Navenda Nûçeyan- Karkerên çandiniyê yên ku ji Şirnexê çûn Dûzceyê qeza kirin. Di encama qulipîna maşînê karkerên çandiniyê de 4 jê giran 24 kes birîndar bûn.

Li gorî agahiyên hatine girtin, maşîneya  ku ajokariya wê Huseyîn Ç. dikir dema ku karkerên çandiniyê ji Şirnexê dibir Dûzceyê di xaçerêya Yazihuyuk a bajarê Nîgdeyê de ji kontrolê derket û qulipî kêleka rê. Li ser agahdarkirinê gelek tîmên tenduristiyê û tîmên agirkujiyê sewqî cihê bûyerê hatin kirin. Li gorî agahiyên hatin bidestxistin, 4 jê bi giranî bi giştî 24 kes birîndar bûn. Ji birîndaran 11 jê rakirin nexweşxaneyên li Nîgdeyê, 13 kes jî rakirin nexweşxaneyên li Nevşehîrê.