rojane

14:00

Li gorî daneyên fermî li Îranê tundiya navmalî di dema şer de ji sedî 30 zêdetir bûye, di deh mehên borî de zêdetirî 85 hezar jin wekî qurbanî hatine tomar kirin.

13:36

Çalakiya birçîbûnê ku li Îranê di çarçoveya kampanyaya ‘Sêşema na ji darvekirinan re’ li 56 girtîgehan didome. Endamên kampanyayê, diyar kirin ku li Îranê darvekirinê siyasî lez bûne û bang li saziyên mafê mirovan ên navneteweyî kir.

13:17

Rêxistina Tenduristiyê ya Cîhanê piştrast kir ku êrîşên li ser sektora tenduristiyê rê li ber dabînkirina xizmetên bingehîn li Lubnanê digirin, êrîşên Îsraîlê yên li ser bajarê Meşgarayê bûn sedema mirina 12 kesan û wêrankirina binesaziya bajêr.

13:09

Îran şahidiya pêla girtin û darvekirinan dike, bi dehan welatiyên li Rojhilatê Kurdistanê û bajarên din bi hincetên “ewlehiya neteweyî” tên hedefgirtin.

12:31

Pergala parlamentoyê ku bi pêşengiya HTŞ’ê hat avakirin her çendî bi gotina ‘guherîn’ were pêşkêşkirin jî ji ber pergala navendî, modela hilbijartinê ya îradeya gel dûr dixe û nûnertiya sînordar a Kurdan bû sedema rexneyan.

11:48

Çavdêriya Mafên Mirovan a Sûriyeyê, da xuyakirin ku di meha Gulanê de li bajarên cuda 26 kes hatine kuştin û hat diyarkirin ku bûyerên şîdetê asta tunebûna ewlehiyê û belavbûna civakî nîşan didin.

11:18

Li bajarê Suweydayê bûyera revandina malbatek ji bajarokê Qenawat ku du zarok û ajokarê texsiyê jî di nav de ne, bû sedema aloziyeke mezin.

10:27

Piştî hilbijartinên parlamentoya Sûriyeyê pêla şermezarkirina rewatiya hilbijartinan dest pê kir. Ji ber ku raya giştî û rêxistinên mafên mirovan manîpulekirina parlamentoyê ji bo berjewendiyên hikûmeta veguhêz red dikin.

08:59

Bi salan e, xizmên windayan li gelek bajaran kom bûne, qurnefîl û wêneyên hezkiriyên xwe yên winda di destê xwe de digirin, heman pirsê dubare dikin: “Ew li ku ne?” Tevî bêdengiyê, ev bendewariya ku bênavber mezin dibe.

08:00

Hevseroka Partiya Guhertina Demokratîk a Kurdistanê Mizgîn Zêdan derbarê hilbijartinên ku hatin lidarxistin de got ku “hilbijartinên Meclîsa Gel in, lê bê beşdariya gel pêk hatin. Em dibêjin ku ji 210 kursiyan, pêwîst bû 40 kursî para gelê Kurd bin.”

21:10

Çalakiya nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpêkirin, di roja xwe ya 1040’an de bi biryardarî didome.

16:09

Hate diyarkirin ku 5 girtiyên jin ên siyasî yên di girtîgeha Evînê de ne, piştî protestoyên li dijî cezayê darvekirinê li dar xistin, ji mafê hevdîtina bi telefonê bê par hatine hiştin.

14:52

Ji destpêka şer ve, li Îranê 19 xwendekar hatine girtin û rewşa wan hê jî ne diyar e. Di heman demê de, ji ber sînorkirinên ragihandinê û qutbûna înternetê, agahiyên rast li ser hejmara xwendekarên din ên ku beriya şer hatine girtin jî tuneye.

13:45

Qutkirinên înternetê yên berdewam û qedexeyên platformên dijîtal, li Îranê di aboriya dîjîtal de bûne sedema windahiyên girîng.

13:19

Piştî ku komek profesorên zanîngehan beşdarî greva dawî bûn, xwendekaran nameyek şandin û diyar kirin ku ji ber berjewendiyên profesroran di xeterê de ne ji lewra behsa serxwebûna zanîngehê û ehlaqê dikin.

12:49

Tora Tevgera Jinan û Tevgera Jinên Efganî ya Yekbûyî ya ji bo Azadiyê, prensîba nû ya Talîbanê ya li ser “veqetandina jinûmêr” wekî hewldanek ji bo rewakirina zewaca zarokan û çewsandina jinan bi nav kirin.

12:12

Rêxistina Tenduristiya Cîhanê, ragihand ku li Kongoyê zêdeyî 900 bûyerên virusa Ebola tesbît kirine. Belavbûna varyanta Bundibugyo ku kêm tê dîtin, derbarê pêlek nû ya şewbê ku bi zor were qontrolkirin de, fikarên nevneteweyî zêde bûne.

11:54

Rêberê Gelê Kurd Abdullah Ocalan di hevdîtina bi şandeya DEM Partî re got: “Demokratîkbûyîn pêdiviyeke bingehîn e û serkeftina pêvajoyê me nêzî vê armancê dike.”

10:22

Rojnamevanên Sûdanê Aya El-Baz, Reşa Îbrahîm bi dosya û nûçeyên ku amade kirine layîqî xelata bronz a 47’yemîn Xelatên Telly hatin dîtin.

09:17

25’ê Gulanê li çar aliyê cîhanê wekî Roja Zarokên Winda tê bibîranîn. Her sal, ev roj bi gelek dirûşmeyên girîng tê ronîkirin. Lê çi bi serê zarokên winda hatiye? Bi sedan zarokên Kurd winda ne û çarenûsa wan hîn jî ne diyar e.