Navenda Nûçeyan - Heyeta Jinan a Navneteweyî ya ji 7 kesan pêk tê ku ji gelek welatên Ewropayê parêzer, parlamenter, ekolojîst û nûnerên saziyên sivîl jî di nav de hene, ji bo çend serdanê hatin Tirkiyeyê. Heyet derbarê tecrîd û binpêkirinên mafan ên li girtîgehan wê du rojan têkiliyên cuda pêk bîne. 

Heyet cara ewil serdana Buroya Hiqûqê ya Asrinê kir. Parêzerên Buroya Hiqûqê ya Asrînê Raziye Ozturk, Rezan Sarica, Îbrahîm Bîlmez û Emran Emekçî beşdarî civînê bûn. Heyetê der barê rewşa dawî ya Rêberê Gelê Kurd Abdullah Ocalan û 3 girtiyên din Omer Hayrî Konar, Veysî Aktaş û Hamîlî Yildirim ên li Girtîgeha Tîpa F a Îmraliyê di bin şert û mercên giran ên tecrîdê de ne, agahî da. Parêzeran her wiha der barê cezayên dîsîplînê yên keyfî yên li ser Abdullah Ocalan, şert û mercên Girtîgeha Îmraliyê, biryarên dawî yên der barê qedexekirina parêzeran de û hewildanên xwe ya li dijî van biryaran jî anîn ziman.

'Hevdîtin keyfî tê astengkirin’

 

Ji parêzeran Emran Emekçî axivî û diyar kir ku 33 meh in agahî ji Abdullah Ocalan nagirin û got: "Sedemên qedexeyên dîtina parêzeran û cezayên dîsîplînê ji me veşartiye. Li gorî qanûnê ji bo hevdîtina malbat û parêzeran bê qedexekirin divê hevdîtinên parêzeran bi belge bên îspatkirin. Qedexeya dîtina parêzeran bêyî bingeheke hiqûqî heye. Dixwazin bi polîtîkayên xwe yên tecrîdê vîna Abdullah Ocalan bişkînin û wî bixin nava mafên takekesî. Abdullah Ocalan ji bo bidestxistina mafên kurdan ên komên navneteweyî li ber xwe dide."

'Ji bo Tirkiyê û Rojhilata Navîn firsendeke’

Parêzer Îbrahîm Bîlmez jî da zanîn ku Gelê Kurd Abdullah Ocalan wekî rêberekî dibîne û wiha axivî: "Berê jî ji bo Birêz Ocalan gelek kampanya hatin li dar xistin. 10 milyon û 328 hezar û 623 îmzeyên ku di çarçoveya Kampanyaya 'Ji Ocalan re Azadî' ya li çar aliyê cîhanê tê meşandin de hatin komkirin radestî Konseya Ewropayê hatin kirin. Ji ber ku beşeke mezin a Gelê Kurd bi Ocalan bawer dike. Dewlet jî vê yekê dizane û gelek caran li ser maseya fermî hevdîtin pêk anîne. Birêz Ocalan hem ji bo Tirkiyeyê hem jî ji bo Rojhilata Navîn firsendeke mezin e. Birêz Ocalan ji sala 1993’yan ve hewl dide pirsgirêka kurd bi rêyên aştiyane çareser bike û gelek caran agirbestên yekalî pêk aniye. Birêz Ocalan jî mirovekî pir maqûl e. Ew têdigihîje ku meseleya dermankirinê çiqas tevlihev e û ew bandorê li tevahiya Rojhilata Navîn dike. Tevî van şert û mercên tecrîdê jî ji bo aştî û çareseriyê xebat kir. Tevî van hemûyan jî Gelê Kurd li pişt Birêz Ocalan e û di zane ku nêzîkbûna birêz Ocalan nêzîkatiya li Gelê Kurd e. Ji bo rakirina tecrîdê û çareseriya pirsgirêka kurd li Tirkiye û Kurdistanê grevên birçîbûnê hatin destpêkirin. Ev rewş me xemgîn dike. Em kêfxweş in ku heyeta li vir heye. Daxwaza me ew e ku tecrîd ji raya giştî re bê ragihandin."

‘Birêz Ocalan ji bi aşîtiyê her dem amade bû’

Parêzer Rezan Sarica jî da zanîn ku di agahî negirtin mirovan dixe nava fikaran û wiha nêrînê xwe anî ziman: "Birêz Ocalan ger bizane ku heyeteke jin li vir serdana wî dike dê pir kêfxweş bibûya. 33 meh in tu xeber ji birêz Ocalan nayê. Ev ji bo me sedemek ciddî ye ku em bi fikar in, lê ez dixwazim rewşa wê ya sala 2019'an parve bikim. Got ku 'Ew her tim ji bo çareseriya pirsgirêka kurd amade ne'. Di derbarê krîza ku civak tê de ye pêşniyarên xwe kirin. Helwest û vîna wî bawerî û hêviyek mezin da. Helbet ev yek di civakê de jî derket holê. Her wiha grevên birçîbûnê yên wê demê bi bangên wî bi dawî bû. Ji ber ku xeta wî ya siyasî li ser felsefeya jiyanê ye. Birêz Ocalan her tim ji bo çareseriyê amade bû."

 'Şoreş avakir'

Rêzan destnîşan kir ku nêzîkatiya Abdullah Ocalan a li pirsgirêka jinê li ser esasê azadiyê ye û anî ziman ku ew pirsgirêkên jinan weke sedemeke mezin a têkoşînê dibîne û wiha bi lêv kir: “Mînak di mijara bûkên zarok de gotibû ez ê 10 şoreşan bikim. Ji bo jin di nava şert û mercên wekhev de bijîn di nava têkoşîneke mezin de bû. Li ser pirsgirêkên heyî yên wê serdemê jî meraq dikir. Girîngiya ku wî dida têkoşîna azadiya jinê ji ber ku weke her tim di rojeva sereke de bû, balkêş bû."

 Parêzer Raziye Ozturk jî bal kişand ser paradîgmaya azadiya jinê ya Abdullah Ocalan û wiha aixfî: “Birêz Ocalan teqez dixwest jin di pozîsyona pêşeng de cih bigirin. Bi veguhertina vê zihniyeta ku afirand, li Kurdistanê şoreşeke derûnî ya cidî afirand. Di wan şert û mercên dijwar de jî paradîgmaya azadiya jinê ava kir. Paradîgmaya ku li dijî vê pergalê derdixe pêş, bi taybetî bi pîvana wê ya jinê, li her derê tê jiyîn."

Piştre hevdîtin ji çapemeniyê re girtî berdewam kir. 

Şande dê piştre biçe serdana Jin bi Hev re bi Hêz in, Weqfa Mafên Mirovan a Tirkiyeyê (TÎHV ), Komeleya Mafên Mirovan (ÎHD) û Dayikên Şemiyê.