rojane

15:52

Li Îranê di demên dawî de bi zêdebûna polîtîkayên zextê û gotinên ‘ewlekariyê’ re dîmenên perwerdeya çekan ji zarokan hatin weşandin. Pisporan hişyar kirin ku dayîna perwerdeya hînkirina çekan ji bo zarokan dê şîdetê normalîze bike.

15:15

Hinek xwendekarên Belûc ên li zanîngeha Tehranê perwerdeya doktorayê dibînin, bêyî daxuyaniyek fermî rastî qedexeya derketina derveyî welat hatin. Vê rewşê fikarên zêdebûna zextên ewlehiyê li zanîngehan zêde kir.

14:19

Medyaya dadwerî ragihand ku kujerê Îlahe Huseyînnejad a ji aliyê ajokarê otomobîlek ve hatibû revandin û kuştin, hatiye darvekirin. Kuştina Îlahe, li Îranê bû sedema bertekan û jinan carek din mijara ewlehiyê û tundiya li dijî wan, anîbû rojevê.

13:23

Serokwekîla Koma DEM Partiyê Gulîstan Kiliç Koçyîgît destnîşan kir ku çavê raya giştî, li Meclîsê û desthilatê ye ku gavên qanûnî bavêje û got: “Pêdiviya aştiyê bi hiqûqê heye.”

12:51

Rêxistina Bijîşkên Sînornenas ragihand ku ji ber têkçûna fînansmana alîkariyê û qedexeyên Hûsiyên ku gihandina alîkariyê asteng dikin, li bajarê Ûmranê 599 bûyerên kêmxwarina ji nişka ve ‘SAM' hatine tomarkirin.

11:50

Rewşa tenduristiya girtiya siyasî ya Kurd Zeyneb Celaliyan di xeteriyê de ye û daxwaza wê ya dermankirinê ji aliyê rejîma Îranê ve tê redkirin.

11:20

Dema cîhan behsa girîngiya diyalogê dike, gelên ku her tim hatine paşguhkirin hene. Dûrxistina Kurdan ji nîqaşên biryardayînê yên li ser pirsgirêka Kurd, dibe tecrîdkirin û jiholêrakirina nasnameya neteweyekê.

11:10

Desteya Jinan a Rêveberiya Xweser, bi Komîsyona Sûriyeyê ya Karûbarên Malbat û Nifûsê re, li ser çend mijarên têkildarî pêvajoya entegrasyonê û her wiha rêbazên pêşxistina mekanîzmayên hevkariya hevbeş, nîqaş kir.

10:27

Li Efganistanê krîza koçberiyê di salên dawî de bûye yek ji krîzên mirovî yên herî kûr. Vegera ku bi hezaran li Efganiyan tê ferzkirin di demeke ku welat bi gelek krîzan re rû bi rû ye, her wiha rewşek mirovî ya nîgeran derxistiye holê.

09:22

Jinên li Wanê ser gavneavetina dewletê di Pêvajoya Aştî û Civaka Demokratîk de axivîn û tekez kirin ku divê pêvajo zêdetir neyê derengxistin û dewleta Tirkiyeyê di demeke zû de gavên berbiçav bavêje.

09:02

Li Wargeha penaberan a Mexmûrê îsal 110 xwendekaran xwendina xwe ya 12 salan temam kirin û bi şahiyek qedandina dibistana amadeyî pîroz kirin.

08:00

Rojnamevan Dîlan Osman li ser peymana 29’ê Çileyê di navbera hikûmeta demkî û QSD’ê de çêbû axivî û got: “Eger ev peyman rast neyê pêkanîn wê xeterên mezin li ser destkeftiyên Şoreşa Rojava çêbibin.”

21:51

Laleş Çelîker, di destpêka meha Gulanê de ji gertîgehê derket. 30 sal di girtîgehên dewleta Tirk de ma. Dema çû bajarê xwe Tetwanê bi awayekê girseyî hat pêşwazîkirin.

21:27

Rêxistinên jinan û derdorên akademîk ên li Brezîlyayê, ji bo pişgiriya bi hêzên parastina jinan (YPJ) li Rojavayê Kurdistanê, tevlî kampanyaya “Em hemû YPJ ne” bûn .

16:17

Federasyona Rojnamegerên Navneteweyî, ragihand ku li Îranê herî kêm 9 rojnameger û xebatkarên medyayê di girtîgehan de ne. Di raporê de hat diyarkirin ku zexta li dijî rojnamegeran zêde bûye û aqûbeta hinek girtiyan nayê zanîn.

15:52

Egitim-Îş (Sendîkaya Kedkarên Perwerdehiyê) bi sernavê “Çîrok û Rastiyên Derbarê Navendên Perwerdehiya Pîşeyî (MESEM)"de raporek weşand.

14:31

Li Îranê qutbûna înternetê û pirsgirêkên xwegihandinê ket roja 81’an. Rejîma Îranê tenê qadên zext û sansurê giran nake, di heman demê de hewl dide bandorê li ser bînesaziyên peywendiyên herêmê û şîrketên mezin ên teknolojiya dinyayê bike.

13:24

Li Komara Kongo ya Demokratîk (KKD) ji ber şewba Ebolayê 131 kesî jiyana xwe ji dest dan, 513 nexweşên bi gumana şewbê hatin tespîtkirin. WHO fikarên xwe derbarê leza belavbûna vîrusa Ebolayê de anî ziman.

12:13

Kampanyaya ‘Sêşema na ji darvekirinan re’ li 56 girtîgehan dest bi greva birçîbûnê kir; Girtiyan ji bo roja Sêşemê ya 121’emîn dest bi greva birçîbûnê kirin.

11:53

Koçberên ji bajarê Efrînê ku li Kobanê dijiyan, îro bi merasîmek girseyî ber bi bajarê xwe Efrînê ve rêketin.