rojane

15:19

Şandeya Neteweyên Yekbûyî (NY) ji bo nirxandina rewşa mirovî û tenduristiyê, serdana Kobanê kir.

15:01

Nasnameya 8 jinên ku di meha Çileyê de di dema xwepêşandanan de hatin binçavkirin hatin eşkerekirin. Lê belê hê nayê zanîn ku li kuderê tên girtin û derbarê dosyayên wan de ti agahî nehatine bi destxistin.

14:59

SOHR, ragihand ku di nava 15 de rojan de di encama înfazkirinên li meydanan, teqandina bê serûber a guleyan û teqîna bermahiyên şer de, 115 kesan jiyana xwe ji dest dane.

14:32

Li Tehranê ji malbatek 3 kes ji aliyê hêzên hikûmetê ve hatin binçavkirin. Derbarê aqûbeta kesên hatine binçavkirin de tu agahî nehat parvekirin.

14:28

Hêzên Îsraîlê, li Şerîaya Rojava operasyonek binçavkirinê ya berfireh pêk anîn û di encama operasyonê de jin û rojnamevan jî di nav de 60 kes hatin binçavkirin.

14:03

3 bersûcên ku li Meclisê xwendekarên stajyer tacîz kiribûn, hatibûn berdan. Piştî îtîraza li dijî biryarê, 3 bersûc dîsa hatin girtin.

13:50

Platforma Parastina Bajar û Piştevaniyê ya Amedê, ragihand ku li bajarê Kobanê qeyrana mirovî kûr dibe û got ku ji bo alîkarî derbas bibin divê Deriyê Sînor ê Murşîdpinarê bê vekirin.

13:39

Tevgera Jinên Azad (TJA) rapora xwe ya bi sernavê “Binpêkirinên Mafên Jin û Zarokan a Çileya 2026’an a Bakur û Rojhilatê Sûriyeyê-Rojava” ji raya giştî re ragihand û diyar kir ku ji 1.3 mîlyon sivîlên koçber ji sedî 70 zêdetir jin û zarok in.

13:38

Li gorî peymana di navbera QSD û Şamê de, wê koçberên Efrînê di demeke kurt de dest bi vegera warê xwe bikin. Wekî destpêkê jî, dê derdora 400-500 malbatan vegerin navçeyên Cindirês, Mabata û Şiyê.

13:01

11 malbatên çeteyên DAIŞ’ê yên ji Awistralyayê yên li Kampa Roj a li Dêrikê, radestî hikûmeta Awistralyayê hatin kirin.

12:01

Talîbanê li Afganistanê çalakiyên piştgiriya tenduristiya derûnî û psîkososyal qedexe kirine. Li gorî raporek OCHA’yê, Talîban gihîştina jinan bo xizmetên tenduristiyê yên bingehîn bi awayên cûrbecûr sînordar dike.

11:29

Konseya Pirtûkên Zarok û Ciwanan, bi gelek saziyan re nameyek weşand û daxwaza demil dest berdana hemû zarok û ciwanên di bin 18 salî de û xwendekarên ku di xwepêşandanên Çileyê de hatine girtin, kir.

11:14

Li Tûnisê di nava aloziyên siyasî yên zêdebûyî de, hêzên ewlehiyê aktîvîsta siyasî Alfa el-Hemdî binçav kirin û ev jî li welat bû sedema bertekên mezin.

10:33

Bûyera êrîşa zayendî li dijî zarokek sê salî li pêşdibistanek a taxa El-Nasr a Tûnisê, civaka Tûnisê xist nava sosretê û hejand. Ev rewş bangên ku divê ev cûrên sûcan nayên veşartin û li dijî bersûcan cezayên giran bê dayîn zêde kir.

10:29

Li gorî HRANA’yê di xwepêşandanên Îran û Rojhilatê Kurdistanê de heta niha 7 hezar û 15 kes hatine kuştin û 26 hezar kes jî birîndar bûne.

09:14

Înisyatîfa ‘Jiyana Kurdistanê’ raporek parve kir û diyar kir parastina jiyana girtiyên siyasî li Rojhilatê Kurdistan û Îranê erkek mirovî û zagonî ye û da zanîn ku her êrîşek li dijî wan wê encamên mirovî û navneteweyî ku telafiya wê neyî bi xwe re bîne.

09:02

Endama MYK’ê ya DEM Partiyê Îlknur Bîrol, der barê atmosfera şer û aloziya li herêmê de nirxandinan kir û anî ziman ku êrîşên li dijî Rojavayê Kurdistanê êrîşên îdeolojîk ên azadiya jinê hedef digrin e.

08:47

Hevseroka Daîreya Têkiliyên Derve ya Rêveberiya Xweser Îlham Ehmed diyar kir ku mijara entegrasyonê di rojeva hemû welatan de ye û got: “Di van pergalên nû de derfetên nû ji bo jinan derdikevin. Ger jin ne rêxistinkirî bin, ev hemû derfet dê winda bibin.”

08:28

Endama Rêveberiya Heyva Zêrîn a Rojava Şîrîn Reşîd, destnîşan kir ku hedefgirtina peykerên şervanan li Reqa û Tebqayê ne tenê kiryarek wêrankirinê ye, her wiha êrîşek li ser sembolek azadî û berxwedanê ye.

08:14

Niha Helebce bi peyama aştî û bi hevre jiyanê tê nasîn. Ev bajare ji dîrokê ve rastî karesatên mezin hatiye. Niha wek mînaka hevbeş a yekîtiya civakê hatiye dayarkirin.