rojane

09:14

Piştî ku rojnamevana Sûdanî Ayîşe El-Majîdî girtin û birin cihekî nediyar, fikarên li Sûdanê rojnamevan û çavdêr destnîşan dikin ku tevî hemû xetereyan jî, divê jîngeheke bi ewle ji bo xebata medyayê bê avakirin.

08:46

Endama Pêşmergeyên Dêrînê Mihabad Şêx Heme Emîn bal kişand ser rola dîrokî ya jinan a di nava şoreşan de û destnîşan kir ku ji bo serketinê divê jin di hemû navendên biryardanê de xwedî peywir bin.

08:15

Endama Fermandariya Hêzên Parastina Jinên Rojhilatê Kurdistanê (HPJ) Amara Rojhilat diyar kir ku Şoreşa Jin Jiyan Azadî bi pêşengiya jinên Kurd û Îranê her çû cîhanî bû, ji jinan re bû hişmendiya azadî û sembola xwenasîn, parastin û rêxistinkirinê.

20:15

Komeleya ANKA-DER’ê, li Enqerê yê li bajarê Tirkiyê bi boneya serdema nû ya perwerdehiyê li ber Wezareta Perwerdehiyê daxwaza perwerdehiya bi zimanê Kurdî kir û got: “Perwerdehiya piralî û azad ku bingeha jiyaneke bi rûmet e, mafê her zarokî ye.”

19:56

Komîserê Mafên Mirovan ê NY'ê hişyariya rûxandina Xezayê da û xwest lêkolîner biçin herêmê. Her wiha hate gotin ku li taxa Zeytûnê jî 96 cenazeyên piraniya wan jin û zarok bûn, ji ber kêmbûna amûran bi destên tazî hatin derxistin.

17:25

DAKB'ê ya der barê çaremîn salvegera şoreşa “Jin, Jiyan, Azadî”de daxuyanî da, bi gotina “Em jin di vê têkoşînê de piştgiriya hev in, bêhna hev in û hevrêyên hev in”, banga berdana girtiyên siyasî yên jin û bidawîanîna zilm, îşkence û darvekirinan kir.

16:50

Xelatên Rojnamegeriyê yên Mûsa Anter û Şehîdên Çapemeniyê yên 33’emîn ku ji aliyê DFG’ê ve hatin lidarxistin, xwediyên xwe dîtin. Merasîma xelatdayînê dê di 23’ê Îlonê de li Amedê be.

16:00

Li gorî daneyên SOHR’ê, di nava du salên borî de jin û zarok jî di nav de bi sedan kes ji ber bermayiyên şer mirine. Ev rewş, mezinahiya xeteriyê û pêwîstiya zêdekirina hewldanên paqijkirina mayînan nîşan dide.

15:40

Bi boneya çaremîn salvegera şoreşa ‘Jin Jiyan Azadî’, kovara ‘Jinên Rojhilat’ hejmarek taybet weşand. Divê hejmarê de balê dikişîne ser kesên bûne hedef û lêkolînek taybet derbarê rêyên pêşengtiya jinan cih digre.

15:21

Werzişvana Kurd Bêrîtan Cemal Heme Hesen a 13 salî, li Elmanyayê di tûrnûvaya navneteweyî ya Muay Thai de pileya yekem û di kickboxingê de jî pileya duyem bi dest xist.

15:05

Çar girtiyên siyasî yên Kurd ragihandin ku ew ê di salvegera çaremîn a qetilkirina Jina Emînî û destpêkirina serhildana "Jin Jiyan Azadî" de, ji bo piştgiriya greva giştî dest bi greva birçîbûnê bikin.

14:57

Li paytexta Cezayîrê ji bo danasîna rêzefîlma anîmasyon a "Cuhayê Muhteşem" şeveke çandî hate lidarxistin. Hunermendên jin ên ciwan bi şanoyê cîhana "Cuha" ji nû ve zindî kirin û bi nêrîneke nûjen nêzî mîrateya çandî bûn.

14:46

Li Yemenê ji ber zêdebûna liv û tevgerên leşkerî bi hezaran malbat ji cih û warên xwe bûn, bi dehan sivîl hatin kuştin û xebatên alîkariyê jî ji ber fikarên ewlehiyê hatin rawestandin.

14:26

Zextên rejîma Îranê li dijî girtiyên siyasî û welatiyan didome. Dayîk û kurek hatin mehkûmkirin, girtiyeke siyasî rû bi rûyê metirsiya jiyanê ye û sê welatiyên Baheyî hatin girtin.

14:17

Di salvegera "Jin Jiyan Azadî" de, kampanyaya li dijî darvekirinê ragihand ku grev li 62 girtîgehan didome û banga lezgîn li NY'yê kir.

14:12

Li Sûriyeyê nîqaşên li ser rola jinan a di perwerdeyê de careke din geş bûn; gotinên parlementerekî ku zêdebûna hejmara mamosteyên jin wekî kêmasî nîşan dabûn, di raya giştî de bûn sedema bertekan û wekî nêrîneke paşverû û kevneşopî hatin nirxandin.

13:41

Serdozgeriya Komarê ya Erziromê di çarçoveya lêpirsîna Gulistan Doku de li dijî 11 gumanbaran bi tohmeta "veşartina delîlan" operasyon dabû destpêkirin, di encamê de 4 kes hatin girtin û hejmara girtiyên giştî derket 36 kesan.

13:37

Girtiya siyasî ya Kurd Werîşe Muradî di peyama xwe ya salvegera 4’emîn a şoreşa "Jin Jiyan Azadî" de destnîşan kir ku ev şoreş ne tenê pêvajoyek qediyayî ye, belkî berdewamiya têkoşînek azadîxwaz e.

13:15

Di dawiya komxebata projeya "Rêberî û Bandora Jinan" de li Yemenê, jinên pêşeng bal kişandin ser astengiyên siyasî û civakî yên li pêşiya xwe û gotin ji bo çareserkirina qeyranên welêt avakirina rêxistineke jinan a yekgirtî hewce ye.

10:49

Ji ber xwepêşandanan du xwendekar ji ber sûcê ‘bêrêziya li dijî alê’ ji dibistanê hatin avêtin. Sê xwendekarên din jî ji bo demek ji dibistanên hatin dûrxistin. Her wiha 10 xwendekarên din jî hinek demkî hatin dûrxistin, hinek jî hatin avêtin.