên dijwar û darvekirinên siyasî piştî pêşketinên leşkerî yên dawî zêde bûne.

12:46

Neteweyên Yekbûyî di 29’ê Gulanê de li ser tundiya zayendî raporek weşand. Di raporê de tê gotin ku bi şer re girêdayî tundiya zayendî ji sala 2025’an ve du qat zêde bûye.

10:37

Li Lubnanê ji ber pevçûn û fermanên valakirina herêman, hejmara kuştina sivîlan û bûyerên koçberiyê zêde bûne. Raporên derbarê êrîşên hewayî, zirara li deverên mîrasên çandî yên parastî de, fikaran zêde dikin.

09:22

Çalakvana mafê jinan û pispora medyayê Çiya Yasîn diyar kir ku ji ber nebûna hişyariyên civakî û qanûnî, herî zêde jin rastî tundî û kuştinê tên û got ku “Rejîm her tim hewlên xwe yên ji bo tunekirin hebûna jinan û kuştina wan zêde dike.”

09:04

Di dilê krîza Bolîvyayê de têkoşînek berfirehtir a li ser modela aborî, bikaranîna çavkaniyên xwezayî, mafên gelên xwecihî, avahiya pirneteweyî ya dewletê û wateya demokrasiyê heye.

20:01

Parlamenterê AKP'ê yê Stenbolê Selîm Ensarîoglu, ku bi bavê Rojîn Kabaîşî Nîzamedîn Kabaîşî re civiya diyar kir ku li hin zanîngehan torên îstismara rêxistinkirî hene ku polîs jî di nav de ne.

16:20

Lîstikvan Xalîde Popal yek ji damezrînerên fûtbola jinan a Efganî, di nav lîsteyek navneteweyî ya 15 kesayetên werzîşê yên navdar de cih girt. Ji bo pêşvebirina wekheviya zayendî û mafên mirovan, hat hilbijartin.

16:11

Li Sîstan û Belûcistan ku yek ji herêmên herî xizan ên Îranê ye, kêmbûna avê ya demdirêj, bi hezaran kesan ji pêdiviyên bingehîn ên jiyanê bêpar dihêle.

15:35

Fona Zarokan a Neteweyên Yekbûyî (UNICEF) ragihand ji ber êrîşên Îsraîlê yên berdewam li ser Lubnanê hejmara zarokên kuştî û birîndar zêde dibin û piştrast kir ku rojane 11 zarok di nav operasyonên leşkerî de tên kuştin û birîndar kirin.

15:08

Nehalê Şehîdî Yezdî ku welatiyek Behayî û çalakvana mafên zarokan a li Kerajê dijî, para xwe ji zilma daraza rejîma Îranê girt. Dadgeha Şoreşê ya Kermanê ji Nehalê re ragihand ku 6 sal cezayê girtîgehê lê hatiye birîn.

13:50

Du xwîşkên bi navê Hamîra û Şilêr Emînpur ku niştecihên Bokanê ne, hatin binçavkirin. Fikarên li ser zêdebûna zextên ewlehiyê yên li ser jin û çalakvanên civaka sivîl, ji ber binçavkirin û girtinan li Îranê zêde bûne.

13:36

Mujgan Hesenpur a 46 salî ya ji Lahîcanê ku ji bo serdana gora xizmên xwe çûbû goristanê, ji ber ku li hember zimandirêjiya zilamek paşverû ya li dijî cilên wê nerazîbûn nîşan da, bi 5 guleyan hat qetilkirin.

12:36

Rapora ku li ser 18 hezar xwendekarên li 26 dibistanan hatiye amadekirin, rewşa pergala perwerdehiyê ya ku zarokên li Edeneyê pê re rû bi rû dimînin eşkere dike.

12:21

Li gorî Tora Bijîşkên Sûdanê eyaleta bakurê Kordofanê rastî zêdebûna xeternak a êrîşên li ser gundan tê û krîza mirovî girantir dibe.

11:42

Wezareta Tenduristiyê ya Lubnanê diyar kir ku di êrîşên artêşa Îsraîlê yên li ser Lubnanê de 3 kes hatine kuştin û 15 kes jî birînda bûne ku 3 ji wan zarok in û 5 jî jin in.

11:24

Rêxistina Mafên Mirovan a ‘HANA’ yê ragihand ku hikûmeta Îranê ev 45 roj in girtiya Kurd Seher Mihdî, li girtîgeha Seqizê di bin şert û mercên “windakirina bi zorê” de digre û aqûbeta wê hê jî nayê zanîn.

09:51

Pêvajoya Aştî û Civaka Demokratîk di rewşek wisa de ye ku ji bo herêmê rêyek çareseriyê peyda bike. Divê AKP niha biryarek bide: gelo ew ê helwestek ji bo demokratîkbûn û çareserkirina pirsgirêka Kurd bigire, an ne?

09:22

Di hikûmeta nû ya Iraqê de cih ji jinan re nehatiye dayîn; tenê jinek wezîfeya wezîrî girtiye û ew jî Wezareta Jîngehê ye. Nebûna beşdariya jinan nîşan dide ku hikûmet her dem di bin kontrola mêran de ye.

08:59

Di navbera Nîsan û Gulana îsal de li Efganistanê rêjeya kuştina jin û zarokan zêdetir bû. Ev danyên heyî tundiya navmalî ya li dijî jinan nîşan dide.

17:38

Tevgera Azadiya Jinên Êzidî piştî kongreya xwe ya 3’yemîn yekem civîna xwe li dar xist. Di civînê de Rîham Hesen weke berdevka giştî hate hilbijartin.