ڕۆژانە

16:01

کۆمسیۆنی باڵای پەنابەرانی نەتەوە یەکگرتووەکان، گیانلەدەستدانی هەزار و ٢٠٠ منداڵی لە نۆ کامپی پەنابەرانی سودان ڕاگەیاند.

15:54

مەجدە ک.، چالاکوانی مەدەنی و شارەزای زانستە سیاسییەکان دەڵێت: ڕژێمی ئێران بە مەبەستی لاوازکردنی ڕاپەڕین هەوڵدەدات دووبەرەکی لە نێوان کورد و تورکەکانی نیشتەجێی ڕۆژهەڵاتی کوردستان دروست بکات.

15:35

لە شاری هەولێر کەنەکە کۆنگرەیەکی ڕۆژنامەوانی بەست و داوای لە لایەن و حزبە سیاسییەکان کرد، دەستبەرداری ناکۆکییە لاوەکیان ببن و ڕووبەڕووی داگیرکاری و پیلانگێڕی ببنەوە.

14:41

شاناز ئیبراهیم ئەحمەد و ڕێواس فایەق دژی هێرشەکانی دەوڵەتی تورکیا هەڵوێستی خۆیان خستەڕوو، کە "دووبارەبوونەوەی ئەم جۆرە پەلامارانە و بەئامانجگرتنی هاوڵاتیانی بێ دیفاع لە خاکی خۆیاندا، تاوانێکی دژ بە مرۆڤایەتیە و شێواندنی ئاسایشی ناوچەکەیە".

14:03

کەنەکە لە ڕاگەیەندراوێکدا ڕایگەیاند، "ئێمە وەک کۆنگرەی نەتەوەیی کوردستان لە بەرامبەر ئەو هێرشانە یەک هەنگاو بەرەو دواوە ناچین، خاوەندارێتی لە شەهیدانمان دەکەین، لە دژی هەموو هێرشەکان ڕادەوەستین و هێڵی یەکێتی نەتەوەیی دەپارێزین".

13:50

نیاز عەبدوڵا، ڕۆژنامەنووس، لەبارەی هێرشەکانی دەوڵەتی تورکیا و ئێران و هاوکاریە ناوخۆییەکان بۆ دەوڵەتانی داگیرکەر، دەڵێت: هەر جۆرە هاریكاریكردنێك یان شەڕێكی بە وەكالەت بۆ دوو دەوڵەتی فاشیستی وەك ئێران و توركیا، خیانەتە و دەیانخاتە زبڵدانی مێژووەوە.

11:33

دوێنێ لە دوو هێرشی جیاوازی دەوڵەتی تورکیادا لە شاری سلێمانی و هەولێر، چوار کەس شەهید بوون و دایکی یەکێک لە شەهیدەکان دەڵێت: ئێمە لەبەر کوردبوونمان دەکوژرێین و بە کەنیزەک دەکرێین.

10:14

کۆمیتەی چاند و هونەری باشوور لە ساڵیادی کۆچی دوایی مەرزیە فەریقیدا ڕایگەیاند، خۆشەویستی و لێگەڕینی مەرزیە بۆ هونەر کە لەناو سیستەمێکی ستەمکاردا سەریهەڵدا، بووە هۆی ئەوەی ڕووبەڕووی چەندین سەختی ببێتەوە.

09:47

پۆلیسی دارستان و ژینگەی سلێمانی بڵاویکردەوە، بە هۆکارێکى نادیار ئاگرێکى فراوان لە گوندى گەورەدێ لە سنووری ئاغجەلەر کەوتەوە و لە ئەنجامدا دوو هەزار دۆنم، پووش و پاوان و دارستان سووتان.

15:58

پلاتفۆرمی ژنانی ئەنقەرە ڕایگەیاند کە دەسەڵاتی ئاکەپە-مەهەپە بە شێوەیەکی سەرەکی هێرشەکانی بۆ سەر بزووتنەوەکانی ژنانی کوردو هەموو بزووتنەوەکانی ژنان زیاد کردووە.

15:36

ڕێکخراوی نوێگەر بۆ گەشەپێدانی هونەری ڕایگەیاند، بڕیار بوو ئێوارەی ئەمڕۆ لە شاری سلێمانی شانۆی "پەرچەمی ئاگرین" بۆ ساڵیادی ژینا ئەمینی نمایش بکەن، بەڵام ڕێگری لە نمایشکردنی کرا.

15:16

یونیسێف ڕایگەیاندووە، نزیکەی ٣٠٠ هەزار منداڵ بەهۆی زریانی سەختی دانیال لە ڕۆژهەڵاتی لیبیا زیانیان بەرکەوتووە.

14:17

لە توێژینەوەیەکدا ئاشکرا کراوە کە شەکر پەیوەندی نە نەخۆشییەکانی خوێنەوە هەیە و پێویستە پەنا ببرێتە بەر بەکارهینانی شیرینی سادە و سروشتی.

12:20

لە ٣٠یەمین خەڵاتی ڕۆژنامەگەری موسا ئەنتەر، شەهیدی ڕۆژنامەگەری ئازاد، ڕۆژنامەنووس نازیلا مەعروفیان، کە چاوپێکەوتنی لەگەڵ باوکی ژینا ئەمینی کرد، خەڵاتی یەکەمی ڕۆژنامەوانی ژنانی بردەوە.

11:17

ناڕەزایەتییە سەرتاسەرییەکانی خەڵکی ئێران لە بەشێک لە شارەکاندا جارێکی دیکە هەڵگیرساوەتەوە و هێشتا کەشێکی ئەمنی بەهێز لە شارەکانی ڕۆژهەلاتی کوردستاندا هەیە.

11:07

مەرزییە فەریقی، ئەو گۆرانیبێژەی یەکەم کاری هونەریی لە چیا تۆمارکرد، ئەمڕۆ ١٨ ساڵ بەسەر کۆچی دواییدا تێدەپەڕێت.

10:24

یەکێک لە چالاکوانە تورکەکانی خوی دەڵێی: لە ساڵیادی کوشتنی ژینادا زۆربەی بازاڕ و دوکانەکانی شاری خوی داخران، بەداخەوە ژینگەی ئەمنی وایکرد ئەم بابەتە کەمتر لە میدیاکاندا بڵاو ببێتەوە.

10:11

لەگەڵ نزیکبوونەوەی زستان، ئەو ژنانەی لە ناوچەی ئەلحوز لە بوومەلەرزەکەی مەغریب ڕزگاریان بووە، مەترسی لەسەر چارەنووسیان هەیە و ڕێگاکانی گوندەکان زۆر خراپن بۆ گەیشتنی یارمەتییەکان.

09:29

ئەندامانی بزووتنەوەی ئازادی ژنانی ئێزیدی-تاژێ هەڵوێستیان بەرامبەر هێرشەکەی دەوڵەتی تورکیا بۆ سەر شەنگال دەربڕی، تیشکیان خستە سەر بێدەنگی حکومەتی عێراق بەرامبەر هێرشەکان و داوای پاراستنی کولتوور و بوون و بەهێزکردنی خەباتی کۆمەڵگەی ئێزیدیان کرد.

09:12

هالیدە تورکئۆغڵو، پەرلەمانتاری تورکیا ڕایگەیاند وەک بەشێک لە هەڵمەتی "لەگەڵ ژن، ژیان، ئازادی بەرەو ئازادی"، ماڵ بە ماڵ دەگەڕێن و هەنگاو دەنێن و دژی هێرشەکان لەسەر دەستکەوتەکانی ژنان ناڕەزایەتی بەرز دەکەنەوە.