rojane

16:08

Li Yemenê di navbera hikûmet û Hûsiyan de şerekî nû dest pê kir. Rêxistina Navneteweyî ya Koçberiyê (IOM) ragihand ku tenê hefteya borî nêzî 46 hezar kesî ji ber şer cih û warên xwe berdane.

12:59

Meclîsa Tenduristiya Karkeran û Ewlehiya Kar a Tirkiyeyê (ÎSÎG), rapora xwe ya "Cinayetên Kar" a Tebaxa sala 2026’an eşkere kir. Li gorî raporê, di meha Tebaxê de 15 jin û 15 zarok jî di nav de herî kêm 226 karker di qezayên kar de mirin.

12:23

Rêxistina Xurek û Çandiniyê ya Neteweyên Yekbûyî (FAO) ragihand ku endeksa bihayên xwarinê yên cîhanî di meha Tebaxê de li gorî meha borî ji sedî 1.9 û li gorî heman meha sala borî jî ji sedî 2.5 zêde bûye.

11:52

Li Tehranê welatiya bi ola Behayî Seba Sefîdî hate girtin û ji bo ku cezayê xwe yê sê sal û pênc mehî bikşîne sewqî Girtîgeha Qerçaxê ya li Varamînê hat kirin.

11:15

Hêzên Hûsî li rojavayê Yemenê êrîş birin ser karwaneke penaberan ku ber bi Adenê ve diçû. Çavkaniyên bijîşkî û xwecihî ragihandin ku di encamê de zêdetirî 100 sivîlan jiyana xwe ji dest dane û gelek birîndar jî rakirine nexweşxaneyên bajar.

10:40

Zuhabûna cihên avî li Îranê, veguheriye qeyraneke mezin. Ev qeyran, bi zêdebûna bayê bi xwelî, xîz û bahozan gefê li rengîniya biyolojîk dixwe û zirara li ser jiyan û çavkaniyên debara civakên herêmî her diçe zêdetir dibe.

09:27

Li bajarê Bukavuyê yê Komara Demokratîk a Kongoyê, şewata ku ji malekê dest pê kir û derbasî du dibistanan bû, bû sedema karesatê. 29 xwendekaran jiyana xwe ji dest dan û 25 xwendekar jî birîndar bûn.

09:03

08:15

Jinên ku beşdarî meşa girseyî ya Sinûnê bûn, gotin: “Ji zarokên me pê ve kes divê parastina Şengalê neke. Divê Iraq hebûna wan qebûl bike û mafê civaka me bide. Hêza parastin sazî û dezgehên me nas bikin.”

20:00

Li Sûriyeyê tundî û bûyerên kuştina jinan bê navber didomin. Li gorî daneyên dawî, tenê di sala 2026'an de bi dehan jin hatine qetilkirin û fikarên li ser bêcezahiştina sûcdaran zêde dibin.

17:47

Di rapora Tora Mafên Mirovan û Azadiyan a Yemenê de hate eşkerekirin ku ji sala 2017'an an vir ve bi dehhezaran zarok rastî kuştin, birîndarbûn, leşkerkirin û binpêkirinên giran hatine û bi milyonan zarok jî ji perwerdeyê bêpar mane.

16:58

Rêxistina Çavdêriya Mafên Mirovan û Navenda Mafên Mirovan a Abdorrahman Boroumand di rapora xwe ya hevbeş de diyar kirin ku Komara Îslamî di nava şeş mehan de 59 kes darve kirine. Rêxistinan bal kişandin ser metirsiya li ser jiyana jinên siyasî yên girtî.

16:44

Bi nêzbûna sala xwendinê re, bihayê malzemeyên xwendinê li Îranê çend qat zêde bû. Qeyrana aborî ne tenê dibe sedem ku malbat nikaribin malzemeyan bikirin, di heman demê de xwendekaran ji derfetên perwerdeyê jî bêpar dihêle.

15:52

Di çarçoveya berdewamiya Mihrîcana Fîlman a Navneteweyî ya Silêmaniyê de, panelek bi sernavê ‘Mihrîcana Kurdî û Nasname’ bi beşdariya fîlmçêkerên ji her çar aliyên Kurdistanê hate lidarxistin.

14:58

Li Başûrê Kurdistanê 28 partiyên siyasî, rêxistinên civakî û kesayetan bi pêşengiya “Komîteya Azadî ji bo Abdullah Ocalan” nameyek ji Serokê Komîteya Wezîran a Konseya Ewropayê re şand û daxwaza bicihanîna "mafê hêviyê" ji bo Abdullah Ocalan kir.

13:49

Li gorî hişyariya nû ya UNICEF’ê, guherîna avhewayê êdî ne tenê gefê li jîngeh û tenduristiyê dixwe, rasterast bandorê li pêşeroj û perwerdeya zarokan jî dike. UNICEF’ê da zanîn ku herî zêde zarokên keç ji van encaman zirarê dibînin.

13:10

Wezîrê Dadê Akin Gurlek li ser doza Gulistan Doku daxuyaniyek da û diyar kir ku îdia li ser windakirina cenaze hene. Gurlek da zanîn ku dibe ku cihê cenaze çend caran hatibe guherandin û bi madeyên kîmyewî bi tevahî hatibe tunekirin.

12:07

Di meşa ku li bajarê Qamişloyê hat lidarxistin de peyama “Saetên ku hatine diyarkirin, ji bo zimanê me têr nake” hat dayîn.

11:32

Zêdetirî 400 jinên Sûdanî li bajarê Dongolayê ji bo mîhrîcana "El-Fal Al-Nisa'i" li hev civiyan. Jinan bal kişandin ser însiyatîfên ku armanca wan, bihêzkirina aborî ya jinan e.

10:41

Ji bo pêşîlêgirtina tundî û kuştina jinan li Başûrê Kurdistanê Tora 8’ê Adarê’ kampanyayek da destpêkirin û banga piştirîdayîna kampanyayê li hemû beşên civakê hat kirin.