rojane

09:59

Rapora Navenda Îstatîstîkên Îranê eşkere kir ku jin tevî kedxwarina di nav malê û derveyî malê de, rojane bi navînî 27 deqqe kêmtir dema vala li gorî mêran dibînin, di heman demê de nêzîkî 5 saetan ji bo karên malê yên bêpere tên xerckirin.

20:10

Sendîkaya Rojnamevanên Filistînê li dijî astengkirina dermankirina rojnamevanên jin ên di êrîşên li ser Xezayê de birîndar bûne, çalakiyek hevgirtinê pêk anî. Di çalakiyê de bal hat kişandin ser rewşa giran a rojnamevanan.

18:43

TTB, EŞÎK û Baroya Wanê, der barê bijîşkê ku li ser medyaya dîjîtal di bin navê ‘sineta jinan’ de danasîna mutîlasyona genîtal a jinan kir de, banga destpêkirina lêpirsînê kirin. Rêxistinan tekez kirin ku ev pêkanîn cureyekî tundiya li dijî jinan e.

18:05

Di panela li Xezayê hate lidarxistin de, astengiyên li ber rojnamevanên jin ên di pêvajoya biryargirtinê de û derfetên bihêzkirina rola wan di dîzaynkirina polîtîkayên medyayê de hatin nîqaşkirin.

16:01

Pevçûnên ji nîsana 2023’an vir ve berdewam dikin, li Sûdanê karesateke mirovî ya mezin afirandin. Tora Bîjîşkên Sûdanê hişyarî da ku tenê li Kordofana Bakur zêdetirî 200 hezar kes ji ber nebûna derman û xurekê di nav rewşeke trajîk de ne.

15:12

Rejîma Îranê salek cezayê girtîgeh, 31 qamçî û du sal sirgûnkirinê da xwendekara 21 salî ya ji Qorvehê, Tara Farhangian. Her wiha salek cezayê girtîgehê li Farûzan Ensarî hat birîn ev yek bû sedema zêdebûna bertekan.

14:14

Di êrîşa Îsraîlê ya li dijî Xezayê de 12 Filistîniyan jiyana xwe ji dest dan, ji destpêka şer anog 7’ê Cotmeha 2023’yan ve heta niha hejmara miriyan gihîşt 73 hezar û 293’an. Bi milyonan kes bi şertên giran û dermirovî re rûbirû ne.

13:46

Li gorî rapora nû ya pênc saziyên girêdayî NY’ê, daketina birçîbûna gerdûnî li pey hev ket sala xwe ya sêyem. Li beramberî vê 2.1 milyar kes hê di asta navîn û giran de bêewlehiya xwarinê dijîn.

13:20

Li bajarê Zabolê û herêma Sistanê ji ber bahozên toza giran û kêmbûna dîtinê, demjimêrên xebatê yên saziyan hatin kêmkirin û bi hezaran kesan ji ber pirsgirêkên tenduristiyê serî li nexweşxaneyan dan.

12:52

Jinên Efgan diyar kirin ku şandina penaberan a bo Efganistanê binpêkirina hiqûqa navneteweyî ye û banga rawestandina dersînorkirinê li Pakistan û Neteweyên Yekbûyî kirin.

12:20

Pêşniyara zagonî ya li ser guhertina cezayên zarokan di Komîsyona Dadê de hat pejirandin. Rêziknameya nû ji bo komên temenê 12-15 û 15-18 salî di biryar û cezayên gertîgehê de serwerî û bendên nû tîne.

09:22

Li hember siyaseta Tirkkirinê ya li Başûrê Kurdistanê, ji bo tomarkirin û vegerandina navên Kurdî yên resen ên bi sedan gund û navçeyan, kampanyayeke parastina nasname û demografiyê hate destpêkirin.

08:23

Jinên ku li quntarên Çiyayê Kato yê Elkêya Şirnexê bêrîvan in, balê dikşînin ser metirsiya tunebûna çanda koçeriyê û zoriyên krîza aborî. Diyar dikin ku tevî dijwariyê jî ew amade ne vê bîra çandî ya kevnar biparêzin.

08:00

Endama Komîteya Têkiliyên Dîblomasiyê ya Partiya Sûriyeya Pêşerojê Rîma Mehmûd anî ziman ku hikumeta demkî hewl dide jinan bê hêvî bihêle, tekez kir ku Sûriyeya demokratîk bê maf û hebûna jinan nayê avakirin.

20:20

Li Zîvala Xezayê di 6 mehên destpêka salê de, di nav jinên ducanî de 3 hezar û 958 bûyerên kurtajê hatin tomarkirin. Ev yek astengiya giran a li ber xizmetên tenduristiya hilberînê û şert û mercên mirovî yên dijwar ku jinên li Xezayê pê re rûbirû ne ye.

16:51

Platforma Yekîtiya Jinên Kurd li deriyê gumrukê yê Kapikoyê daxuyaniyek da. Di daxuyaniyê de êrîşên rejîma Îranê yên li ser Herêma Başûrê Kurdistanê bi tundî hatin şermezarkirin û bang li gelê Kurd hate kirin ku yekîtî û tifaqa xwe xurt bikin.

15:51

Li Kongoyê bi belavbûna cureyê kêmpeyda yê Ebolayê hejmara miriyan gihîşt 930’î û ji ber alozî û pirsgirêkên ewlehiyê kontrolkirina şewbê dijwartir dibe.

15:43

Neteweyên Yekbûyî ragihand ku zêdebûna pevçûnên li Sûdanê rê li ber pêlên nû ya koçberiyê û krîza xwarinê ya giran vedike. Her wiha diyar kir ku tenê ji sedî 39’ê plana alîkariya mirovî ya welat hatiye fînansekirin.

15:05

Li gorî nûçeya ajansa JINNEWS’ê daxuyaniyên şahidê nepen yê bi navê kodê ‘Şubat’, ku piştî pêla duyemîn a girtinê derketin holê, eşkere kir ku Gulistan Doku berî windabûna xwe tecawiz lê hatiye kirin û gef lê hatiye xwarin.

14:47

Tora Mafên Zarokan a Amedê bal kişand ser guhertinên di 'Qanûna Parastina Zarokan' de û diyar kir ku ev pêşniyar berevajî hiqûqa navneteweyî pergala dadweriya zarokan diguherîne pergala ceza ya mezinan.