rojane

17:35

Li Misrê, ciwanên ku li ser platforma dîjîtal Discordê endamên koma "GenZ002" bûn hatin binçavkirin. Saziyên mafên mirovan bertek nîşanî vê operasyonê dan û hikûmeta Misrê bi tepeserkirina muxalifan û sînordarkirina azadiya ramanê sûcdar kirin.

16:05

Parêzvanên mafên zarokan li ber deriyê Dîkmenê yê Meclîsê li dijî pêşnûmeya "Qanûna Zarokan" nerazîbûn nîşan dan û diyar kirin ku girankirina cezayan û şandina zarokên 12 salî bo girtîgehan ne parastin e.

15:33

Hate diyarkirin ku êrîşên di navbera DYE û Îranê de berdewam dikin. Gelek deverên başûr, rojava û navenda Îranê bûne hedefa êrîşên hewayî, di heman demê de Îranê li welatên Kendavê û Herêma Kurdistanê jî êrîş pêk aniye.

15:05

Li Komara Demokratîk a Kongoyê, di du mehên dawî de bi 2 hezar û 11 kesan re vîrusa Ebolayê hat tesbîtkirin û 754 kesan jî jiyana xwe ji dest dan.

14:52

Di 15’ê Tîrmeha 2026’an de Platforma Yekîtiya Neteweyî ya Jinên Başûr, bi hevkariya Kongra Star, bi sernavê ‘Destekftiyên jin li Rojava û rehendên berbi yekîtiya neteweyî ve’ li navçeya Koye semînerek ji bo jin û çalakvanên medenî li darxistin.

14:16

Di şewata ku li navenda lênêrînê ya li Mohammadiya ya paytexta Cezayîrê derket de, 11 zarokan jiyana xwe ji dest dan û yên din jî birîndar bûn. Ev bûyer bû sedema xemgînî û şokê.

13:46

Encamnameya konferansa Jenosîd û Entegrasyona Demokratîk hat eşkere kirin. Di encamnameyê de daxwaza naskirina jenosîda li ser civaka Êzidî û entegrasyona demokratîk a Şengalê hat kirin.

13:30

Bi nêzbûna 14'emîn salvegera Şoreşa 19'Tîrmehê re, Jinên Ciwan û Kongra Star li Bexçeya Xwendinê ya bajarê Qamişloyê Komxebatek li darxistin.

13:27

Li Îranê zêdetirî 100 gund rûbirûyî qeyrana avê ne. Pispor hişyar dikin ku ger di polîtîkayên rêveberiya avê de reformên bingehîn neyên kirin, qeyran dê bandore li jiyana bi milyonan welatiyan bike.

11:50

Li Tirkiyeyê zext û sepandinên li ser rojnamevanan bi awayekî tund didomin. Rojnamevan Bêrîvan Kutlu ji ber xebatên xwe yên rojnamevaniyê ji hêla dozgeriyê ve ceza lê hate xwestin.

11:36

Xezal Marzban, ku li girtîgeha Evînê tê ragirtin û nû bûye Xiristiyan, piştî li dijî şert û mercên beşa jinan nerazîbûn nîşan da, ji aliyê gardiyanan ve tundî lê hat kirin. Tevî piştrastkirina bijîşkên girtîgehê, dermankirina wê tê astengkirin.

11:20

Seroka rêxistina "Ême" Bahar Elî, piştî ku bi hinceta "heqareta li ola Îslamê" giliyê wê hatibû kirin, ji bo şopandina dosyaya xwe serî li Dadgeha Hewlêrê da û li wir biryara girtina wê hat dayîn.

10:55

Komeleya Têkoşîna ji bo Wekhevî û Hemwelatîbûnê bi kurtefîlma bi navê ‘Behind the Walls’ (Li Pişt Dîwaran) ku barê barê jinan de ye, bi riya sînemayê hewl dide nîqaşek li ser karên malê yên bê beramber bide destpêkirin.

08:51

Mamosteya şêwekariyê Lane Ezîz li Navenda Parastina Zarokan a Xurmalê bi dehan zarokan fêrî hunerê dike û piştgiriyê dide pêşketina derûniya wan. Lane bang li malbatan dike ku piştgirî bidin zarokên xwe da ku bikaribin bi rêya hunerê xeyalên xwe pêk bînin

18:49

Di konferansê de jenosîda 2014’an, bandora fermanê ya li ser civaka Êzidî û lêgerîna edaletê, di entegrasyona demokratîk a Şengalê de her wiha rola jinê hatin nîqaşkirin. Nirxand û peyaman tekezî li ser girîngiya pêkanîna entegrasyona demokratîk kirin.

17:06

Derhêner û montajvana belgefîlmên Îranî Sepîde Abtahî, di encama serdegirtina Hêzên ewlehiyê ya li ser mala xwe de hate binçavkirin û hinek alavên wê yên elektronîkî hatin desteser kirin.

16:04

Wezareta Îstixbarata Îranê, lîsteyekî ku ji dezgehên medyayê, çalakvan û rûpelên serhêl pêktê weşand û diyar kir ku hevkariya medyayê, propaganda an jî parvekirina agahiyan a bi kesên di lîsteyê de, rastî darizandin û cezayên edlî were.

15:49

160 rêxistinên civaka sivîl bertek nîşanî pêşnûmeya qanûna nû ya li Parlamentoyê dan û hişyarî dan ku ev nêzîkatî dê garantiyên qanûnî yên zarokatiyê ji holê rake û rê li ber îstismara zarokan veke.

15:39

Bijîşkên Sînornenas (MSF), diyar kirin ku şewba Ebolayê ya li Komara Demokratîk a Kongoyê bi lez belav dibe û banga mudaxaleya lezgîn kirin.

15:06

Bernameya Xurekê ya Cîhanê ya Neteweyên Yekbûyî (WFP), hişyarî da ku şerê berdewam ê li Sûdanê, kêmbûna fonên alîkariya mirovî û astengiyên di bazirganiya herêmî de qeyrana xurekê girantir dike.