Navenda Nûçeyan- Endama Lijneya Rêveberiya Yekitiya Endezyar û Mîmarên Tirk (TMMOB) Mucella Yapici ku ji ber doza Geziyê girtî ye, ji ber ku tedawiya bi kelepçe qebûl nake nikare tedawî bibe.

Komîsyona Jinan a TMMOB'ê ya Şaxa Stenbolê, ji bo mafê Mucella Yapici yê tedawiyê bê misogerkirin, li ber avahiyên komeleya xwe daxuyaniya çapemeniyê dan. Ji bo daxuyaniya ku pankarta “Bila binpêkirina mafan bi dawî bibe!” hat vekirin de, Tevgera Jinên Azad (TJA), Komeleya Dema Jinan, Rêxistina Jinan a Kirkyama û gelek saziyên jinan piştgirî dan.

Endama Komîsyona Jinan a TMMOB'ê Selîn Top di daxuyaniyê de axivî, diyar kir ku kelepçeya berevajî binpêkirinek mafan e û mafê tenduristiyê jî bi vî rengî tê binpêkirin. Selîn Top wiha axivî: “Ji bilî astengiyên li pêşiya bidestxistina vî mafê tenduristiyê, em dizanin ku ji aliyê hikûmetê ve gelek binpêkirinên mafên mirovan ên wek binpêkirina mafê danûstandinê yê girtiyên siyasî, qedexekirina cihê hewagirtinê lêgerîna tazî û cezaya hucreyê heye.”

‘Bila astengiyên kêfî bên rakirin’

Selîn Top bang li Wezîrê Dadê Yilmaz Tunç û Wezîrê Tenduristiyê Fahrettîn Koca kir, xwest binpêkirina mafê tenduristiyê yê girtiyan bi dawî bibe. Selîn Top wiha axivî: “Em xwedî li têkoşîna mafdar a Mucella dayê destpêkirin derdikevin, deng xwe digihîjînin dengê wê û em daxwaz dikin ku astengiyên kêfî yên li pêşiya mafê tenduristiya hemû girtiyan rakin.”